Month: August 2022

Хүй долоон худагт зохион байгуулж буй “Даншиг наадам-Хүрээ цам 2022”-т нийслэлийн жижиг, дунд үйлдвэр, үйлчилгээ эрхлэгчдийн үзэсгэлэн худалдаа гарч байна. Тодруулбал, 60 орчим бизнес эрхлэгчийн өв уламжлал шингэсэн, жуулчдын сонирхлыг татахуйц гар урлалын болон үндэсний үйлдвэрлэлийн бүтээгдэхүүнийг үзэсгэлэн худалдаанд дэлгэжээ.

Энэ талаар Нийслэлийн Жижиг, дунд үйлдвэр, үйлчилгээ эрхлэгчдийг дэмжих төв НӨҮГ-ын Сургалт, судалгаа, маркетингийн хэлтсийн дарга Л.Цолмонтуяа “Даншиг наадам-Хүрээ цам 2022” нь шашин, соёлын наадам төдийгүй жуулчдыг татах гол зорилго бүхий арга хэмжээ тул бид шашны эд зүйлс, нарийн хийцтэй бурхдаас эхлээд бүх төрлийн бүтээгдэхүүн үйлдвэрлэгч, бизнес эрхлэгчдийн бүтээлээр үзэсгэлэн гаргалаа. Бидний зассан асрууд дунд тун онцлог асар хэд хэд бий. Тухайлбал, монгол гэрийн агуулгыг харуулахын сацуу, буриад зон олны хувцас хэрэглэл, эд зүйлсээр чимэглэн тохижуулсан асар байгаа. Тухайн асарт ороод Буриад хувцас, хэрэглэлийг өмсөн зургаа даруулах ч боломжтой. Зөвхөн худалдаа, үйлчилгээ эрхлэх бус монгол зан заншил, өв соёлыг иргэд, жуулчдад харуулахыг зорьж байгаагийн нэг илрэл юм уу даа. Бид жуулчдын урсгалыг нэмэгдүүлэхийн тулд НЗДТГ, Нийслэлийн Аялал жуулчлалын газартай хамтран ажиллаж, уг наадамд бизнес эрхлэгчид маань ч идэвхтэй оролцож байгаад баяртай байна” гэв.

Үзэсгэлэн, худалдаанд оролцож буй бизнес эрхлэгчид бүтээгдэхүүнээ танилцуулан, сэтгэгдэлээ хуваалцсан юм.

“Дуут урлан”-гийн эрхлэгч Д.Баярхуяг:

-Бид 1992 оноос хойш урлан ажиллуулж байна. Мөнгөн эдлэл, сийлбэрийн чиглэлээр үндэсний өв соёлоо хадгалан ажиллаж байгаадаа баяртай байдаг. Нийслэлийн Аялал жуулчлалын газар, Нийслэлийн Жижиг, дунд үйлдвэр, үйлчилгээ эрхлэгчдийг дэмжих төвийн дэмжлэгээр энэхүү наадамд оролцож байна. Гадаадын жуулчдаас гадна дотоодын аялагч нар өв соёлоо эрхэмлэн, түгээн дэлгэрүүлэхэд сэтгэл гаргадаг нь сайшаалтай. Бид тун удахгүй болох “Нүүдэлчин Монгол” олон улсын фестивальд оролцохоор бэлтгэж байгаа.

“Урьхан” брэндийн борлуулалтын менежер Э.Уяхан:

-Бид 20 жилийн өмнөөс үндэсний үйлдвэрлэл урлаж байна. Нийтдээ 120 гаруй нэр төрлийн бүтээгдэхүүн үйлдвэрлэж байгаа. Хонь, ямааны арьс, үхрийн шир ашиглан цүнх, гоо сайхны жижиг цүнх, үндэсний хэв шинж шингээсэн орчин үеийн загварын хувцас, ороолт, нөмрөг зэргийг урлаж байна. Үндэсний урлал, зургийг миний дүү зураач Урьхан урладаг. Уг үзэсгэлэн худалдаанд оролцож байгаадаа баяртай байна.

“Шинэ замнал” ТББ-ын захирал Ц.Сэлэнгэ:

-28 хөгжлийн бэрхшээлтэй иргэн хамтран бүтээж буй нэгэн брэнд бол манай брэнд юм. Бид уут, тор зэргийг үндэсний хэв шинж агуулсан байхыг чухалчилж байгаагийн дээр байгальд ээлтэй байхаар бүтээж буй юм. 18 дахь жилдээ бид хамтран нэгдэж, даавуу, торгоны өөдсөөр бүтээл урлаж, өрхийн орлого нэмэгдүүлэх чиглэлээр ажиллаж байна. Зүймэл урлал сүүлийн үед их дэлгэрч байгаа. Бид тэрхүү урлалыг амьдралд нэвтрүүлж, хөгжлийн бэрхшээлтэй иргэнтэй айл, өрхийн амьжиргаанд тус нэмэр болж байгаадаа баяртай байдаг. Зүймэл урлалын нэг онцлог нь хэзээ ч дахин давтагддаггүй цор ганц бүтээл болдог онцлогтой.

Нийслэлийн Жижиг, дунд үйлдвэр, үйлчилгээ эрхлэгчдийг дэмжих төв НӨҮГ-аас бизнес эрхлэгчдэд зориулан тогтмол сургалтууд зохион байгуулдаг. Тухайлбал, бүтээгдэхүүний сав, баглаа боодлын загвар дизайныг хэрхэн гаргах вэ, маркетинг, сурталчилгааг хэрхэн зөв хийх гэхчлэн сургалтуудыг бизнес эрхлэгчдийн дунд тогтмол зохион байгуулж байна. Мөн жижиг, дунд үйлдвэр, үйлчилгээ эрхлэгчдийн бүтээгдэхүүнийг төрийн худалдан авах ажиллагаанд оролцуулах зорилгоор тендер болон худалдан авах ажиллагаатай холбоотой сургалтыг тогтмол зохион байгуулахаар бэлтгэл хангаж байгаа аж. Тиймээс бизнес эрхлэгчид Нийслэлийн жижиг, дунд үйлдвэр, үйлчилгээ эрхлэгчдийг дэмжих төв НӨҮГ-аас зохион байгуулж буй сургалтуудад үнэ төлбөргүй хамрагдах боломжтой юм.

Өнгөрсөн хоногт 298 хүн КОВИД-19-ийн халдвар авсан нь PCR шинжилгээгээр батлагдав.

Үүнээс

• 142 нь Улаанбаатарт
• 156 нь орон нутагт бүртгэгдсэн байна. Ингэснээр нийт бүртгэгдсэн халдварын тоо 951,735 болов.
  

Орон нутагт Дорноговь аймагт хоногт батлагдах халдварын тоо хамгийн өндөр байна. Өнгөрсөн хоногт тус аймагт 74 хүн халдвар авсан нь PCR-аар батлагдсан бол

• Өмнөговьд 60,
• Баян-Өлгийд дөрөв,
• Архангайд дөрөв,
• Дархан-Уулд гурав,
• Төв аймагт 11 хүн өвчилжээ. Харин 15 аймагт халдвар бүртгэгдээгүй байна.

Мөн сүүлийн 24 цагийн хугацаанд 863 хүн эдгэрсэн бол одоогоор 14,566 хүн хяналтад байна.

Архангай аймгийн Өгий нуур орчимд үүссэн 120 тонн орчим хогийг сумын төвийн төвлөрсөн хогийн цэгт хаяж зайлуулсан талаар Байгаль орчин, аялал жуулчлалын яамнаас мэдээллээ.

Тодруулбал, Байгаль орчин, аялал жуулчлалын сайдын 2022 оны А/240 дүгээр тушаалыг үндэслэн усан орчин бохирдохоос урьдчилан сэргийлэх зорилгоор томоохон гол, нуур тойрмын ойролцоо үйл ажиллагаа явуулж буй жуулчны бааз, гэр буудлууд, завьчид, хүнсний худалдаа үйлчилгээ үзүүлж буй иргэд, аж ахуйн нэгжүүдэд усны нөөцийг бохирдохоос хамгаалах, усны сан бүхий газрын хамгаалалтын бүсийн дэглэмийг мөрдөж үйл ажиллагаагаа явуулах талаар заавар зөвлөмж өгч ажилласан.

Мөн Архангай аймгийн Өгий нуур орчимд үүссэн 120 тонн орчим хогийг Байгаль орчин, аялал жуулчлалын газар, сумын ЗДТГ-тай хамтран сумын төвийн төвлөрсөн хогийн цэгт хаяж зайлуулсан.

Түүнчлэн Өндөр-Улаан сумын Бэлхи багийн нутагт дахь Чулуут голын эрэг дагуу болон аялагчид ихээр очдог Зуун салаа мод орчимд шинээр үүссэн 12 тонн хог хаягдлыг багийн Засаг дарга, байгаль хамгаалагч орон нутгийн иргэдтэй хамтран цэвэрлэсэн байна.

Өдрийн сонины DNN.mn фэйсбүүк хуудасны ЧАТБОТ танд үйлчилж байна.

DNN.mn пэйжийн Message товчин дээр дарж GET STARTED-ыг идэвхижүүлж чатботод холбогдоход “Цахим сонин”, “Хэвлэмэл сонин”, “Сайт” гэсэн гурван цэс гарч ирнэ. Та сонины үйлчилгээнүүдтэй холбоотой өөрийн хайж буй мэдээллээ эндээс аваарай.

24 цагийн автомат хариулагчтай холбогдож, Өдрийн сонинтой холбоотой мэдээллийг цэсээр болон чатботын тусламжтайгаар харилцан яриа өрнүүлэн цаг алдалгүй авах юм.“Цахим сонин” захиалгын цэсээс цахим Өдрийн сонины захиалга, цахим сонины сар, улирал, жилийн үнийн тарифийг харж, хэрэв шаардлагатай бол админтай холбогдох боломжтой.

Харин “Хэвлэмэл сонин” цэсээс “Захиалах” товчийг дарснаар Өдрийн сонины захиалга хариуцсан ажилтнуудтай холбогдоно. Хэрэв зар өгөхөөр бол “Зар өгөх” товчийг дарж тусгай дугаарт залгагдана. “Редакцитай холбогдох” товчин дээр дарснаар Өдрийн сонины эрхлэгч, хариуцлагатай нарийн бичгийн дарга болон албадын дарга нартай шууд холбогдох юм.

Чатботны “Сайт” цэсээс admin.dnn.mn сайт болон Өдрийн сонины бусад сошиал холбоосыг харж болно.

Өдрийн сонинд зар өгөх, сурталчилгаа байршуулах, сонины хэвлэмэл болон цахим захиалгын мэдээлэл авах болон бусад асуудлаар хандахыг хүсвэл дээр дурдсанаар ЧАТБОТ буюу автомат хариулагчтай холбогдоход л хангалттай.

ЧАТБОТ таны цаг завыг хэмнэх болно.