Хөдөөнөөс орж ирсэн гэр бүлийн хоёр. Эхнэр нь “Баруун талд Нону (Honey) гэдэг газар байна. Мах (Макс) гэсэн том барилга байна. Юу гэнэ ээ, хэн мэддэг юм. Ямар юм гэнэ ээ, наад газрыг чинь яаж мэддэг юм” гэж хэн нэгэнтэй ярьж байна. Автобуснаас буусан газраа хэн нэгэнд тайлбарлаж өгч байгаа аж. Эргэн тойрны байшингуудын гадаадаар бичсэн хаягийг өөрийнхөөрөө ийн уншина. Тэгээд такси бариад жолоочид нь утсаа өгч яриулж байгаа харагдлаа.
Улаанбаатар бол олон хүн амтай том хот. Саяас их хүн амтай хотод хөтөч гэх хүмүүс ажилладаг. Холоос хараад тэр хөтөч байна гээд шууд олоод очихоор содон хувцастай, тусгай саравч дотор суудаг хүмүүс. Төөрсөн будилсан хөдөөнийхөн, хүүхэд багачууд, газар заалгах гэсэн жуулчид тэдэнд хандана. Хөтөч нар өөрт нь хандсан хүмүүст газрын зураг үзүүлж, хайж байгаа газарт нь яаж очих, ямар дугаартай автобусанд суухыг нь зааж өгнө. Даралтны эмээ гэртээ орхиод гэнэт бие нь муудсан ахмад настанд тусалж, үр хүүхдүүд рүү нь залгаж тусламж дуудна. Заримдаа хотынхонд зам, гудамж, талбай, өргөн чөлөөний албан ёсны нэрийг мэдэхгүй тохиолдол ч гардаг шүү дээ.
Зун бол манай орны хувьд аялал жуулчлалын улирал. Энэ үед ийм хүмүүсийг хотын төвд цөөн тоогоор ч болтугай ажиллуулаад үзвэл яасан юм.
Д.ГАНСАРУУЛ
One reply on “Хотын хөтөч”
Howdy exceptional blog! Does running a blog similar to this take a great deal of work?
I have very little understanding of coding however I was hoping to start my
own blog soon. Anyways, should you have any ideas
or tips for new blog owners please share. I know this is off subject however I simply wanted to ask.
Kudos!