Дорноговь аймгийн Замын-Үүд боомтоор зорчигч тээврийн суудлын автомашинд 760 кг чулууг нууж хууль бусаар улсын хилээр нэвтрүүлэхийг завдсан байна. Уг үйлдлийг тус боомт дахь Хилийн мэргэжлийн хяналтын албаны хяналт шалгалтаар илрүүлж Прокурорт шилжүүлжээ.
2017, 2018 онд гаалийн ажилтнууд байгалийн чулуу хилээр гаргахыг оролдсон 90 зөрчлийг илрүүлж, үйлдлийг таслан зогсоосон байна. Өнгөт чулууг голчлон машины эд ангид 7-15 кг-аар нууж гаргахыг оролддог, илрүүлэхэд хүнд байдаг гэнэ. Чулууг иргэдээс худалдаж авдаг ченжүүдэд хуулиар оноох ял шийтгэл байхгүй учраас зөрчил гаргасан иргэнтэй адилхан арга хэмжээ авч, 200 мянга хүртэл төгрөгөөр торгож, чулууг нь хурааж авдаг гэв.