Томуугийн 445,000 тун вакциныг хүлээж аваад Эрүүл мэндийн сайдын тушаалаар зорилтот бүлгийн хүн амд хийж байгаа талаар НЭМҮТ-өөс мэдээлэв.
Харин Файзер вакцинд өнөөдрийн байдлаар 5-11 насны 3,200 орчим хүүхэд хамрагджээ. Манай улс коронавирусийн эсрэг хүүхдийн Файзер вакциныг 300,000 тунг татаж авсан нь хангалттай нөөцтэй байгаа гэж ойлгож болно хэмээн Эрүүл мэндийн сайдын зөвлөх О.Батбаяр хэллээ.
Мөн тэрбээр хүүхэд яагаад томуугаар эсвэл коронавирусийн халдвараар хүнд өвддөг талаар тайлбарлав.
Тодруулбал, 12 хүртэлх насны хүүхдийн амьсгалын зам бүрэн хөгжөөгүй байдаг тул томуу, томуу төст халдварт өвчинд өртөмхий байдаг гэсэн юм. Тиймээс хүүхдүүдэд томуугийн эсрэг болон коронавирусийн эсрэг вакцинаар хүүхдүүдийг дархлаажуулж, эрсдэлийг бууруулахаар эрүүл мэндийн салбар ажиллаж байна. Вакцинжуулалт бол хүн төрөлхтний технологийн ололт бөгөөд халдварт өвчний анхдагч урьдчилан сэргийлэлт хэмээн онцоллоо
ДБЭТ сонгодог статусаар анх 1963 онд эмхлэн байгуулагдсан. Тэр жилээ наадмаар “Лусын дагина” дуурийг тайзнаа тавихад Ерөө гуай Вангийн хатны дүрд дуулж, тэгэхэд хорь ч хүрээгүй байжээ. Театр ч, Ерөө гуай ч гараанаасаа гарсан цаг үе ажээ. Тавин нэгэн жилийн дараа тэрбээр гавьяат болохдоо мөн л наадмаар. Ерөө гуайд наадам их л ээлтэй бололтой. А.Даргомыжскийн “Лусын дагина” дуурийн Вангийн хатан, Ж.Бизегийн “Кармен” дуурийн Кармен, Ж.Вердийн “Травиата” дуурийн Флора, П.И.Чайковскийн “Евгений Онегин” дуурийн Ольга, Б.Дамдинсүрэнгийн “Учиртай гурван толгой” дуурийн Хоролмаа, Бүүвэйч гэхчлэн тус театрын урын сан дахь ерэн оноос өмнө тавьсан бүх жүжигт дуулж, ерэн оны эхээр Ардын жүжигчин, хөдөлмөрийн баатар Ц.Пүрэвдорж гуайн санал болгосноор СУИС-д багшилж эхлэхдээ ассистент багшаас эхэлсэн тухайгаа энэ өдөр дурсаж байна. Удалгүй ХБК дуулаачийн тэнхим нээснээр тэнд багшлах болсон ч ардын жүжигчин, хөдөлмөрийн баатар Г.Хайдав гуайн дуудлагаар буцаад СУИС-даа ирж, эдүгээ тэрбээр багшийн төдийгүй эх хүний эрдэм, ухаан, зүрх сэтгэлээрээ дуурийн урлагийн дэлхийн уран бүтээлчдийг бэлтгэсээр байна. Манай сонгодог урлагийн ертөнцөд өрнөж буй үйл явдлын хамгийн сүүлийн сайн мэдээг мөн л Ц.Ерөө багшийн шавь нарын нэг н.Бадрал дуулгалаа. Бадрал өнөө жил олон улсын хэд хэдэн уралдаанаас “Гран при” шагнал авчран багшийгаа баярлуулаад байна. Ер нь сүүлийн жилүүдэд М.Глинкийн уралдааны эхний байруудыг голдуу Ц.Ерөө гуайн шавь нар авч, дуурийн дуучны өндөр жишиг, Монголын дуурийн ирээдүйг үзүүлэх болоод байгаа билээ. 
