Ерөнхий сайд Н.Алтанхуяг өнөөдөр Монгол, Японы хооронд соёлын харилцаа тогтоосны 40 жилийн ойн хүрээнд Монгол Улсад айлчилж байгаа Япон Улсын Парламент дахь Либерал Ардчилсан намын Япон Монголын найрамдлын бүлгийн дарга Мотоo Хаяаши тэргүүтэй төлөөлөгчдийг хүлээн авч уулзсан.
Төлөөлөгчдийн бүрэлдэхүүнд Япон Улсын Парламент дахь Зөвлөхүүдийн танхимын Япон Монголын найрамдлын бүлгийн дарга Сацүки Эда, Төлөөлөгчдийн танхимын Япон, Монголын найрамдлын бүлгийн дарга Хироюки Сонода болон парламентын гишүүд мөн Японы Ерөнхий сайд Шинзо Абэгийн ээж Ёко Абэ нар багтсан юм.
Ерөнхий сайд Н.Алтанхуяг Японы Ерөнхий сайд Шинзо Абэгийн ээж Ёко Абэг тусгайлан хүлээн авч уулзсан байна.