Ж.Батзандан гишүүнийг шударга гэдэг. “Залуу гишүүд нараасаа илүү шударга хүн юм. Нам энэ тэр гэж тоохгүй, Ерөнхий сайд Н.Алтанхуягийг огцруулах бичигт гарын үсэг зурсан” гэж хүмүүс магтаж байна. Энэ талаас нь харахад Ж.Батзандан шударга хүн юм. Хүний ёс жудаг талаас нь харвал шударга зүйлд ч хэмжээ хязгаар байдаг гэж бодогдох. Засгийн газрыг өмөөрөх гэж энэ тухай бичсэнгүй. Хоёрын хооронд ингэж байхаар Засгийн газрын асуудал нэг талдаа гарвал таарна. Н.Алтанхуягийг огцруулах гэлээ гэж цээжээрээ хамгаалах гэсэнгүй. Ж.Батзандан гэх залуугийн үйлдэл бусад залуу хүмүүст нөлөөлөх талаас нь харахад хүнлэг юм гэж энэ дэлхийд байх ёстой гэж хэлмээр санагдлаа. Шударга ёс дангаараа хол явдаггүй. Шударга ёс хүн чанартай хослож байж бүрэн хүчээ авах ёстой.
МАН дараагийн УИХ-ын сонгуульд ялалт байгуулбал хамгийн түрүүнд сэргээн шалгах хэд хэдэн хэрэг байдаг юм. Тэр хэргүүдийн нэг нь “Долдугаар сарын 1-ний үймээний хэрэг”. Яагаад гэвэл тухайн үед МАН-ыг хамгаалж байсан хурандаа нар шоронд явсан. Тэгвэл иргэдийг өдөөн турхирч, удирдаж, удирдаж дийлэхээ байгаад хаяад зугтсан хүмүүсийг яагаад шийтгэхгүй байгаа юм бэ гэж МАН сануулдаг. Сануулсаар ч байгаа. Шударга байхад ч хэмжээ хязгаар гэж бий. Сонгогчдоос оноо авч, камерын өмнө тэмцэгч, шударга хүний дүр эсгэснээр хүн шударга болчихгүй. “Долдугаар сарын 1-ний үймээн”-ий хэргээс болж шоронд орох гэж байхад нь улаан цагаан АН-ынхан хамгаалж хаацайлж байж авч үлдсэн гэдгийг бараг хүн бүхэн л мэдэж байгаа. Улс төрийн хүнд ёс суртахуун хамаагүй гэж бодож байгаа бол эндүүрэл. Улс төрийн ийм ёс жудаггүй хүмүүсийг намынхан нь дараагийн сонгуульд нэрийг нь дэвшүүлэхгүй байх хэрэгтэй. Шударга чанар хэзээ ч хүн чанараас давж байгаагүй гэдэг.
Г.ДЭЛГЭРЦЭЦЭГ