Төв аймгийн Баянчандмань сумын нутаг дэвсгэрт байрлах н.Мөнхбаатар захиралтай “Моn egg”компанийн 70 мянга гаруй өндөглөгч тахиа энэ сарын 26-ны шөнө бүтэж үхсэн байна. Энэ нь тухайн өдөр хүчтэй, дуу цахилгаантай бороо орсны улмаас тус компанийн тог тасарч, дохиолол нь ажиллаагүйгээс болжээ.
Энэ сарын 28-ны байдлаар 79 800 тахиаг 12 метр гүн нүхэнд булж устган, Мэргэжлийн хяналтын улсын байцаагчид урьдчилан сэргийлэх үзлэг, ариутгал, халдваргүйжүүлэлт хийгээд байна. Үхсэн таван шувууны дээж болон амьд гурван шувууны цуснаас дээж авч Улсын мал эмнэлэг, ариун цэврийн төв лабораторийн шинжилгээнд хамрууллаа. “Моn egg” компани нь 287 мянган өндөглөгч тахиа, дэгдээхийтэй юм.