Үндэсний статистикийн хорооноос өнөөдөр мэдээлэл хийлээ. Монгол улсын гурван сая дахь иргэн 2015 он гараад төрнө гэсэн таамгийг статистикчид дурдав.
Учир нь хүн амын өсөлт сар тутамд харилцан адилгүй байгаа аж. Энэ оны аравдугаар сард 74764 хүүхэд шинээр мэндэлсэн бол арваннэгдүгээр сард 75213 болж өсчээ. Тиймээс 2015 он гараад буюу морь жилдээ багтаж төрөх магадлалтай байна.
Төр засгаас гурван сая дахь иргэнд гурван өрөө байр, гурван сая төгрөг өгнө гэсэн. Мөн түүний чацуутнуудад ч мөнгөн урамшуулал олгох юм.
Тиймээс гурван сая дахь иргэн төрөх өдрийг тодорхой болговол ээжүүд олноор хийсвэр хийлгэх магадлалтай гэж үзэж байгаа аж. Тиймээс Үндэсний статистикийн хороо өөрийн вэбсайтдаа ажиллуулдаг Хүн амын цаг тооллоо унтраасан байна. Учир нь хүмүүс тус тооллыг харж гурван сая дахь хүүхэд төрүүлэх хүслээр амаржих хугацаагаа тааруулах гэж оролдох магадлалтай байгаа гэв.