“ОМНИ АКТИВ ТЗК” ХХК-Н ХӨРӨНГӨӨР БАТАЛГААЖСАН ҮНЭТ ЦААСЫГ ХӨРӨНГӨ ОРУУЛАГЧ ТАНД НЭЭЛТТЭЙ САНАЛ БОЛГОЖ БАЙНА.

Монголын хөрөнгийн биржээр дамжин арилжаалагдах тогтмол өгөөжтэй хөрөнгө оруулалтын бүтээгдэхүүний тоо нэгээр нэмэгдлээ. “Омни Актив ТЗК” нь 5 тэрбум төгрөгийн дүн бүхий “Хөрөнгөөр баталгаажсан үнэт цаас (ХБҮЦ)”-ыг санал болгохоор Санхүүгийн зохицуулах хороо, Монголын хөрөнгийн биржээс холбогдох зөвшөөрлөө авсныг хэвлэлийн бага хурлаар танилцууллаа.

Хөрөнгөөр баталгаажсан үнэт цаас нь шинж чанарын хувьд хадгаламж эсвэл бондтой тун төстэй юм. Тус бүтээгдэхүүний онцлогийг товч дурдвал:

ТААТАЙ НӨХЦӨЛ: Омни Актив ТЗК-ийн ХБҮЦ нь жилийн 14.5 хувийн хүүтэй, улирал тутам хүүгийн төлөлттэй, үндсэн төлбөр 12 сар тутам төлөгдөх нөхцөлтэй, 24 сарын хугацаатай, хугацааны дундуур зарах боломжтой, үнэт цааснаас 2 дахин өндөр барьцаагаар баталгаажсан бүтээгдэхүүн. Энэ нь эрсдэл/өгөөжийн харьцааг харгалзан үзэхэд маш таатай нөхцөл юм.

ӨНДӨР ХЯНАЛТЫН ТОГТОЛЦОО: Үнэт цаас гаргагч нь “Санхүүгийн зохицуулах хороо”-ноос тусгай зөвшөөрөл авч Хөрөнгөөр баталгаажсан үнэт цаасыг гаргаж байна. Үнэт цаас нь “Үнэт цаасны төвлөрсөн хадгаламжийн төв”-д хадгалагдан, хөрөнгө оруулагчид үнэт цаасыг “Монголын хөрөнгийн бирж”-ээр дамжуулан арилжаалах боломжтой. Мөн “Хөрөнгө итгэмжлэн удирдагч” хугацааны турш багцад хяналт тавин, мэдээллээр ханган удирдах тул хөрөнгө оруулагчийг эрсдэлээс хамгаалах олон зохицуулалтыг хийсэн байна.

ХҮҮГИЙН ТАТВАР 5%: ХБҮЦ-ны хүүгийн орлогын албан татвар нь 5 хувь байна. Энэ нь бусад тогтмол өгөөжтэй бүтээгдэхүүнүүд болох банкны хадгаламж, хаалттай бонд зэрэгтэй харьцуулахад 5 нэгж хувийн хөнгөлөлттэй юм.

ХҮН БҮРД НЭЭЛТТЭЙ: Үнэт цаас нь Монголын хөрөнгөөр биржээр дамжин арилжаалагдах ба хугацааны дундуур хүүгийн алдагдалгүйгээр хэдийд ч зарах, арилжих боломжтой хөрвөх чадвар өндөртэй бүтээгдэхүүн юм. Мөн хөрөнгө оруулагчийн аливаа шалгуургүй, хүн бүрд хөрөнгө оруулах боломжтой нээлттэй бүтээгдэхүүн юм.

Хөрөнгөөр баталгаажсан үнэт цаасанд хэрхэн хөрөнгө оруулах вэ?

Энэхүү хөрөнгөөр баталгаажсан үнэт цаасанд захиалга өгөхийг хүсвэл та андеррайтер компани Апекс Капитал ҮЦК-н 7510-7500 дугаараар хандах боломжтой. Мөн бүтээгдэхүүний талаар дэлгэрэнгүй мэдээлэл авахыг хүсвэл https://www.abs.apex.mn/ вэб хуудас зочлоорой.

Зам, тээврийн хөгжлийн дэд сайд Ж.Бат-Эрдэнэ, Авто тээврийн бодлогын хэрэгжилтийг зохицуулах газрын дарга Ё.Жаргалсайхан, Гадаад харилцааны яамны Олон Улсын гэрээ, эрхзүйн газрын захирал С.Сүхболд, тус яамны Гадаад худалдаа, эдийн засгийн хамтын ажиллагааны газрын захирал Г.Өлзийсайхан болон холбогдох албаныхан өнөөдөр Монголын тээвэр, зуучийн холбоо болон тээвэр зуучийн чиглэлээр үйл ажиллагаа явуулдаг аж ахуйн нэгжийн төлөөлөлтэй уулзаж, санал солилцлоо.

Хурлын эхэнд Замын-Үүд-Эрээний ачаа, тээвэр болон цаг үеийн нөхцөл байдлыг холбогдох албаныхан танилцуулав. Үүний хүрээнд аж ахуйн үйл ажиллагааны мэдээллийг иргэдэд ойлгомжтой, түргэн шуурхай хүргэх зорилгоор “Open Platform” байгуулахаар тохиролцлоо.

Манай улсад тээвэр, зуучийн чиглэлээр үйл ажиллагаа явуулдаг 400 гаруй аж, ахуй нэгж бий.

Тээвэр зуучийн нэгдсэн платформтой болсноор үйл ажиллагаа нь иргэдэд нээлттэй, хүртээмжтэй, ойлгомжтой, үнэ тариф нь тодорхой байх давуу талтай юм.

Мөн Засгийн газар болон Зам, тээврийн хөгжлийн яам нь аж ахуйн нэгжүүдтэй хамтран ажиллах хууль эрхзүй бодлогын нөхцлөө сайжруулах, үйл ажиллагааг олон нийтэд нээлттэй байлгах, уялдаа холбоотой хамтран ажиллах талаар санал солилцсоноор хурал өндөрлөлөө.

Тэгвэл өнөөдрийн байдлаар мөн 45-50 төгрөгөөр нэмэгджээ.

Тодруулбал, “Шунхлай”-н ШТС-д АИ-92 шатахууны үнэ 2290, “Петровис”-ийн ШТС-д 2285 төгрөг байна.

Монгол Улсын нутаг дэвсгэрээр дамжуулан ОХУ-аас БНХАУ руу байгалийн хий дамжуулах хоолой барих төслийн хүрээнд өнгөрсөн онд хэрэгжүүлсэн ажлын тайланг тус төслийн удирдагч Л.Амарсанаа болон Тусгай зориулалтын компанийн гүйцэтгэх захирал Асеев Евгений Николаевич нар Шадар сайд С.Амарсайханд танилцуулж, энэ онд хийх ажлын талаар хэлэлцлээ.

Байгалийн хийн хоолойг Монгол Улсын нутаг дэвсгэрээр дамжуулах төслийн хүрээнд өнгөрсөн онд гурван томоохон ажлыг төлөвлөсөн нь биеллээ олсон юм. Тодруулбал, байгалийн хийн хоолойн зурвас газрыг тодруулах, ТЭЗҮ-ийг боловсруулж дуусгах, Тусгай зориулалтын компанид шаардлагатай зөвшөөрлүүдийг олгох байсан нь бүрэн дуусаж, дараагийн шатны ажил руу ороход бэлэн болоод байна.

Уулзалтын үеэр Шадар сайд С.Амарсайхан төслийн багийнханд хандаж Монгол Улсын Засгийн газраас ажлын үр дүнд нь сэтгэл хангалуун байгаагаа илэрхийлээд, цаашид гарах хүндрэл бэрхшээлийг дор бүрд нь шийдвэрлэж, төслийг цаг алдалгүй үргэлжлүүлэх тал дээр анхаарч ажиллана гэдгээ хэлсэн юм.

Харин Тусгай зориулалтын компанийн гүйцэтгэх захирал Асеев Евгений Николаевич “Бид өнгөрсөн жилийнх шиг хурдаар ажиллавал энэ онд илүү үр дүнд хүрэх боломжтой” хэмээгээд Монгол Улсын Засгийн газраас уг төслийг дэмжин ажиллаж байгаад талархаж буйгаа илэрхийллээ.

Хөвсгөл аймагт өвлийн аялал жуулчлалыг хөгжүүлэх зорилгоор жил бүр уламжлал болон зохион байгуулдаг “Хөх сувд” мөсний баяр 20 дахь жилдээ болно. Мөсний баярыг гуравдугаар сарын 3, 4-ний өдрүүдэд тэмдэглэхээр аймгийн Засаг даргын Тамгын газраас шийдвэрлэсэн байна.

Мөсний баярын үеэр мөсөн шагайн тэмцээн, унадаг дугуй, тэшүүрийн тэмцээн, мото спортын үзүүлэх тоглолт, нохой чарганы уралдаан, мөсөн дээрх олс таталт, буухиа тэмцээн, аймгийн Хөгжимт драмын театрын уран бүтээлчдийн тоглолт болдог уламжлалтай.

Хөвсгөл нуурын мөс баяр зохион байгуулах хэмжээнд хүрээгүй нимгэн байсан учраас 2014 онд, коронавируст цар тахлын улмаас 2020, 2021 онд тус тус зохион байгуулаагүй юм.