Дорноговь аймагт өөрийгөө шатаахыг завдсан хэрэг гарчээ.
Тодруулбал, “Сайншанд сум Зүүнбаян суманд хүн өөрийгөө шатаасан байна” гэсэн мэдээллийг хоёрдугаар сарын 13-ны 00:50-д цагдаагийн байгууллага авч шалгажээ.
Ингэхэд 19 настай эрэгтэй О өөрийнхөө дээрээс бензин асган шатааж, амиа хорлохыг завдсан байжээ. Хохирогчийн биеийн 90 хувь нь түлэгдэж, эмчлүүлж байгаа бөгөөд бие нь муу байгаа аж. Хэргийг Дорноговь аймаг дахь цагдаагийн газар шалгаж байна.
Эх сурвалжийн мэдээллээр уг хэрэг Зэвсэгт хүчний 336 дугаар ангид болсон бөгөөд хохирогч нь тус цэргийн ангид жилийн өмнө хөгжимчнөөр ажилд орсон ахлагч байжээ.