НҮБ-ын Ерөнхий нарийн бичгийн дарга Бан Ги Мүн Өмнөд Солонгосын Ерөнхийлөгчийн сонгуульд хүч үзэх гэнэ. Энэ талаар тус улсын сөрөг хүчний Нэгдсэн ардчилсан намын гишүүний ярианд тулгуурлан “Синхуа” агентлаг дамжууллаа.
НҮБ-ын Ерөнхий нарийн бичгийн даргыг таван жилд нэг удаа шинэчлэн сонгодог бөгөөд Бан Ги Мүний бүрэн эрхийн хугацаа 2016 онд дуусгавар болох билээ. Харин ирэх жилийн арванхоёрдугаар сард Өмнөд Солонгос улсын Ерөнхийлөгчийн бүх нийтийн сонгууль болох юм. Долоо хоногийн өмнө явуулсан олон нийтийн санал асуулгын дүнгээс Бан Ги Мүн Ерөнхийлөгчийн сонгуульд хүч үзвэл 40 гаруй хувийн дэмжлэгийг авах нь тодорхой харагдаж байжээ.
Сөрөг хүчний Нэгдсэн ардчилал намын зөвлөх парламентын хуралдааны үеэр “Бан Ги Мүний найз түүнийг сөрөг хүчнээс Ерөнхийлөгчийн сонгуульд хүч үзэх гэж байгаа талаар ярьсан. Хэрвээ Бан Ги Мүн сонгуульд өрсөлдөхөөр болвол түүний шийдвэрийг хүндэтгэн үзэх болно” гэсэн байна. Гэхдээ хэн гэдэг найз нь энэ тухай ярьсан талаар тодорхой мэдээлэл өгөөгүй аж.