Бөхийн
чөлөөт барилдааны 2014 оны ДАШТ үргэлжилж байна. Эрэгтэйчүүдийн 57 кг-д
барилдаж буй манай тамирчин Э.Бэхбаяр Болгарын бөх Ферайм Мехмедийг 4:0
харьцаагаар ялж, хагас шигшээд шалгарлаа.
Манай
бөх эхний барилдаанд АНУ-ын Энтони Рамосыг 7:4-ийн харьцаагаар (I үед 2:0, II
үед 5:4), дараагийн тойрогт Энэтхэгийн Рахул Аваретыг 9:8 харьцаагаар (I
үед 8:4, II үед 1:4 ) ялж, шигшээ наймд шалгарсан юм.
Одоо
Э.Бэхбаяр мөнгөн медалийн төлөө Лондонгийн олимпийн мөнгө, Европын алт, мөнгө,
хүрэл медальт, Гүржийн бөх Владимир Кинчэгашвилитэй барилдана.
Харин
125 кг-ын жингийн шөвгийн наймд шалгараад байсан ОУХМ Ж.Чулуунбат Беларусийн
бөх, Дэлхийн аварга Алексей Шемаровт 0:6 харьцаагаар ялагдлаа. Манай бөх эхний
тойрогтоо Венесуэлийн бөх Льюс Вивенес, хоёрдугаар тойрогт Македоны бөх Данов
Бобан нарыг цэвэр ялж, шөвгийн наймд шалгараад байсан юм.