Монголын покет биллярдын холбооноос зохион байгуулдаг пүүл биллярдын лигийн тэмцээн бүтэн жил үргэлжлэн шөвгийн 16 тамирчин шалгарчээ.
Тодруулбал, энэ онд нийт таван цуврал, 20 үе шаттай тэмцээн болж, хамгийн өндөр оноо авсан тамирчид энэхүү тэмцээнд үлдсэн гэсэн үг. Тэгвэл шилдэгт багтсан тамирчдын шөвгийн наймын тоглолт өнөөдөр болж байна.
Лигийн тэмцээний шилдэг 16 тамирчин өнөөдөр чансаагаар оноолт таарч тоглон шилдэг найман тамирчнаа тодруулна. Харин маргааш хагас шигшээ болон медалийн төлөөх тоглолтууд болсноор лигийн тэмцээн өндөрлөх юм.
Монголын покет биллярдын холбооноос энэ жил 80 орчим тэмцээнийг тамирчдын дунд зохион байгуулжээ. Тус холбооны лигийн тэмцээн 10 удаа зохион байгуулагдахад Спортын мастер Л.Дэлгэрдалай гурван удаа түрүүлсэн байна.