Ирц хангалтгүйгээс тодорхойгүй хугацаагаар хойшлоод байсан УИХ дахь Хууль зүйн байнгын хорооны хуралдаан эхэлж хуралдахаар болсон ч удалгүй цуцлагдлаа. Хуралдааны эхэнд тус байнгын хороо даргаа сонгох тухай асуудлыг хэлэлцэхээр төлөвлөөд байв. Гэвч Хууль зүйн байнгын хорооны дарга Ш.Түвдэндорж байнгын хорооны даргаас чөлөөлөгдөх хүсэлтээ өгөөгүй байгаа тул өнөөдрийн хуралдаанаар уг асуудлыг хэлэлцэх боломжгүй болж буй аж.
Мөн хуралдаанаар Хуулийн этгээдийн улсын бүртгэлийн тухай болох холбогдох хуулиуд, Хөдлөх эд хөрөгө болон эдийн бус хөрөнгийн барьцааны тухай, Зөвшөөрлийн тухай зэрэг хуулийн төслүүдийг хэлэлцэхээр байсан бөгөөд хурлыг С.Баярцогт хурлыг даргалан явуулах гэж байв. Гэвч УИХ-ын чуулганы хуралдааны дэгийн хуулийн дагуу уг хурлыг Байнгын хорооны дарга даргалан явуулах дэгтэй тул ийнхүү бүхий л асуудлыг хэлэлцэх боломжгүй юм байна хэмээн гишүүд хурлыг орхин гарцгаасан байна.