Улсын хэмжээнд энэ оны эхний арван сарын байдлаар тээврийн хэрэгслийн хөдөлгөөний аюулгүй байдал, ашиглалтын журмын эсрэг 1167 гэмт хэрэг үйлдэгджээ. Үүнээс 589 нь Улаанбаатар хотод, 577 нь хөдөө орон нутагт гарч, ослын улмаас бодит 569 хүн нас барсан тоо баримт байна.
Улаанбаатар хотын Замын цагдаагийн газраас гаргасан судалгаагаар сүүлийн дөрвөн жилийн хугацаанд тээврийн хэрэгслийн тоо 2.6 дахин өссөн аж. Өнөөдрийн байдлаар улсын хэмжээнд 736288 тээврийн хэрэгсэл бүртгэлтэй байгаас Улаанбаатар хотод 62.1 хувь, хөдөө орон нутагт 37.9 хувь нь орон нутагт бүртгэлтэй байна.
2014 оны эхний 11 сарын байдлаар 57951 тээврийн хэрэгсэл шинээр бүртгэгдэж улсын дугаар авчээ. Үүнээс нийслэлд 41606 тээврийн хэрэгсэл бүртгэгдсэн байна. Улаанбаатарт 2010 онд 168814 тээврийн хэрэгсэл бүртгэгдэж байсан бол 2014 оны эхний 11 сарын байдлаар 441836 тээврийн хэрэгсэл бүртгэлтэй байна.