“Forbes” сэтгүүлээс ОХУ-ын Ерөнхийлөгч Владимир Путиныг дэлхийн №1 эрхмээр нэрлэлээ. Америкийн сэтгүүлээс жил бүр дэлхийн хамгийн хүчирхэг, нөлөө бүхий хүнийг тодруулдаг юм. Тус сэтгүүл 2011 онд Владимир Путиныг АНУ-ын Ерөнхийлөгч Барак Обамагийн дараа дэлхийн нөлөө бүхий хүчирхэг улстөрч гэдгийг тодорхойлж байв. Өдгөө 62 настай Владимир Путин АНУ, Барууныхны хавчлагыг үл хайхран Украины улс төрийн хямралаас Крымын хойгийг эргүүлэн авч чадсан билээ. Харин АНУ-ын Ерөнхийлөгч Барак Обамаг “Forbes” сэтгүүл дэлхийн хамгийн нөлөө бүхий хоёр дахь хүчирхэг хүн гэж тодорхойлов. АНУ-ын Ерөнхийлөгч Барак Обамагийн улс төрийн бодлого сүүлийн хэдэн жилд суларч, нэр хүнд нь эх орондоо төдийгүй олон улсад нэлээд унажээ. Түүнчлэн эх орондоо авлигын эсрэг “дайн” эхлүүлээд буй Хятадын дарга Си Жинпин “Forbes”-ийн хамгийн нөлөөтэй, хүчирхэг эрхмийн гуравт нэрлэгдсэн байна. Түүний араас Ромын шинэ пап Франсис, Европын холбооны топ эвлэрүүлэн зуучлагч, Германы канцлер Ангела Меркель нар эхний тавд багтжээ.
“Forbes” сэтгүүлээс 22# “Facebook”-ийн Марк Цукерберг8 49# Хойд Солонгосын удирдагч Ким Чен Ун нар дэлхийн хамгийн хүчирхэг залуу хүнээр тодорсон байна. Харин 11# Саудын Арабын Гадаад хэргийн дэд сайд /90 настай/ Абудулазиз бин Абдуллах, 28# Азийн хамгийн баян хүн болох Хонгконгийн тэрбумтан Ли Кашин /86 настай/ нар нөлөө бүхий 100 хүнд багтсан хамгийн хөгшин хүн аж. Эх сурвалж: Forbes