Дэлхийн энх тайвны төлөө номлодог Шри Чинмойн үзэл санааг дэмжигчид сайн санаагаар нэгдэн “Энх тайвны гүйлт”-ийг зохион байгуулж ирсэн билээ. Энх тайвны гүйлт нь дэлхийн гүрнүүдийн эв найрамдал, нөхөрлөлийг бэхжүүлэх зорилготой, олон улсын буухиа гүйлт юм. a
Энэхүү арга хэмжээг зохион байгуулагчид жил бүр дэлхийн 100 гаруй орны мянга мянган сургуулиар зочилдог. Монгол улс энэхүү гүйлтэд гурав дахь удаагаа нэгдэн орж байгаа бөгөөд гүйлтийг удирдагчид өчигдөр Улаанбаатар хотод буудаллаа. Тэд энэ сарын 15-ны өдөр Замын Үүдийн боомтоор БНХАУ-ын оролцогчдод галт бамбарыг шилжүүлэн өгөх аж. Энх тайвны гүйгчид одоогоор галт бамбараа дэлхийн 140 орноор аялуулаад байгаа юм байна.
Э.Номин