Хонконг
улсад энэ сарын 13-14-ний өдрүүдэд зохион байгуулагдах Ой тогтоолтын нээлттэй
тэмцээнд оролцох манай улсын баг тамирчид өнөөдөр тус улсыг зорилоо. Энэхүү
тэмцээнд 10 орны 72 тамирчин оролцож, оюуны чадвар, ухааны цэцээ сорих ба
Монголын оюун ухааны академийн 10 тамирчин дасгалжуулагч болон туслах дасгалжуулагчийн
хамт эх орноосоо мордлоо. Дашрамд дуулгахад манай улсын гурван их мастер
оролцох юм.
Өнгөрөгч
сарын сүүлээр Энэтхэг улсад зохион байгуулагдсан ой тогтоолтын аварга
шалгаруулах нээлттэй тэмцээнд манай тамирчид амжилт дүүрэн оролцсон билээ. Тус
тэмцээнд манай улсаас Монголын оюун ухааны академийн гурван тамирчин
дасгалжуулагч, ОУ-ын шүүгч Х.Хатанбаатарын хамт оролцсон ба тэд 30 медалийн
есийг нь хүртэж, дунд насны ангилалд Дэлхийн хоёр дээд амжилтыг шинэчлэн
тогтоосноор багийн оноогоороо тэргүүлсэн билээ.