Монгол Улсад орчин цагийн дипломат алба байгуулагдсаны 110 жилийн түүхэн ойг тохиолдуулан Гадаад харилцааны сайд Б.Батцэцэг төрийн алтан аргамжийг бэхэлж гадаад харилцааг удирдан чиглүүлсэн, гадаад бодлогын нэгдмэл байдал, залгамж чанарыг хадгалж улс орны тогтвортой хөгжлийн зорилгод нийцсэн бие даасан, нээлттэй, олон тулгуурт гадаад бодлогын үндэс суурийг тавилцсан, эх орны язгуур эрх ашиг, тусгаар тогтнол, эрх чөлөөг сахин хамгаалах үйлсэд хоёргүй сэтгэлээр зүтгэж хувь нэмэр оруулсан гадаад харилцааны үе үеийн сайд нарыг хүлээн авч хүндэтгэл үзүүлжээ.

Гадаад харилцааны сайд Б.Батцэцэг Монгол Улсын үндэсний аюулгүй байдлыг улс төр, дипломатын аргаар бэхжүүлэх үйлсэд үнэтэй хувь нэмэр оруулсан эдгээр эрхэмд талархал дэвшүүлж зөвшил санал, зөвлөгөө санамжийг нь ажил үйлсдээ анхаарч хэрэгжүүлэхээ илэрхийлжээ.

Сэргээшийн төрөлд ордог бодис шинжилгээнээс нь илэрсэн гэх дуулианд Оросын 15 настай уран гулгалтын тамирчин Камила Валиева холбогдоод байгаа.

Валиевагийн сэргээшийн асуудлыг Спортын Арбитрын Шүүх мөрдөн шалгаж байна. Өнгөрсөн Ням гарагт шүүгч нар Валиевагаас мэдүүлэг авсны дараа Бээжин 2022 наадмын эмэгтэйчүүдийн ганцаарчилсан төрөлд өрсөлдөх зөвшөөрөл олгосон юм.

Уг тэмцээний богино үзүүлбэрийн төрөлд оролцсон тэрбээр өчигдөр хамгийн өндөр оноо авсан байна.

Өчигдөр Олон Улсын Олимпын Хорооны (ОУОХ) сахилгын хорооны тэргүүн Денис Освальд ярихдаа “Валиева уудаг эмээ өвөөгийнхөө эмтэй санамсаргүй хольсноос сэргээшийн шинжилгээнд унасан” гэж түүний өмгөөлөгчид нь тайлбарласныг мэдээлжээ.

Өмгөөлөгчдийн энэ тайлбар тамирчин охины цаашдын хувь заяанд нөлөөлөх эсэх нь тодорхойгүй байна.

Освальд 2014 оны Сочигийн өвлийн олимпын үеэр Оросын тамирчид сэргээшийн асуудлыг шалгах хороог тэргүүлж байсан юм.

Валиевагийн сорьцоос илэрсэн триметазидин хэмээх эмийг зүрхний үйл ажиллагааг дэмжихэд хэрэглэдэг. Гэхдээ тамирчдын биеийн хүч чадлыг нэмэгдүүлдэг гэсэн шалтгаанаар ОУОХ хориотой эмийн жагсаалтад оруулж байжээ.

ОУОХ хэдийгээр Валиевад тэмцээнээ үргэлжлүүлэх зөвшөөрөл өгсөн ч эхний гурван байранд орсон тохиолдол медаль гардуулахгүйгээ мэдэгдээд байгаа.

Бээжин 2022 наадмын эмэгтэйчүүдийн уран гулгалтын тэмцээн маргааш өндөрлөх юм.

Бээжин хотод үргэлжилж байгаа өвлийн олимпын наадамд оролцогч 91 улсын 32 нь алтан медаль авсан тамирчдаа ямар нэг хэмжээгээр урамшуулах болзол зарласан тухай Форбс сэтгүүл мэдээлжээ.

Эдгээрээс хамгийн өндөр шагнал амласан таван улсыг танилцуулж байна.

1. Хонконг

БНХАУ-ын засаг захиргааны тусгай бүс Хонконг энэ удаагийн өвлийн олимпын наадмын эхний найман байранд орсон тамирчдаа бэлэн мөнгөөр урамшуулахаар болжээ.

Тухайлбал наймдугаар байр эзэлсэн тамирчин $40,000-ыг өвөртлөх бол алтан медалийн эзэн $641,000-ыг шагналд авахаар болсон байна.

Хонконг хот өвлийн олимпын ганц ч медаль авч байгаагүй. Энэ удаа тэд гурван тамирчин илгээсний хоёр нь уулын цана, нэг нь шорт трэкийн төрөлд өрсөлдөж байна.

2. Турк

Турк улсын засгийн газар олимпын алтан медаль авсан тамирчин бүрдээ 22 каратын цул алтан зоос олгох шийдвэрийг 2010 онд гаргаж байжээ.

Ийм зоосны үнэ $383,000 орчим болох юм. Хэрвээ олимпын дээд амжилтыг тогтоовол нэмээд $190,000-ын шагнал авах гэнэ.

Өвлийн олимпын ганц ч медальгүй Турк улс энэ удаа Бээжин хот руу долоон тамирчнаа илгээжээ.

3. Малайз

Малайз улсын засгийн газар алтан медаль зүүсэн тамирчин бүрээ $239,000-тай тэнцэх мөнгөн шагналаар урамшуулна.

Тус улс Бээжинд уулын цанын хоёр тамирчин илгээжээ. Тэдний нэг нь тэмцээнээ медальгүй өндөрлүүлсэн бол нөгөө нь өнөөдөр уралдах гэнэ. Малайз улс өвлийн олимпын ганц ч медальгүй юм.

4. Итали

Итали улс алтан медаль зүүсэн тамирчдаа тус бүр 180,000 евро буюу $206,000-аар урамшуулах болзол зарлажээ.

Одоогоор тус улс Бээжингээс хоёр алтан медаль аваад байгаа. Алтан медаль авсан төрлүүдийн нэг нь кёрлингийн холимог баг, нөгөө нь эмэгтэйчүүдийн 500 метрийн шорт трэк юм.

Өнгөрсөн оны Токио 2020 зуны олимпын наадмаас Италийн тамирчид нийт 40 медаль зүүсний 10 нь алтан медаль байжээ. Тэдний нийт шагналын хэмжээ $9 сая гаруй болсон байна.

5.Кипр

Кипр арал улсын эрх баригчид алтан медаль зүүсэн тамирчин бүрдээ $168,000-ыг олгохоор болжээ.

Өвлийн олимпоос ганц ч медаль авч байгаагүй тус улс энэ жил Бээжинд уулын цанын ганц тамирчнаа илгээсэн байна.

Цагдаагийн байгууллагын 102 тусгай дугаарын утсанд өчигдөр 1,640 гомдол мэдээлэл, дуудлага иржээ.

Үүнээс зөрчлийн 1,249, гэмт хэргийн шинжтэй 107 зөрчил бүртгэгдсэн байна.

• Эрүүлжүүлсэн 223,
• Хүний биед халдах 90,
• Архидан согтуурахтай тэмцэх тухай хууль зөрчих 79,
• Хулгайлах 30,
• Гэр бүлийн хүчирхийллийн 143,
• Согтуугаар автомашин жолоодсон 73,
• Олон нийтийн газар зүй бусаар биеэ авч явах, танхайрах 125,
• Оршин суугчдын амар тайван байдал алдагдуулах 70 зөрчил тус тус илэрсэн.

Цагдаа, дотоодын цэргийн алба хаагч, ажилтантай холбоотой гомдол мэдээллийг 126 тусгай дугаарт хандаж гаргана уу хэмээн Цагдаагийн ерөнхий газраас мэдээллээ.

Авлигатай тэмцэх газрын Мөрдөн шалгах хэлтсээс Хөгжлийн банкнаас ирүүлсэн мэдээллийн хүрээнд дараах аж ахуйн нэгжүүдийн зээл нь хуулийн дагуу олгогдсон эсэх, зориулалтын дагуу зарцуулсан эсэхийг мөрдөн шалгаж байна. Үүнд:

Монголын рок хамтлаг “The Hu” энэ хавар аялан тоглолтоо хийхээр боллоо. Тэд өчигдөр буюу хоёрдугаар сарын 15-нд “Black Thunder Tour” аялан тоглолтоо зарлаж, дөрөвдүгээр сарын 16-нд АНУ-ын Калифорниа мужийн Сан Диего хотоос тоглолтоо эхлүүлж, тавдугаар сарын 31-нд Массачусетс мужийн Мехико хотноо өндөрлүүлнэ.

Энэ удаагийн аялан тоглолтоор “The Hu” хамтлагийн удаан хүлээгдсэн энэ оны сүүлээр гарах “Better Noise Music” хэмээх хоёр дахь цомогт багтсан шинэ хөгжим, уран бүтээлээ тоглох аж. Эл цомгийг сүүлийн хэдэн сарын хугацаанд эх орондоо бичүүлсэн. Энэ хугацаанд тус хамтлагийнхан өөрсдийн “YouTube” сувгаараа дамжуулан үзэгч, фэнүүддээ хүргэсэн.

“Бид Coachella-ийн нэг хэсэг болох гэж байгаа нь нэр төрийн хэрэг. Бид үүнд багтсандаа туйлын баяртай байна. Бас бид Монгол Улсаа төлөөлөн анх удаа энэ тайзнаа тоглохыг мөрөөддөг байсан. Энэ бол олон үнэнч шүтэн бишрэгчид болон хайрлаж хүндэлдэг уран бүтээлчидтэйгээ уулзах сайхан боломж гэж бид бодож байна. Бидний тоглолт болох өдөр, бас наадам дуусах хүртэл хугацаанд маш олон авьяаслаг, гайхалтай уран бүтээлчид тоглоно. Хэрэв бидэнд боломж олдвол бүх тоглолтыг нь үзэхийг хүсч байна” гэж хамтлагийнхан сэтгэгдлээ хуваалцлаа.

Хамтлагийн тоглолтын хуваарийг танилцуулъя:

4/15 – Indio, CA – Coachella

4/16 – San Diego, CA – Humphreys by the Bay

4/17 – Las Vegas, NV – Brooklyn Bowl

4/19 – Tucson, AZ – Rialto Theatre

4/21 – Phoenix, AZ – The Van Buren

4/22 – Indio, CA – Coachella

4/23 – Monterey, CA – Golden State Theatre

4/25 – Portland, OR – Roseland Theater

4/26 – Bend, OR – Midtown Ballroom

4/28 – Spokane, WA – Knitting Factory

4/29 – Missoula, MT – The Wilma

4/30 – Bozeman, MT – The ELM

5/2 – Fargo, ND – Sanctuary Events Center

5/3 – Lincoln, NE – Bourbon Theatre

5/4 – Kansas City, MO – The Truman

5/6 – Detroit, MI – St. Andrews Hall

5/7 – Bloomington, IL – Castle Theatre

5/8 – Columbus, OH – Newport Music Hall

5/9 – Nashville, TN – Cannery Ballroom

5/11 – Louisville, KY – Mercury Ballroom

5/13 – Portland, ME – State Theatre

5/14 – Albany, NY – Empire Live

5/16 – Washington, DC – Warner Theatre

5/17 – Norfolk, VA – The NorVa

5/19 – Charlotte, NC – The Fillmore

5/20 – Raleigh, NC – The Ritz

5/21 – Charleston, SC – Music Farm

5/22 – Daytona Beach, FL – Welcome to Rockville

5/25 – Birmingham, AL – Iron City

5/26 – Little Rock, AR – Little Rock Music Hall

5/27 – Oklahoma City, OK – Tower Theatre

5/28 – The Woodlands, TX – The Cynthia Woods Mitchell Pavilion /Buzzfest/

5/29 – Dallas, TX – Dos Equis Pavilion