“Хүсэл зорилгоо нэгтгэе” үндэсний хөдөлгөөнийхөн энэ сарын 10-нд буюу маргааш Чингэсийн талбайд 12:00 цагаас “Эх орондоо эзэн болцгооё” цуглаан зохион байгуулахаар болжээ.
Тус хөдөлгөөнийхөн шүүхийн алдаатай шийдвэрүүдээс болж хохирч байгаа иргэдийн гомдлыг барагдуулахыг энэ цуглааныхаа үеэр шаардах аж. Тиймээс үзэл бодлоо илэрхийлж, дуу хоолойгоо нэгтгэх хүсэлтэй хүн бүрийг тус цуглаанд оролцохыг уриалан дуудсан юм.
Энэ арга хэмжээний үеэр “Ээжүүдийн холбоо”, “Залуучуудын холбоо” , “Ахмадын холбоо” зэргийг байгуулж, шат шатанд олон нийтийг шударга бус байдалтай тэмцэхэд уриалж байгаа аж.
Мөн тэд Засгийн газрыг огцруулах зэргээр биш зөвхөн хариуцлага алдсан албан тушаалтныг хариуцлага хүлээлгэдэг системийг бий болгохыг шаардах ажээ.