Үндэсний их баяр наадам ойртож буйтай холбогдуулан Тохижилт, засвар, худалдаа үйлчилгээний салбар хороо хуралдлаа. Хурлын үеэр Төв цэнгэлдэхийн гэрэлтүүлэг бүрэн ажиллагаанд оруулсан. Мөн Энхтайваны гүүрийн дагуу гэрлэн чимэглэл хийж, Төв цэнгэлдэхэд зөөврийн контейнер 00 нэмж байршуулахаар болсон байна. “Улаанбаатар цахилгаан түгээх сүлжээ“ ХК–иас наадмын үеэр 24 цагаар хариуцлагатай жижүүр гарган, аваарын бригад ажиллуулж, нэмэлт цахилгааны эх үүсвэр байрлуулах аж. Мөн Хүй долоон худаг, Төв цэнгэлдэхэд 10 хүнийг хяналтын багаар ажиллуулахаар болжээ. Нийтийн үйлчилгээний Улаанбаатар нэгтгэл шинэ товчоо орчмын замын хайргыг наадмын өмнөх өдөр бүрэн цэвэрлэж дуусгахаар болсон байна.