УИХ-ын ээлжит бус чуулганаар 2020 оны төсвийн тодотголыг баталлаа. Цар тахлын үед тодотгон батлагдсан төсөвт юу юу туссан талаарх мэдээллийг Сангийн сайд Ч.Хүрэлбаатаар өөрийн цахим хуудаснаа нийтэлжээ.
Энэ онд 1,330.8 тэрбум төгрөгийн санхүүжилт бүхий 1446 төсөл хэрэгжүүлж, 514 барилга байгууламж ашиглалтад орох төлөвтэй байгаа аж. Үүнийг тодруулбал:
- Нийт 134 сургууль баригдаж байгаагаас 2020 онд 51 сургууль
- Нийт 145 цэцэрлэг баригдаж байгаагаас 2020 онд 72 цэцэрлэг
- Нийт 75 эмнэлэг баригдаж байгаагаас 2020 онд 44 эмнэлэг
- Нийт 107 авто зам, гүүрийн байгууламж баригдаж байгаагаас 2020 онд 28 авто зам, 9 гүүр
- Түүхийн өв соёл, аялал жуулчлалын төсөл Чингис хааны музей, соёл, боловсролын салбарын төсөл Үндэсний номын сангийн барилга ашиглалтанд орно.
Түүнчлэн 217.8 км цахилгаан дамжуулах агаарын шугам, зургаан цахилгаан дамжуулах дэд станц энэ онд ашиглалтанд орж Дорноговь аймгийн дулааны станц шинэчлэгдэнэ.
/ЗУРАГ ДЭЭР ДАРЖ ТОМ ХЭМЖЭЭТЭЙГЭЭР ХАРАХ БОЛОМЖТОЙ/
