АНУ-ын Лос-Анжелес хотноо 2015 оны долдугаар сарын 25-наас наймдугаар сарын 2-нд зохион байгуулах Тусгай олимпийн зуны наадамд манай улсийн баг, тамирчид оролцохоор болжээ.
Энэхүү наадамд дэлхийн 177 орны 700 гаруй тамирчин, 300 гаруй дасгалжуулагч, 30 мянга гаруй сайн дурынхан оролцоно. Олон улсын тусгай олимпийн хорооноос зохион байгуулж байгаа уг наадамд Монгол Улсаас спортын дөрвөн төрөлд 16 тамирчин оролцох ажээ.
Лос-Анжелес хотноо болох анхдугаар наадамд оролцох тамирчдыг шалгаруулах зорилгоор Монголын тусгай олимпийн хорооноос оюуны бэрхшээлтэй хүүхдүүдийг оролцуулсан тусгай олимпийн үндэсний анхдугаар наадмыг энэ сарын 17, 21, 22-нд жүдо, ширээний теннис, хөнгөн атлетик (холын болон ойрын зайн гүйлт) гэсэн төрлөөр зохион явуулах юм байна. Тусгай олимпийн Үндэсний анхдугаар наадамд 200 гаруй тамирчид оролцохоор бүртгүүлсэн бөгөөд тэмцээнийг Монголын тусгай олимпийн хороо нь ССАЖЯ-ны дэмжлэгтэйгээр хамтран зохион байгуулах аж.