Өчигдөр Дүүргийн анхан шатны I шүүхээр “Мунзуй” хочит Г.Нямдоржид холбогдох хэргийг хэлэлцжээ. Улмаар түүнд мөрийтэй тоглоом давтан тоглосон гэсэн үндэслэлээр яллах дүгнэлт үйлдэн нэг жил хорих ялаар шийтгэжээ.
Үүнээс үүдэж мөрдөн байцаах болон прокурорын байгууллага шалгаж, хянаж байгаа нэрээр зургаан cap уг хэргийг хав дарсаны дараа хэсэг нөхдийг ял завшуулж, ганцхан Г.Нямдоржид ял оноолоо гэх хэл ам гадуур тарж байна.
Хэргийг тодруулбал, Сүхбаатар дүүргийн I хорооны нутагт үйл ажиллагаа явуулдаг “DHL” төвийн есдүгээр давхарт байрлах рестораны VIP өрөөнд энэ оны гуравдугаар сарын 21-нд хэсэг хүмүүс мөрийтэй тоглож байгаа мэдээллээр цагдаагийнхан очиж шалгажээ. Тэнд Г.Нямдоржоос гадна УИХ-ын гишүүн асан Х.Бадамсүрэнгийн хүү Б.Бүрэнжаргал, “Люмино” хамтлагийн Баажий буюу Б.Батхишиг болон иргэн Х.Баатархүү, У.Мөнхжаргал, Ч.Мөнхбат нар техас покер тоглож байсан аж. Тэдэнд эрүүгийн хэрэг үүсгэн шалгаж байгаад Г.Нямдоржоос бусдыг нь анх удаа хөнгөн гэмт хэрэгт холбогдсон гэсэн үндэслэлээр хөөн хэлэлцэх хугацаа зургаан cap нь өнгөрмөгц хэрэгсэхгүй болгосон нь энэ аж.