ОХУ-ын Челябинск хотноо болж буй жүдо бөхийн дэлхийн аварга шалгаруулах тэмцээн гурав дахь өдрөө үргэлжилж байна. Өнөөдрийн барилдааны 73 кг-ын жинд С.Ням-Очир эхний тойрогт хийлж, удаах тойрогт Канадын Бриандыг юко үнэлгээр ялж, шөвгийн 32-т шалгарлаа. Тэрбээр дараагийн тойрогт Японы бөх Шохэй Онотой оноолт таараад байна. Энэ жил 22 настай Шохэй Оно өнгөрсөн жилийн дэлхийн аваргад энэ жиндээ түрүүлж байжээ. Тэрээр 2014 оны бүх Японы аварга цолыг хүртээд байгаа юм.