Монголбанкнаас мэдээлж буй валютын ханшаар ам.доллар 2,855.07 төгрөг байна. Энэ нь 2021 оны хоёрдугаар сарын 15-ны өдрийн хаалтын ханш юм.

Монгол банк ам.долларын ханшийг 2020 оны арваннэгдүгээр сараас хойш тогтмол 2850 орчим төгрөгт барьсаар байв. Энэ нь нэг талаараа Монгол улсаас ам.доллароор хийх гүйлгээ багасах, тухайн дэвсгэртээр үйлчилгээ авч, аялал зугаалга цар тахлаас үүдэн багассантай шууд холбоотой юм.

Засгийн газрын өнөөдрийн хуралдаанаас гаргасан шийдвэрүүдийг хүргэж байна.

• Ерөнхий сайд Л.Оюун-Эрдэнийн БНХАУ-д хийсэн ажлын айлчлал, “Бээжин 2022” өвлийн XXIV олимпын наадмын нээлтийн ажиллагаанд оролцсон дүнг хэлэлцээд Үндэсний аюулгүй байдлын зөвлөлд оруулахаар болов.
• Монгол Улсаас Австралийн Холбооны Улс, Шведийн Хаант Улс, Бүгд Найрамдах Чех Улсад суугаа Элчин сайдын яамны бүтцэд Консулын хэлтэс байгуулахаар боллоо. 2022 оны батлагдсан төсөвтөө багтаан шийдвэрлэхийг Гадаад харилцааны сайдад даалгалаа.
• Хэмжил зүйн зөвлөлийн бүрэлдэхүүнийг шинэчилж, дүрмийг баталлаа. Зөвлөлийн дүрмийг шинэчлэн баталснаар хэмжлийн нэгж, түүний эталоныг бий болгох, хөгжүүлэх, нэгж дамжуулалтыг хангах зэрэг төрийн чиг үүргийн хэрэгжилтэд ахиц дэвшил гарна гэж үзэж байна.
• Монгол Улсын Засгийн газар болон Америкийн Нэгдсэн Улсын “Макс фаундейшн” төрийн бус байгууллагын хооронд байгуулах хамтран ажиллах гэрээний төслийг хэлэлцэн дэмжээд гарын үсэг зурах эрхийг Эрүүл мэндийн сайд С.Энхболд, Сангийн сайд Б.Жавхлан нарт олголоо.
• Хөдөө аж ахуйн ээлжит тооллогыг улсын хэмжээнд удирдан зохион байгуулах комиссын бүрэлдэхүүнийг баталлаа.

Засгийн газрын ээлжит хуралдаан 2022 оны хоёрдугаар сарын 16-нд болж, дараах асуудлуудыг хэлэлцэн шийдвэрлэлээ.

Тодруулбал, гамшгаас хамгаалах өндөржүүлсэн бэлэн байдлын зэрэгт шилжүүлсэн хугацааг цуцалсантай холбогдуулан хилийн боомтоор зорчигч тээврийн хөдөлгөөнийг түр зогсоосон хугацааг өнөөдрөөс цуцалсан байна.

Коронавируст халдварын цар тахлаас урьдчилан сэргийлэх, тэмцэх, эрсдэлийг бууруулах зорилгоор хил нэвтрэх зорчигч тээврийн хөдөлгөөнийг түр зогсоосон юм.

Нууц.мн сайтын эрхлэгч, Сэтгүүлч Г.Будрагчаа өчигдөр Орос гуравдугаар сургуулийн захирал Ж.Соронзонтой холбогдох хэргийн талаарх баримт материалыг АТГ-т өгч, гомдол гаргасан. Үүнтэй холбогдуулан цугларсан баримт материалын дагуу Орос гуравдугаар сургуулийн захирал Ж.Соронзонг Авилгатай тэмцэг газраас шалгаж эхэлсэн байна.

Тэрбээр “өөрийн нөхрийг өндөр дүнгээр цалинжуулдаг, төрсөн дүүгээсээ өндөр дүнтэй оффис түрээсэлдэг, сургуулийнхаа багш нараас төрсөн өдрөөрөө бэлэн мөнгө татдаг” зэрэг баримтууд дэлгэгдээд байгаа юм.

Нийслэлийн Их тойруу болон Яармаг орчимд байрлах 59 сургуулийн хичээл эхлэх цагийг өөрчлөх талаар өнөөдрөөс иргэдийг саналыг авч эхэллээ.

Энэ талаар нийслэлийн Засаг даргын Хэвлэлийн төлөөлөгч Н.Сугар “Төрийн болон төрийн бус өмчийн нийт 59 сургуулийн хичээл эхлэх цагийг хооронд нь зөрүүлж, зохион байгуулахаар төлөвлөн, санал гаргасан.

Тодорхой хэлбэл, ойрхон байршилтай гурван сургуулийн нэг нь өглөө 07:45, нөгөөх нь 08:15 цагт хичээлээ эхлүүлэх бол гурав дахь нь 09:00 цагаас гэх мэтээр хичээл эхлэх цагийг зөрүүлснээр нэг цагт бүх сургуулийн сурагч хичээлдээ очих гэж, тэднийг эцэг, эх нь хүргэхээр замын ачааллыг нэмэгдүүлэхгүй байхаар зохицуулах боломжтой.

Судалгаанаас харахад 59 сургуульд нийт 85,000 хүүхэд суралцаж байгаагаас нь 25,952 буюу 28.1 хувь нь такси болон хувийн унаагаар сургуульдаа ирж очдог. Дээрх зохицуулалтыг хийснээр авто замын ачаалал 12.5 хувь буурна гэсэн тооцоолол гарсан” гэлээ.

Мөн тэрбээр иргэдийг санал асуулгад идэвхтэй хамрагдахыг уриалсан юм. Гурав хоногт санал асуулга явуулахад иргэдийн дэмжлэг өндөр байвал уг зохицуулалтыг хийх аж. Түүнчлэн сургуулийн цаг өөрчлөгдсөн тохиолдолд эцэг, эхчүүдийн ажлын цагийг уян хатан болгох юм байна.

Цагийн хуваарийг нь өөрчлөхөөр төлөвлөсөн сургуулиуд

ТӨРИЙН БУС ӨМЧИЙН ЕРӨНХИЙ БОЛОВСРОЛЫН СУРГУУЛЬ