АНУ-ын Ерөнхийлөгч Барак Обама ирэх долоо хоногт Хятад, Бирм, Австрали зэрэг улсуудад болох өндөр дээд хэмжээний хурал чуулганд оролцох төлөвлөгөөтэй байна. Тэрбээр АНУ-ын Конгрессийн дунд шатны сонгууль дууссаны дараа Азид долоо хоногийн айлчлал хийнэ гэдгээ мэдэгджээ.
Обама Даваа гаригт Бээжинд болох Ази Номхон Далайн Эдийн Засгийн Хамтын Ажиллагааны Байгууллагын Чуулганд оролцох юм. Бээжинд тэрбээр БНХАУ-ын Ерөнхийлөгч Си Зиньпинтэй уулзах юм байна. Үүний дараа Обама Зүүн өмнөд Азийн Бирм улсад айлчлах бөгөөд тус улсад зохиогдох Зүүн Азийн Чуулган, АНУ- Зүүн Өмнөд Азийн Бүс Нутгийн Хамтын Ажиллагааны Нийгэмлэгийн хамтарсан дээд хэмжээний хуралд оролцох гэнэ. Ерөнхийлөгч Обамагийн долоо хоногийн айлчлал Австралид болох “Их Хорь”-ийн уулзалтанд оролцсоноор өндөрлөх юм байна.
Эх сурвалжуудын үзэж буйгаар Обама эдгээр чуулганы үеэр ОХУ-ын Ерөнхийлөгч В.Путинтай албан ёсны уулзалт хийхгүй гэнэ. Харин албан бус шугамаар яриа хэлцэл хийгдэж магадгүй байгаа аж.