Хан-Уул дүүргийн 5 дугаар хороо, Яармагийн нэгдүгээр буудлын дэргэд шороо нурж, хоёр хүн дарагдсан гэсэн дуудлага өчигдөр 11:24 цагт Онцгой байдлын ерөнхий газарт ирсэн байна. Ингээд Аврах ангийн алба хаагчид очиход гэрээт ажилчин иргэн 22 настай, эрэгтэй Л, Г нар долоон метрийн гүнтэй нүхэнд бохирын шугамны кольцо суурилуулж байх явцад шороо нурж, дарагдсан байжээ. Аврагчид цогцсыг долоон метрийн гүнээс 02:54 цаг ажиллан гаргаж, тус дүүргийн Цагдаагийн хоёрдугаар хэлтсийн мөрдөгчид шилжүүлэн өгчээ.

Уул уурхай, хүнд үйлдвэрийн дэд сайд О.Батнайрамдал өнөөдөр эрдэс баялгийн экспортын хэмжээг танилцууллаа.

Тэрээр “Сүүлийн хоёр сард эрдэс баялагийн экспорт идэвхэжсэн. Төсвийн тодотголоор энэ жил 18 сая тонн нүүрс экспортолно хэмээн тусгасан. Өнөөдрийн байдлаар 13.2 сая тонн нүүрс экспортолж, гүйцэтгэл 73.4 хувьтай байна. Харин зэсийн баяжмалын экспортын гүйцэтгэл 75.7 хувьтай байгаа. Голлох экспортын бүтээгдэхүүн болох нүүрс, зэсийн баяжмалын гүйцэтгэл жилийн төлөвлөгөөндөө хүрнэ гэсэн хүлээлттэй байна. Харин газрын тос, цайр, төмрийн хувьд гүйцэтгэл нь төлөвлөгөөнөөс нэлээд доогуур байгаа” хэмээв.

4. Гудамж, талбайн хог цэвэрлэгээ болон гэр хорооллын айл, өрхүүдийн хог тээвэрлэлтийг эрчимжүүлэх, золбин нохойг устгах ажлаа шуурхайлах зэрэг үүрэг даалгаврыг өгсөн юм.

УИХ-ын ээлжит бус чуулган өнөөдөр нээлтээ хийсэн билээ. УИХ-ын дарга Г.Занданшатар чуулганы хуралдааныг нээж хэлсэн үгэндээ дотоодын эдийн засгийн нөхцөл байдлын талаар товч дурдав.

Тэрбээр “2022 оны эхний хагаст 16.1 хувьд хүрээд байсан инфляц 15.7 хувь болж, бага боловч буурлаа. Улсын нэгдсэн төсвийн тэнцвэржүүлсэн тэнцэл долдугаар сард 55.6 тэрбум төгрөгийн ашигтай гарсан. Гадаад худалдааны тэнцэл эхний долоон сарын байдлаар 1.7 тэрбум ам.долларын ашигтай гарлаа. Экспортын хэмжээ 1.8 тэрбум ам.доллар буюу 37.2 хувиар өсжээ.

Гэхдээ эдгээр үзүүлэлт нь хямралт нөхцөл байдал арилсан, тайвшрах цаг ирсэн гэсэн үг биш юм. Хүндрэлтэй асуудлуудаа шийдвэрлэх, хөрөнгө оруулалт, орлогыг нэмэгдүүлэх, ажил эрхлэлтийг дэмжиж, халамжийн тогтолцоог оновчтой болгох, стратегийн шинж чанартай томоохон бүтээн байгуулалтуудаа эхлүүлэх, аж үйлдвэржилтийг дэмжих бодлогыг бодитой хэрэгжүүлэх нь хойшлуулшгүй зорилт хэвээр байсаар байна” гэлээ.

БСШУС-ын сайдын 2020 оны А/244 дүгээр тушаалаар хичээлийн жилийн бүтцэд өөрчлөлт оруулан баталж, тухайн бүтцийг өмчийн бүх хэлбэрийн ерөнхий боловсролын сургууль мөрдөж байна. “Өвөл хүйтний эрч чангарсан үед томуу, томуу төст өвчин ихээр дэлгэрдгээс карантин тогтоох, малчдын хүүхдүүд цаг агаарын хүндрэлтэй нөхцөлд ар гэртээ туслахаар явах зэргээс шалтгаалж хичээл тасалдах, хичээлийн жилийн төгсгөл буюу зургаадугаар сарын сүүлээр иргэд гэр бүлээрээ амарч заншсанаас сурагчдын ирц бүрдэхгүй байх” зэрэг асуудлыг эцэг эх, олон нийт, боловсролын салбарын багш, ажилтан сурагчдаас авсан хэд хэдэн удаагийн санал асуулгад хөндсөн тул хичээлийн жилийн бүтцийг Боловсролын хүрээлэн, БСШУС хамтран боловсруулж, баталсан болно гэж Боловсрол, шинжлэх ухааны яамнаас мэдээллээ. Өөрөөр хэлбэл, хичээлийн жилийн бүтцэд энэ жил гэнэт өөрчлөлт оруулсан зүйлгүй аж.

Нэгдүгээр улирлын 8 эсвэл 9 дэх долоо хоногт сургуулиуд хичээлийн агуулгаа тохируулж урлаг, соёл хүмүүжлийн зэрэг танхимын гадуурх сургалт зохион байгуулах замаар сурагчдын оюуны ачааллыг бууруулах арга хэмжээ авах боломжтой гэж мэдээллээ.

НОБГ-ын Аврах ангийн “Ахлагчийн зөвлөл” хоёрдахь жилдээ “Эх дэлхийгээ хайрлая” уриалгыг дэвшүүлэн, сайн дурын ажлыг зохион байгууллаа.

Энэ хүрээнд Баянзүрхийн гүүрнээс зүүн тийш хошуу хүртэл 3 км зайд Туул голын салаа, эрэг дагуух иргэдийн хаясан хог хаягдлыг ангилан цэвэрлэж, 7 тонн орчим хог хаягдлыг БЗД-ийн 11-р хорооны хогны автомашинд ачуулж ажилласан юм.

“Ахлагчийн зөвлөл” алба хаагчдын чөлөөт цагийг зөв боловсон өнгөрүүлэх, ажиллах орчин нөхцөл, хөдөлмөрийн аюулгүй байдал, нийгмийн асуудал, албандаа хандах хандлагыг төлөвшүүлэх, сайн дурын олон талт ажлуудыг зохион байгуулж байгаа аж.

Увс, Ховд, Баян-Өлгий аймгуудын цахилгаан эрчим хүчний хэрэглээг энэ сарын 23-ны өдрөөс 26-ны өдөр хүртэл өглөөний 06:00 цагаас оройн 20:00 цагийн хооронд хязгаарлана.

Учир нь ОХУ-ын талаас өвөлжилтийн бэлтгэл ажлын хүрээд тус улсын Чадан дэд станцаас тэжээгддэг 110 кВ-ын цахилгаан дамжуулах агаарын шугамд засвар хийх аж.

Тухайн өдрүүдэд Увс, Ховд, Баян-Өлгий аймгуудын 1 дүгээр зэрэглэлийн хэрэглэгчдийг тус бүр 1,5 МВт ачаалалтайгаар Дөргөний усан цахилгаан станцаас цахилгаан эрчим хүчээр хангана гэж “Баруун бүсийн эрчим хүчний систем” төрийн өмчит компаниас мэдээлэв.

Мөн Оросын талын засварын ажилтай уялдуулан манай улсын баруун бүсийн цахилгаан дамжуулах агаарын шугамуудад ч засварын ажил хийх тул цахилгаан эрчим хүчийг зарим өдрүүдэд бүрэн хязгаарлах ажээ.