Нийгмийн халамжийн тэтгэвэр, тэтгэмж, хөнгөлөлт, тусламжийг наймдугаар сард олгох хуваарийг Хөдөлмөр, нийгмийн хамгааллын яамнаас танилцуулж байна.

2022 оны наймдугаар сарын 6-наас наймдугаар сарын 10-ныг хүртэлх цаг агаарын урьдчилсан төлөв:

Наймдугаар сарын 6-нд төвийн аймгуудын нутгийн зарим газар, зүүн аймгуудын ихэнх нутгаар, 7-нд говь болон зүүн аймгуудын нутгийн зарим газраар, 9-нд баруун аймгуудын нутгийн зарим газраар бороо, дуу цахилгаантай аадар бороо орно. Салхи ихэнх хугацаанд секундэд 5-10 метр, 6, 7-нд говь, тал, хээрийн нутгаар секундэд 12-14 метр, нутгийн зарим газраар борооны өмнө түр зуур ширүүснэ. 6-нд нутгийн хойд хэсгээр, 7-нд нутгийн зүүн хагаст сэрүүсэж Монгол-Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Идэр, Тэс, Эг, Үүр, Тэрэлж голын хөндийгөөр шөнөдөө 1 градус хүйтнээс 4 градус дулаан, өдөртөө 16-21 градус, Их нууруудын хотгор, говийн бүс нутгийн хойд хэсгээр шөнөдөө 11-16 градус, өдөртөө 25-30 градус, говийн бүс нутгийн өмнөд хэсгээр шөнөдөө 17-22 градус, өдөртөө 29-34 градус, бусад нутгаар шөнөдөө 6-11 градус, өдөртөө 19-24 градус дулаан байна. Найманд нутгийн баруун хэсгээр, есөнд ихэнх нутгаар хална.

Улаанбаатар хотод 25, орон нутагт 3 салбарт эмийн хаягдлыг иргэдээс хүлээн авч байна. Тодруулбал, “3% Эмийн хаягдлыг ангилцгаая” төслийн хүрээнд хугацаа нь дууссан эмийг иргэдээс авч, устгалд оруулж байгаа аж. Энэ нь хүрээлэн буй орчинд үзүүлэх сөрөг нөлөөллийг бууруулах зорилготой бөгөөд эмийн хаягдлыг бусад хогтой нийлүүлж хаяхгүй байхыг уриалж байна.

Тусгайлан байршуулсан шилэн хоргонд эмийн хаягдлыг хийснээр байгаль орчинд сөрөг нөлөө учруулахгүйгээр стандартын дагуу устгагдах боломжтой.

Энэ талаар “3% Эмийн хаягдлыг ангилцгаая” төслийн санаачлагч, хэрэгжүүлэгч О.Гэрэлчимэгээс тодруулахад “Төслийнхөө хүрээнд хугацаа нь дууссан эмийг иргэдээс хүлээн авч, хүрээлэн буй орчинд сөрөг нөлөө үзүүлэхгүйгээр устгалд оруулж байна. Энэхүү ажлыг анх 2019 онд эхлүүлсэн. Одоогоос гурван жилийн өмнө гэрээсээ хугацаа нь дууссан эм олоод, Монголын ихэнх сүлжээ эмийн сан руу залгаж асуухад ямар ч мэдээлэлгүй байсан. Тиймээс ч Азийн сангийн 3R-н хүрээнд төслийн уралдаан зарлагдахад төслөө бичиж түрүүлээд санхүүжилтээ авсан.

Иргэд эмийн хэрэглээндээ анхаарч, хэн нэгний санал болгосон эмийг дур мэдэн худалдан авахгүй байх нь зүйтэй. Өөрөөр хэлбэл, эмчийн зааврын дагуу эм худалдан авах нь чухал. Эмийн хаягдлыг бусад хогтой нийлүүлж хаях нь хөрс шороо, агаар орчныг бохирдуулах сөрөг нөлөөтэй. Тиймээс энэ төрлийн хог хаягдлыг стандартын дагуу устгахдаа,

• цуглуулах
• тээвэрлэх
• ариутган халдваргүйжүүлэх
• бутлах, булах буюу ландфилл аргыг хэрэглэдэг.

Хаягдал авдаг цэгүүдэд долдугаар сард л гэхэд нийт 90 килограмм ахуйн эмийн хаягдал цугларсан.Үүнээс харахад өнгөрсөн жилүүдэд их хэмжээний эмийн хаягдал хөрсөнд шингэсэн гэдэг нь тодорхой байна.

Эмийг маш олон төрлийн химийн бодисоор хийдэг. Тиймээс ч эмийн хог хаягдлыг бусад хогтой нийлүүлж шууд хаях нь ямар нэгэн бодис хөрс усанд шингэж, хүрээлэн буй орчинд нөлөөлөх эрсдэлийг бий болгоно. Түүнчлэн бусад хог хаягдалтай нийлж хорт хий үүсгэж, агаар орчныг бохирдуулах зэрэг сөрөг нөлөөтэй” хэмээн хэллээ.

Эмийн хаягдал хүлээн авч байгаа 28 салбарын эмийн сангийн хаяг байршил

Монгол Улсад сүүлийн хоногт коронавируст халдварын 446 тохиолдол шинээр батлагджээ. Эдгээр тохиолдлын

• 226 нь нийслэлд
• 220 нь орон нутагт бүртгэгдсэн байна.

Өнөөдрийн байдлаар манай улсад батлагдсан коронавируст халдварын тохиолдлын тоо 958,845 болов. Түүнчлэн өнгөрсөн хоногт нэг иргэн КОВИД-19-ийн хүндрэлээр нас барснаар эндэгдэл 2,123-т хүрээд байна.

Аялал жуулчлалын өвөрмөц бүтээгдэхүүн болсон “Даншиг наадам-Хүрээ цам 2022” шашин, соёлын наадмын үйл ажиллагаа энэ амралтын өдрүүдэд Хүй долоон худагт болно.

Үүнтэй холбоотойгоор иргэд, жуулчдад Хүй долоон худаг руу зорчих нийтийн тээврийн хэрэгслээр үйлчлэх юм.

Наймдугаар сарын 6,7-ны өдрүүдэд “МУБИС- Хүй долоон худаг” чиглэлд гурван автобус дараах цагуудад 1500 төгрөгөөр үйлчилнэ.

Нийтийн тээврийн үйлчилгээний ХҮЙ 7:2 “МУБИС- ХҮЙ-7” чиглэлийн цагийн хуваарь