Д.Нарангэрэл: Дэлхийн 216 оронд 21,8 сая хүн коронавирусийн халдвар авсны 775 мянган хүн нас барсан бол 14 сая хүн эдгэрч эмнэлгээс гарчээ. Өнгөрсөн 24 цагийн байдлаар 267 мянган хүн шинээр халдвар авсан болох нь тогтоогдон, 5000 хүн нас баржээ. Сүүлийн сар Япон, БНСУ-д өвчлөл дахин нэмэгдэж байна. Европ, Азийн зарим улсад коронавирусийн хоёр дахь давлагаа эхэлж байгааг албаныхан мэдээлсэн.
АНУ-ын эрдэмтэд хөдөлгөөний хязгаарлал, хөл хорионы дэглэм барих нь халдварын тархалтыг бууруулах, хяналтдаа авахад эерэг нөлөөтэй хэмээжээ. Сүүлийн 3 долоо хоногийн хугацаанд залуусын дунд өвчлөл хоёр дахин нэмэгджээ. Мөн Германд гадаадаас ирсэн 249 хүнд коронавирус илэрсэн байна.
Б.ОЮУНДАРЬ