Month: July 2022

Зам, тээврийн хөгжлийн сайд Л.Халтар ХБНГУ-ын Шпаркассэ банкны олон улсын хамтын ажиллагааны сангийн суурин төлөөлөгч Маркус Лохыгхүлээн авч уулзлаа.

Тэрбээр: “Герман улсын экстрим спортын тамирчин Гиидо Кунзе энэ оны наймдугаар сарын эхээр Монгол орны баруун хязгаараас зүүн хил хүртэл дугуйгаар туулж, Гиннесийн дээд амжилтыг шинээр тогтоохоор төлөвлөж байгаа талаар мэдээлэл хүргэлээ.

Тус аялал нь дугуйн спортоос гадна Монголын cоёл, уламжлал, үзэсгэлэнт байгаль, орчин үеийн дэд бүтцийн хөгжил тэр дундаа хэвтээ тэнхлэгийн мянганы авто замын хөгжил, дэвшлийг сурталчлах томоохон боломж гэдгийг ноён Маркус Лох онцлон хэлэв. Тэд аяллаа эхэлсэн өдрөөс Германы телевизийн уран бүтээлчид бичлэг хийж, Монголын Боролдой студитэй хамтран баримтат кино хийн, олон нийтэд мэдээлж, сурталчлах тухайгаа танилцуулав. Дугуйн спорт нь байгаль орчинд ээлтэй, эрүүл мэндэд ач тустай гэдгээрээ онцлог билээ. Энэхүү ажлаар Зам, тээврийн хөгжлийн яамтай хамтран ажиллах хүсэлтэй байгаагаа уламжилсан юм.

Сайд Л.Халтар уг ажлыг дэмжихээ илэрхийлэв. Зочдын дайрч өнгөрөх аймаг бүрд Авто тээврийн үндэсний төвийн салбар, авто замын засвар арчлалтын цэгүүд байдаг тул салбар байгууллагуудтайгаа холбон шаардлагатай асуудлаар туслах, хамтран ажиллах боломжтойг хэллээ. Аяллын хугацаанд гадаадын болон дотоодын жуулчид орон нутагт ихээр зорчих тул замын хөдөлгөөний аюулгүй байдалд анхаарлаа хандуулж, тав тухтай зорчиж, зорьсон хэргээ бүтээх их амжилт хүсэв.

Гиидо Кунзе нь 1965 онд төрсөн, бизнес эрхэлдэг, экстрим спортын тамирчин юм. Тэрбээр сүүлийн арван жилд дэлхийн хэд хэдэн дээд амжилтыг тогтоосон. Тодруулбал, Австралийн баруунаас зүүн тийш 4200 км замыг хамгийн богино хугацаанд, дэлхийн хамгийн өндөр галт уул болох Чилийн Атакама цөл дэх Ожос де Саладо галт уул хүртэл 6233 метрийн өндөрт гарчээ. Мөн Альпийн нурууг 14 хоногийн дотор 100,000 босоо метрийг туулсан, Хятадын Цагаан хэрэм дээр дугуйгаар хамгийн хол зайг туулсан зэрэг дэлхийн гайхалтай дээд амжилтуудыг эзэмшдэг тамирчин юм.

Өнөөдрийн байдлаар Хэрлэн, Орхон, Туул голуудын эх, Хангай нурууны арын Хануй, Хойдтамир, Урдтамир өврийн Онги зэрэг голуудын усны түвшин өмнөх өдрийнхөөс 15-40 см нэмэгдсэн байна. Мөн Үүр, Хархираа, Улз, Халх, Хөгшин-Орхон, Хэрлэн, Хануй зэрэг голууд үерийн түвшинг 5-30 см даван үерлэж байна. Маргааш буюу долоодугаар сарын 24-ний өдөр Туул, Онги, Хэрлэн, Орхон зэрэг голуудын усны түвшин 10-30 см нэмэгдэх төлөвтэй.

Иймд голын эрэг дагуу суурьшиж, нутаглаж буй малчид, тариаланчид, ард иргэд, аялал зугаалгаар яваа хүмүүс үерийн аюулаас сонор сэрэмжтэй байж, гол руу зориулалтын болон зориулалтын бус хөвөгч ашиглан орохгүй байхыг Ус, цаг уур, орчны судалгаа мэдээллийн хүрээлэнгээс анхаарууллаа.

Малчид, иргэд, тээвэрчдэд зориулсан мэдээ: Өнөө маргаашдаа нутгийн хойд хэсгээр бороо, дуу цахилгаантай аадар бороо орж, нутгийн өмнөд хэсгээр хална.

2022 оны 07-р сарын 23-ны 20 цагаас 07-р сарын 24-ний 20 цаг хүртэлх

цаг агаарын урьдчилсан мэдээ

Хур тунадас: Ихэнх нутгаар солигдмол үүлтэй. Баруун аймгуудын нутгийн хойд, зүүн аймгуудын нутгийн баруун хэсэг, төвийн аймгуудын нутгийн зарим газраар бороо, дуу цахилгаантай аадар бороо орно.

Салхи: Нутгийн өмнөд хэсгээр баруун өмнөөс, бусад нутгаар баруун хойноос секундэд 5-10 метр, говь, тал, хээрийн нутгаар секундэд 12-14 метр, зарим газраар борооны өмнө түр зуур ширүүснэ.

Агаарын температур: Шөнөдөө Дархадын хотгор, Монгол-Алтай, Хангай, Хөвсгөлийн уулархаг нутаг, Завхан голын эх, Хүрэнбэлчир орчим, Идэр, Тэс, Байдраг, Тэрэлж голын хөндийгөөр 4-9 хэм, Их нууруудын хотгор, говийн бүс нутгийн хойд хэсэг, Дорнод-Монголын тал нутгаар 13-18 хэм, говийн бүс нутгийн өмнөд хэсгээр 18-23 хэм, бусад нутгаар 9-14 хэм, өдөртөө Дархадын хотгор, Монгол-Алтай, Хангай, Хөвсгөлийн уулархаг нутаг, Эг, Үүр, Тэрэлж голын хөндийгөөр 16-21 хэм, говийн бүс нутгийн өмнөд хэсгээр 30-35 хэм, Их нууруудын хотгор, говийн бүс нутгийн хойд хэсэг, Дорнод, Дарьгангын талаар 25-30 хэм, бусад нутгаар 20-25 хэм дулаан байна.

УЛААНБААТАР ХОТ ОРЧМООР: Үүлшинэ. Дуу цахилгаантай бага зэргийн аадар бороо орно. Салхи баруун хойноос секундэд 6-11 метр. Шөнөдөө 12-14 хэм, өдөртөө 21-23 хэм дулаан байна.

БАГАНУУР ОРЧМООР: Үүлшинэ. Дуу цахилгаантай бага зэргийн аадар бороо орно. Салхи баруун хойноос секундэд 6-11 метр. Шөнөдөө 10-12 хэм, өдөртөө 20-22 хэм дулаан байна.

ТЭРЭЛЖ ОРЧМООР: Үүлшинэ. Дуу цахилгаантай бага зэргийн аадар бороо орно. Салхи баруун хойноос секундэд 5-10 метр. Шөнөдөө 7-9 хэм, өдөртөө 19-21 хэм дулаан байна.

2022 оны 07 дугаар сарын 25-наас 07 дугаар сарын 29-нийг

хүртэлх цаг агаарын урьдчилсан төлөв

25-нд баруун болон говийн аймгуудын нутгийн хойд хэсэг, төв болон зүүн аймгуудын нутгийн зарим газраар, 26-нд баруун аймгуудын нутгийн зүүн хэсэг, төвийн аймгуудын ихэнх нутаг, говь болон зүүн аймгуудын нутгийн зарим газраар, 27-нд баруун аймгуудын нутгийн зүүн хэсэг, төвийн аймгуудын ихэнх нутаг, говийн аймгуудын нутгийн хойд, зүүн аймгуудын нутгийн зарим газраар, 28-нд төв болон зүүн аймгуудын нутгийн зарим газар, говийн аймгуудын нутгийн хойд хэсгээр бороо, дуу цахилгаантай аадар бороо орно. Салхи ихэнх хугацаанд секундэд 5-10 метр, 25-нд нутгийн өмнөд хэсгээр, 26-наас 28-нд говь, тал, хээрийн нутгаар секундэд 13-15 метр хүрч, нутгийн зарим газраар борооны өмнө түр зуур ширүүснэ. Дархадын хотгор, Монгол-Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Идэр, Тэс, Эг, Үүр, Тэрэлж голын хөндийгөөр шөнөдөө 1-6 хэм, өдөртөө 15-20 хэм, говийн бүс нутгийн өмнөд хэсгээр шөнөдөө 15-20 хэм, өдөртөө 27-32 хэм, бусад нутгаар шөнөдөө 8-13 хэм, өдөртөө 19-24 хэм дулаан байна.