Галдан бошигт хааны мэндэлсний 370 жилийн ой энэ онд болох юм байна. Уг ойд зориулан “Галдан бошигт-370” баруун бүсийн “Их хурд” наадам “Галдан бошигт хаан” дуулалт жүжиг, 370 бий биелээч, 100 уран нугараач, угсаатны өв соёлын наадам, үндэсний хувцастай 500 морьтны үзүүлбэр зэрэг урлаг соёлын үйл ажиллагаа явагдана. Энэхүү ойг ирэх долдугаар сарын 24-27-ны өдрүүдэд Ховд хотын Өв соёлын хүрээнд тэмдэглэн өнгөрүүлэх юм байна. Эдгээрээс гадна Олон улсын хөөмийн гуравдугаар их наадам, “Галдан бошигт дуулал” олон улсын эрдэм шинжилгээний бага хурал болох ажээ.