Дашчойлин хийдийнхэн 9 сая төгрөгийн өртөг бүхий тоног төхөөрөмжийг Гэмтэл согог сэргээн засварлах үндэсний төвд хандивлав. Герман улсад үйлдвэрлэгдсэн ясны мэс заслын багаж нь Гэмтэлийн эмнэлэгт нэг шаардлагатай тоног төхөөрөмж гэнэ.
Дашчойлин хийдийнхэн дотоод, гадаадын, олон улсын хүмүүнлэгийн байгууллагатай хамтран нийгмийн сайн сайхны төлөө олон ажлуудыг хэрэгжүүлдэг юм билээ.
Тус хийдийнхэн 2007 оноос Зүүн Хойд Азийн Залуу Байгаль Орчны Сүлжээ болон Монголын Залуучуудын Байгаль орчны сүлжээтэй хамтран уламжлалт аргаар байгаль орчноо хамгаалах талаар төсөл хэрэгжүүлж сургалт явуулж, гарын авлага гаргасан байна.
2003 оноос НҮБ-ын Хүүхдийн Төлөө сантай хамтран “Буддист манлайлал санаачлага” хөтөлбөрийг хэрэгжүүлсэн гэнэ.
Энэхүү хөтөлбөрийн зорилго ньлам хувраг үе тэнгийн сургагч нарыг бэлтгэж, ХДХВ/ДОХ-ын эсрэг үйл ажиллагаанд нэгдэн оролцуулах аж.
Лам нарын нийгмийн идэвхи санаачлагыг өргөжүүлэх болон залуучуудыг БЗХӨ-өөс урьдчилан сэргийлэх, өвчтнийг асран халамжлах зэрэг хүмүүнлэгийн үйл ажиллагааг явуулдаг юм байна.
Ажаа Ренбүчийн санаачилсан хүүхдийн цусны эмгэг, хавдрын эмнэлэг байгуулах төсөлд ч тэд хувь нэмрээ оруулжээ.