Эрүүл мэндийн сайдын тушаалаар баталсан “Эрүүл мэндийн даатгалын сангаас санхүүжих өндөр өртөг бүхий мэс заслын тусламж, үйлчилгээнд шаардагдах зарим эмнэлгийн хэрэгсэл, протезийн жагсаалт”-ыг ирэх оны нэгдүгээр сарын 1-ээс мөрдөхөөр болжээ.
Тодруулбал, Ирэх оны нэгдүгээр сарын 1-ээс өндөр үнэтэй 10 гаруй мэс заслын өртөгийг Эрүүл мэндийн даатгалын сангаас хөнгөлөхөөр болсон байна.
Энэ нь даатгуулагч өртөг өндөртэй мэс засал хийлгэсэн тохиолдолд тухайн мэс засалд шаардагдах зарим эмнэлгийн хэрэгсэл, протезийн үнийн тодорхой хувийг хөнгөлөх аж. Тухайлбал, зүрхний төрөлхийн болон олдмол гажгийн имешит өвчин, артерийн судасны эмгэгүүд, тархи, мэдрэл, хиймэл эрхтэн суулгах зэрэг мэс заслыг хийлгэхэд хөнгөлөлт эдлэх юм байна.
Уг хөнгөлөлтөнд зориулж 2015 ондЭрүүл мэндийн даатгалын сангаас 13.4 тэрбум төгрөгийг төсөвлөжээ. Түүнчлэн даатгуулагч тухайн сард өвчний учир эмчийн оношлогоо, шинжилгээ хийлгэх бол ЭМД-ын сангаас 55 мянган төгрөгийн хөнгөлөлт үзүүлдэг байсныг нэг удаад гурван сартай тэнцэх хэмжээний төгрөгөөр тооцохоор болжээ. Өөрөөр хэлбэл, 165 мянган төгрөгийг хөнгөлөлт эдлэхээр болсон байна.