Бразилийн хөлбөмбөгийн шигшээ баг ДАШТ-ий хагас шигшээ тоглолтод 1:7-гийн харьцаатай Германы шигшээ багт ялагдсан. Уурлаж бухимдсан бразилчууд Сан Паулу хотод эмх замбараагүй байдал үүсгэж, долоон автобус шатаасан байна. Мөн тэмцээн өндөрлөсний дараа герман иргэний биед хүнд гэмтэл учруулсан хэрэг гарчээ.
Тоглолтын 29 дэх минутад бразилчууд таван гоол алдсаны дараа хөгжөөн дэмжигчид цэнгэлдэхийг орхиж, гадна талбайд эсэргүүцлээ илэрхийлжээ. Зарим хөгжөөн дэмжигч дэлгүүрээс хулгай хийж, Германы өмсгөлтэй жуулчдыг дээрэмдэхийг завджээ.
Бразилийн шигшээ багийн тамирчид 1:7 харьцаатай ялагдал хүлээсэндээ хөгжөөн дэмжигчдээсээ албан ёсоор уучлалт гуйсан ч фанатууд нь бухимдсан хэвээр байгаа аж
Д.САР
