Монгол Улсын нэрийн хуудас, монголчуудын бахархал болсон “Морин хуур” чуулгыг үүсгэн байгуулагч, уран сайхны удирдаач, ардын жүжигчин Ц.Батчулууны гадаадад элэг шилжүүлэх эмчилгээний зардлыг бүрдүүлэх “Эгшгэн өргөл” аян өрнөж байна. Энэхүү аяны хүрээнд энэ сарын 20, 21, 22-ны өдрүүдэд Соёлын төв өргөөнд “Эгшгэн өргөл” хандивын тоглолт болох юм.
Боловсролын салбарынхан энэхүү аянд нэгдэн өөрсдийн сэтгэлийн хандивыг өргөхөөр шийджээ. Ингэхдээ аравдугаар 24-нд “Эгшгэн өргөл” тоглолтыг боловсролын салбарынханд зориулан дахин тоглуулахаар болсон байна. Монголын их дээд сургуулиудын консорциум энэхүү тоглолтод салбарынхаа эрдэмтэн багш, сурган хүмүүжүүлэгчдийг хамруулахаар болжээ.