Өнөөдөр Швейцарийн Ньон хотноо Аваргуудын Лигийн хасагдах шатны сугалаа Улаанбаатар хотын цагаар 19.00-т эхэлнэ. Үнэнийг хэлэхэд чухамхүү энэ шатнаас цаашлаад жинхэнэ “гал гарсан зодоонууд” эхэлдэг тул өнөөдөрийн сугалаа тун чухал. Хэдийгээр шилдэг 16-д үлдсэн багууд бүгд мундаг ч гэлээ дотроо “Базель, Шальке ч юмуу, Порту, Монаког сугалчих юмсан ” хэмээн мөрөөдөж байгаа гэхэд хол зөрөхгүй дээ. Багууд хэсгийн тоглолтод эзэлсэн байрнаасаа шалтгаалан хоёр хэсэгт хуваагдсан байгаа.
Эхний хэсэг: «Атлетико», «Реал», «Монако», «Боруссиа» Дортмунд, «Бавари», «Барселона», «Челси», «Порту».
Хоёр дахь хэсэг: «Ювентус», «Базель», «Байер», «Арсенал», «Манчестер Сити», «ПСЖ», «Шальке, «Шахтер».
Сугалааг зохион байгуулахдаа эхний удаа нэг улсын баг хоорондоо таарахгүй байх, урьдчилсан тоглолтод нэг хэсэгт байсан багууд дахин таарахгүй байхаар зохицуулдаг билээ.
Хасагдах шатны эхний тоглолтууд ирэх жилийн 2-р сарын 17-18 ба 25-26 –ны өдрүүдэд эхэлнэ.
Б.Хулан