Орон сууц худалдан авсны болон оюутны төлбөрийн буцаан олголтын материалыг энэ сарын 15-ны өдөр хүртэл Татварын алба, хэлтсүүд хүлээн авсан. Тайлан илгээсэн иргэдийн материалыг шалгах процессын талаар тайлбар өглөө.

Тодруулбал иргэдээс ирүүлсэн хувь хүний орлогын албан татварын хөнгөлөлт чөлөөлөлтийн тайланг гуравдугаар сарын 15-ны дотор татварын улсын байцаагч шалгаж хүлээн авдаг байна. Энэ хугацаанд шаардлага гарвал улсын байцаагч иргэдтэй холбогдоно. Ингэхдээ тайлангийн маягтын /ТТ-06/ доорх сэтгэгдэл хэсэгт яагаад засварлах шаардлагатайг тайлбарлан тайланг танд буцаах аж. Ингэсэн тохиолдолд тайлангаа засварлан буцааж илгээх юм байна.

Харин цахим системд “Хуваарилсан” төлөвт байвал таны тайлан улсын байцаагчид шалгагдахаар хүлээгдэж буйг илтгэх бөгөөд шалгаад дуусангуут “Хүлээн авсан” төлөвт шилжинэ хэмээн Татварын ерөнхий газраас тайлбарлав.

БОАЖ-ын сайд Б.Бат-Эрдэнэ, Дэд сайд Г.Түвдэндорж нар өнөөдөр (2022.02.17) БНСУ-аас Монгол Улсад суух Онц бөгөөд Бүрэн эрхт Элчин сайд Ли Ё Хунтай албан уулзалт хийлээ.

Элчин сайд Ли Ё Хун БОАЖ-ын сайд Б.Бат-Эрдэнэд өндөр ач холбогдол бүхий салбарын сайдаар томилогдсонд баяр хүргээд, байгаль орчин, аялал жуулчлалын чиглэлээр хамтран ажиллах хэд хэдэн бодитой саналууд байгаагаа дурдаад, танилцуулсан юм.

Тухайлбал, байгаль орчны чиглэлээр уур амьсгалын өөрчлөлт дэлхий нийтийн тулгамдсан асуудлын нэг болж байгаа энэ цаг үед Ерөнхийлөгч У.Хүрэлсүхийн санаачилсан “Тэрбум мод” үндэсний хөдөлгөөн нь өндөр ач холбогдолтойг онцлоод бүрэн дүүрэн дэмжиж ажиллана гэв.

Мөн “Ногоон хөгжил-Ногоон шинэчлэл” төслийн ажлыг хамтран хэрэгжүүлэх ажлын хүрээнд БОАЖЯ нэгдсэн зохион байгуулалт, удирдлагаар хангаж ажиллаж өгөхийг хүслээ.

Цаашид зөвлөлдөх уулзалтууд, үзэсгэлэн, хөгжлийн хамтын ажиллагааны төслүүдэд хамтран ажиллах хүсэлтэй байна гэв.

Харин аялал жуулчлалын чиглэлээр БНСУ-аас Монгол орныг зорин ирсэн жуулчдын тоо цар тахлаас өмнө буюу 2019 онд 100 мянгад хүрсэн. Тиймээс цаашид тус улсын жуулчдын урсгалыг нэмэгдүүлэх бүрэн дүүрэн боломж бий гээд Солонгос улсын жуулчдыг Монгол Улсад визгүй нэвтрүүлэх асуудалд хүчин чармайлт гаргаж ажиллахыг хүсэв.

Мөн хоёр орны аялал жуулчлалын салбарын хамтын ажиллагааг эрчимжүүлэхэд иргэд хоорондын харилцаа, соёлын ойлголтыг идэвхжүүлэх хэрэгтэйг дурдаад Монгол Улсын тухай мэдээ, мэдээлэл гаднын улсад ялангуяа Солонгос улсын иргэдийн дунд маш бага байдаггэлээ.

Сайд Б.Бат-Эрдэнэ БОАЖЯ, Соёлын яам, Гадаад харилцааны яам хамтран энэ сарын 21-нд гадаад улсаас Монгол Улсад суух Бүрэн эрхт Элчин сайдууд болон аялал жуулчлалын салбарынхантай уулзах уулзалтад Элчин сайд Ли Ё Хунг урилаа.

Монгол Улс энэ оны нэгдүгээр сард нийт 117 улстай худалдаа хийсэн бөгөөд гадаад худалдааны нийт бараа эргэлт 1.1 тэрбум америк доллар болоод буй. Үүнээс,

• Экспорт 539.6 сая америк доллар
• Импорт 556.5 сая америк доллар байгаа юм.

Импорт өмнөх оны мөн үеэс 97.7 сая америк доллароор өсөхөд,

• Дизелийн түлшний импорт 15 сая америк доллароор,
• Авто бензин 15.1 сая америк доллароор,
• Суудлын автомашины импорт 12.2 сая америк доллароор тус тус өссөн нь голлон нөлөөлжээ.

Түүнчлэн Япон улсаас импортолсон барааны 75.2 хувийг суудлын автомашин, БНХАУ-аас импортолсон барааны 2.9 хувийг ачааны тэрэг эзэлж байна.

Авлигатай тэмцэх газрын Судалгаа шинжилгээний алба нь 2022 оны 2 дугаар сарын 7-11-ний өдрүүдэд иргэн, хуулийн этгээдээс ирүүлсэн 66 өргөдөл, гомдлыг хүлээн авч, харьяалах чиг үүргийн нэгжид хүргүүллээ.

Хүлээн авсан өргөдөл, гомдол, мэдээллийн 52 хувь нь авлигын гэмт хэргийн шинжтэй бөгөөд тусгай зөвшөөрөл, тендер худалдан авах ажиллагаа, төсвийн хөрөнгийн зарцуулалттай холбоотой гомдол давамгайлж байв.

Хүлээн авсан өргөдөл, гомдол, мэдээллийн 52 хувь нь авлигын гэмт хэргийн шинжтэй бөгөөд тусгай зөвшөөрөл, тендер худалдан авах ажиллагаа, төсвийн хөрөнгийн зарцуулалттай холбоотой гомдол давамгайлж байв. Өнгөрсөн долоо хоногт авлигыг мэдээлэх 110 тусгай дугаараар 280 дуудлага хүлээн авчээ.

Тус алба “Монголчуудын ёс заншил, уламжлал, ахуй, соёлтой нийцсэн соён гэгээрүүлэх үйл ажиллагааны арга, хэлбэрийг тодорхойлох” судалгааны ажлын хүрээнд авлигын хэргийг шийдвэрлэсэн шүүхийн шийдвэр болон авлигын хэрэгт холбогдож шүүхээр гэм буруутай нь тогтоогдон ял эдэлж буй хүмүүсийн зарим тоон мэдээлэлд дүн шинжилгээ хийжээ. Мөн төрийн 12 байгууллагад авлигын эрсдэлийн үнэлгээ хийхээр бэлтгэл ажлыг хангаад байна.

Эрүүл мэндийн яамны Судалгаа, төлөвлөлтийн хэлтсийн дарга Б.Бумдэлгэр “Зарим улс оронд PCR шинжилгээний хариу 72 цаг, заримд нь 48 цагийн хугацаанд хүчинтэй байх тул иргэд нислэгийн цагаа зөв тооцож, шинжилгээ өгөхийг зөвлөж байна” гэлээ.

Гадаадад зорчихоор ХӨСҮТ-ийн лабораторид PCR шинжилгээ өгөх иргэд нь :

• Коронавирус илрүүлэх молекул биологийн шинжилгээний сорьцыг өдөр бүр Амбулаторийн 1 давхрын “КОВИД-19 чартер шинжилгээ гэсэн өрөөнд 08:30-11:00 цагийн хооронд авна.
• Ирэхдээ гадаад паспортын хуулбарыг авчирна.
• Шинжилгээний төлбөр болох 50,000 төгрөгийг кассанд зөвхөн картаар тушаана.
• Хариуг шинжилгээ өгсөн өдрийн оройн 22:00 цагаас хойш шинэ лабораторийн 104 тоотод олгоно.

Ардчилсан намын нэхэмжлэлтэй Улсын бүртгэлийн ерөнхий газрын Хяналт шалгалтын газар болон Хуулийн этгээдийн бүртгэлийн газарт тус тус холбогдох, Нийслэл дэх Захиргааны хэргийн анхан шатны шүүхийн шүүгчийн 2022 оны 01 дүгээр сарын 06-ны өдрийн “Хүсэлт хэлэлцэж, шүүх хуралдааныг хойшлуулах тухай” 392 дугаар захирамжийг нэхэмжлэгчийн итгэмжлэгдсэн төлөөлөгч, нэхэмжлэгчийн өмгөөлөгч, гуравдагч этгээдийн итгэмжлэгдсэн төлөөлөгч нарын гомдлоор Захиргааны хэргийн давж заалдах шатны шүүх хоёрдугаар сарын 16-ны өдөр хянан хэлэлцлээ.

Захиргааны хэрэг шүүхэд хянан шийдвэрлэх тухай хуулийн 122 дугаар зүйлийн 122.6.2-д заасныг баримтлан шүүгчийн 392 дугаар захирамжид өөрчлөлт оруулж шийдвэрлэлээ. Тодруулбал тус шүүгчийн захирамжийн Тогтоох хэсгийн 6 дахь заалт буюу хэргийн нотлох баримтаас 2022 оны 01 дүгээр сарын 06-ны өдрийн О.А-ийн хүсэлт /1 хуудас/, 2021 оны 01 дүгээр сарын 13-ны огноотой Итгэмжлэл олгох тухай албан бичгийг /1 хуудас/ тус тус хассугай… гэснийг хэргийн нотлох баримтаас хасах нь буруу гэж үзсэн байна.

Харин нэхэмжлэгч Ардчилсан намын өмгөөлөгчийн гаргасан “Ардчилсан намын тамга, тэмдгийн …хяналтын дугаарыг хүчингүй болгосон Улсын бүртгэлийн ерөнхий газрын улсын байцаагчийн 2020 оны арванхоёрдугаар сарын 24-ний өдрийн …дугаартай тамга, тэмдгийн хяналтын дугаарыг хүчингүй болгох тухай дүгнэлтийн биелэлтийг түдгэлзүүлэх, мөн дээрх дүгнэлтийг үндэслэн дахин олгосон тамга, тэмдгийн …хяналтын дугаарын улсын бүртгэлийг түдгэлзүүлэх” тухай хүсэлтийг анхан шатны шүүх эрх хэмжээний хүрээнд хэрэгсэхгүй болгож шийдвэрлэснийг хэвээр үлдээлээ.

Одоогийн байдлаар тендер шалгаруулалт эхлүүлсэн хувиар Орхон, Дорнод, Говь-Алтай, Булган, Завхан аймаг 100 хувь тэргүүлж байгаа бол Баян-Өлгий 48 хувь, Дархан-Уул аймаг 43, Увс 45 хувь, Сэлэнгэ 36 хувь, Архангай 19 хувь, Дундговь 17 хувиар сүүл мушгиж байна.

ЗГХЭГ-ын дарга Ц.Нямдорж зөвлөгөөнийг нээж үг хэлэхдээ “Шинэ сэргэлтийн бодлого”-ыг хэрэгжүүлэхэд орон нутгийн удирдлагуудын ажил үүрэг чухал нөлөөтэйг онцлов.

Монгол Улсын Ерөнхий сайд Л.Оюун-Эрдэнэ Засгийн газрын бодлого, шийдвэр болон “Шинэ сэргэлтийн бодлого”-д туссан хөгжлийг хязгаарлагч зургаан хүчин зүйлийн талаар орон нутгийн удирдлагуудад дэлгэрэнгүй мэдээлэл өглөө.

Цар тахлын хүнд үед Засгийн газар эрүүл мэндээ хамгаалж, эдийн засгаа сэргээх 10 их наядын цогц төлөвлөгөө хэрэгжүүлсний үр дүнд -5.3 хувьтай агшсан эдийн засаг өнгөрсөн оны гуравдугаар улирлын байдлаар 3.6 хувийн өсөлттэй гарсан. Оюутолгойн гүний уурхайн олборлолтын эхний шат эхэлснээр эдийн засагт эерэг нөлөө үзүүлж, гадаадын хөрөнгө оруулагчдад итгэл өгснийг онцоллоо. “Шинэ сэргэлтийн бодлого’’-ын хүрээнд аймаг, орон нутагт хийгдэх бүтээн байгуулалтын төслүүдийг эхлүүлж, эрчимжүүлэхэд онцгой анхааран, туйлын хариуцлагатай ажиллахыг захилаа.

2022 оны улсын төсвийн хөрөнгөөр бараа, ажил үйлчилгээ худалдан авах ажиллагааг гуравдугаар сарын 1-ний дотор зохион байгуулж дуусгахыг үүрэг болгож, бүтээн байгуулалтын ажлыг хугацаанд нь эхлүүлээгүй албан тушаалтанд хариуцлага тооцно гэж Ерөнхий сайд хатуу анхаарууллаа. Төсвийн худалдан авах ажиллагаа, тендерийг хугацаанд нь амжилттай зохион байгуулж чадаагүй яам , орон нутгийн удирдлагуудын ирэх жилийн төсвөөс хасах арга хэмжээ авна гэлээ.

Улсын хэмжээнд хэрэгжих 716 төсөл, арга хэмжээнээс тендер зарласан нь 345 буюу 48 хувийн гүйцэтгэлтэй байна. Одоогийн байдлаар тендер шалгаруулалт эхлүүлсэн хувиар Орхон, Дорнод, Говь-Алтай, Булган, Завхан аймаг 100 хувь тэргүүлж байгаа бол Баян-Өлгий 48 хувь, Дархан-Уул аймаг 43, Увс 45 хувь, Сэлэнгэ 36 хувь, Архангай 19 хувь, Дундговь 17 хувиар сүүл мушгиж байна.

Тавдугаар сард орон даяар эхлэх хүн амыг урьдчилан сэргийлэх эрт илрүүлэг үзлэг, оношилгоо, шинжилгээнд хамруулах бэлтгэл ажлыг эртнээс хангаж зохион байгуулах ёстойг Ерөнхий сайд анхаарууллаа.

Засаг дарга нартай байгуулж буй гэрээг хагас жил, жилийн хугацаанд дүгнэж, Монгол Улсын Засгийн газрын 2020-2024 оны үйл ажиллагааны хөтөлбөр болон Засаг даргын үйл ажиллагааны хөтөлбөрийн хэрэгжилтийг сайтар хангаж ажиллахыг Ерөнхий сайд тэмдэглэн хэллээ.

Засаг дарга нар 50+1 зарчмаар олонхоороо асуудлыг шийдвэрлэх, өөрчлөх санал дэвшүүлбэл Засгийн газрын хуралдаанаар оруулж болно. Орон нутгийн түвшинд уул уурхайн лиценз олголтыг цэгцлэх чиглэлээр хуульд өөрчлөлт оруулж, ямар арга хэмжээ авах талаар аймаг, орон нутгийн удирдлага саналаа хэлж, идэвхтэй хэлэлцүүлэг өрнүүлнэ гэдэгт итгэлтэй байгаагаа илэрхийллээ.

“Шинэ сэргэлтийн бодлогын хэрэгжилтийг орон нутагт эрчимжүүлэх нь” нэгдсэн зөвлөгөөн хоёр өдөр үргэлжилж Засгийн газрын гишүүд салбарын бодлого шийдвэрээ аймаг, орон нутгийн удирдлагуудад танилцуулж хэлэлцүүлэг өрнүүлэх юм.