Month: February 2022

ЭТҮГ-ын дарга Ж.Нарангэрэл “Өнөөдрийн байдлаар халдвартай 18 мянган хүн гэрийн хяналтад, 5500 орчим хүн эмнэлэгт байна. Энэ сарын 14-нөөс хичээл сургууль эхэлж, албан газрууд хэвийн горимд ажиллаж байгаа учир хүүхдэдээ тавих хяналтаа нэмж, олон нийтийн газраар явахгүй байх гэх мэт өөрсдийгөө хамгаалах дэглэм, арга хэмжээнүүдээ үргэлжлүүлэн сахиарай.

Хэдийгээр халдварын тохиолдол буурч байгаа ч хөдөлгөөн ихэссэнтэй холбоотойгоор халдвар дахин ихсэх магадлалтай учир эцэг эхчүүд, иргэд анхааралтай байх, олноороо цуглахгүй, халдвар хамгааллын дэглэмээ баримтлахыг зөвлөж байна. 18-35 насныхны дархлаажуулалтын хамрагдалт бага байна. Тэдний хөдөлгөөн идэвхжих үед халдварын тохиолдол ихсэх магадлалтай. Омикрон халдварын шинж чанар нь дахин халдварлах чадвар нь өндөр байгаа учир үүний эсрэг дархлаажуулалт үр дүнтэй байгаа нь олон улсад баталгаажсан учир дээрх насныхан вакцинаа хийлгэхийг уриалж байна” гэв.

29 дэх удаагийн “Продэкспо” олон улсын үзэсгэлэнд АПУ ХК экспортын брэнд бүтээгдэхүүнүүдээ дэлхийд таниулан оролцож байна. Уг үзэсгэлэнд дэлхийн 30 гаруй улсаас 2660 гаруй томоохон компаниуд жил бүр оролцдог ба 115 гаруй улсаас сүлжээ дэлгүүрийн төлөөлөл, бизнес эрхлэгчид, сонирхогчид зорин ирж зах зээлийн судалгаа хийхийн зэрэгцээ дэлхийн чиг хандлагатай танилцдаг. Тиймээс цар тахлын үеийн тээвэр логистикийн хүндрэл бэрхшээлтэй үед ийнхүү гадаад зах зээлд бүтээгдэхүүнээ танилцуулж экспортын хүчин чармайлтаа нэмэгдүүлснээр Монгол Улсын эдийн засагт эергээр нөлөөлөх үйл явдал болж байна.

Москва хотод болж буй ОХУ-ын хамгийн томд тооцогдох энэхүү үзэсгэлэнгийн онцлог нь дэлхийн улс орнууд брэнд бүтээгдэхүүнээ сурталчлахаас гадна ОХУ-ын шингэн хүнсний зах зээлийн чиг хандлага, тавигдах стандарт, бөөний болон жижиглэн худалдааны систем, сав баглаа боодлын технологийн шинэ чиг хандлага тэргүүтэй олон төрлөөр хэлэлцүүлэг, форум зохион байгуулагддаг нь зах зээлд оролцогчдын хувьд томоохон давуу тал бий болгож буй юм.

Үзэсгэлэнд хүрэлцэн ирж олон улсын зах зээлд эх орноо төлөөлж экспорт хийж буй үндэсний компанийн хүчин чармайлтыг дэмжин ажиллаж байгаа Монгол Улсаас ОХУ-д суугаа Онц бөгөөд Бүрэн эрхт элчин сайд Ө.Энхтүвшин танд талархал илэрхийлье.

Үзэсгэлэнд оролцогчдын зүгээс Монгол бүтээгдэхүүний түүхий эдийн чанар, шүүлт, технологийн дэвшлийг онцлон сонирхож буй бөгөөд ялангуяа ОХУ-ын “Клевер” органик, био сүлжээ дэлгүүрийн төлөөлөл Монгол гэх тодотгол нь АПУ ХК-ийн брэнд бүтээгдэхүүний орц найрлага, цэвэр, тунгалаг байдлыг илэрхийлж байна хэмээн онцолсон юм.

Ерөнхий захирал Руслан И.Максудов /Татспиртпром компани/:

Татспиртпром компани нь АПУ компанитай хамтран ажиллаад 4 жил болж байна. Энэ 4 жилийн хугацаанд бид нэлээдгүй их амжилтад хүрсэн. Манай талаас ч тэр АПУ талаас ч тэр бид ажлынхаа үр дүндээ сэтгэл хангалуун байгаа. Бидний хэмжээ, цар хүрээ ч ихсэж үүний зэрэгцээ мөн борлуулалт, ашиг ч өсөж байна. Хамгийн гол нь бид ирээдүйн өсөлтөө харж чадаж байна. Энэ л хамгийн гол зүйл, учир нь бид шинэ түвшинд гарч, өөр тоонууд руу өсөж тэмүүлэх боломжтой байна. Бид энэ жил буюу 2022 оноос эхлээд, бараг л энэ үзэсгэлэн худалдаанаас эхлээд шинэ тоолол эхэлнэ гэж найдаж байна. Би энэ хамтын ажиллагаанд мөн АПУ компанийн Удирдлагад их талархаж байгаа. АПУ компани ч мөн адил бид нарт түншүүдийн хувьд Татспиртпром компанид сэтгэл хангалуун байгаа гэдэгт найдаж байна.

Түүхийн хувьд Монгол Улс болон Татарстан их дөхөм юм. Бид их төстэй бүтээгдэхүүн, төстэй брэндүүд үйлдвэрлэдэг нь хамтын ажиллагааг амар болгодог. Бид Татарстандаа манлайлагч нь ба АПУ компани ч гэсэн өөрийн зах зээл дээрээ манлайлагч. Энэ нь бидэнд сайн хоршиж, хамтран ажиллах, брэндүүдийнхээ потенциалыг харах боломж олгож байна. Бид ийм брэндүүдтэй ажиллаж чаддаг учир тухайн барааны тэмдэгтийг сонгосон. Хамгийн гол нь бид бий болгосон сайн амжилт болон судалгаатай. Бид маркетингийн компанийн үүднээс зах зээлийн энэ төрөлд өндөр хөгжлийн потенциал харж байна. Энэ зах зээлийн төрөл нь бүрэн эзлэгдээгүй байгаа ба брэндүүдэд том боломж болж байна. Үүн дээр нь нэмээд манай сайн дистребюторын платформыг нэмж өгснөөр бид харилцан сайн үр дүн олох боломжтой.

Чингис Хан брэнд бол дээд сегментийн бүтээгдэхүүн ба түүний хэрэглэгч нар нь масс хэрэглэгч биш юм. Гэхдээ бид энэ бүхнийг судалсан ба яаж түүнтэй ажиллах аргаа олсон. Хаанаас хэрэглэгчээ олох, яаж тэдэнд хүргэх гэх зэрэг. Энэ нь өргөн түгээлтэд зориулагдаагүй нь ойлгомжтой. ОХУ-ын зах зээл дээр авах гэж байгаа тодорхой арга хэмжээнүүд нь тухайн брэндийн зорилтод хэрэглэгчийн хүрээг тэлнэ гэж бодож байна. Дахиад хэлье энэ зах зээлийн төрөл нь хараахан эзлэгдээгүй байгаа.

Клевер сүлжээ дэлгүүрийн төлөөлөл:

Би энд бол ерөнхийдөө бүтээгдэхүүний талаар мэдээ мэдээлэлтэй байхын тулд ирсэн. Би Клевер сүлжээ дэлгүүрийн матрицыг хариуцаж ажилладаг. Энэ үзэсгэлэн дээр би харилцагч болон худалдан авагч нартаа ямар нэгэн шинэ, онцгой зүйл эрэн энд ирлээ. Тэгээд яг Монгол архийг оллоо. Учир нь хүмүүс Франц, Польш архийг маш сайн мэддэг ба эдгээр зүйлсээр хэнийг ч гайхшируулж чадахгүй. Харин Монгол архи гэснээр бид наад зах нь хүмүүсийн анхаарлыг татаж чадаж байгаа юм. Юуны түрүүнд бид Клевер био бүтээгдэхүүний сүлжээ дэлгүүрийг төлөөлж байгаа ба бидний хувьд хамгийн чухал зүйл бол бүтээгдэхүүний цэвэр, натурал байдал нь юм. Тийм ч учраас Монгол гэсэн тодотгол нь үүнд маань төгс тохирч байна.

Дээд зэрэглэлийн архи болох Чингис Хан нь намайг маш ихээр гайхширууллаа. Энэ бүтээгдэхүүн нь ихэнхдээ бэлэгт өгөхөд зориулагдсан юм. Энэ архины яг юу нь намайг татаж, надад таалагдсан бэ гэвэл Чингис Хан архийг амсахад түүний маш зөөлөн цэвэр байдал нь юм. АПУ компани спиртийн шүүлтийг улам сайжруулж нь Альфа чанарын спиртийг шүүж цэвэршүүлэн Супер Альфа спирт болгосон байна. Миний хувьд энэ нь борлуулалтын хувьд маш том давуу тал болох юм. Худалдахад илүү хялбар болох ба бүтээгдэхүүн ч өөрөө илүү цэвэр болох юм.

Архины ийм ангилалд архийг нэг амьсгаагаар уух биш амталж уух ёстой гэсэн ойлголт байдаг.

Тус ажлын хэсэг нь төрийн байгууллага, удирдлагуудын үйл ажиллагаатай танилцаж, хуулиар хүлээсэн чиг үүргээ хэрэгжүүлж байгаа байдалд үнэлгээ өгөх, төрийн жинхэнэ албан хаагчийг 2019, 2020, 2021 онд сонгон шалгаруулж, томилсон үйл ажиллагаанд хяналт, шалгалт хийх, хүний нөөцийн чиглэлээр 2019, 2020, 2021 онд гаргасан шийдвэрийн хууль зүйн үндэслэлийг хянах, дүгнэлт гаргах зэрэг үүрэгтэй юм. Гаргасан дүгнэлтүүдийг ТАЗ болон Засгийн газрын хуралдаанд оруулж танилцуулах аж.

Энэхүү ажлын хэсэг нь Төрийн албаны зөвлөл, ЗГХЭГ-ын албан хаагч нараас бүрдсэн 23 хүний бүрэлдэхүүнтэй бөгөөд Удирдамжийн дагуу бол тус Ажлын хэсэг БОАЖЯ, БШУЯ, Соёлын яам, ЭМЯ, нийслэл, Булган, Говь-Алтай, Дундговь, Өмнөговь, Хөвсгөл аймгийн ИТХ-ын Тэргүүлэгчдийн ажлын алба, Засаг даргын Тамгын газар, Засаг даргын эрхлэх асуудлын хүрээний агентлагууд дээр ажиллах юм байна.

Байгаль орчин, аялал жуулчлалын сайд Б.Бат-Эрдэнэ, Төрийн нарийн бичгийн дарга Э.Баттулга нар тус яамны газар, хэлтсийн дарга нарын хамт өнөөдөр тус Ажлын хэсгийн ахлагч, Төрийн албаны зөвлөлийн гишүүн Б.Идэрчулуун, ЗГХЭГ-ийн Хяналт-шинжилгээ, дотоод аудитын газрын дарга Э.Бат-Идэр нарын албаны төлөөлөлтэй уулзлаа.

Уулзалтын үеэр БОАЖ-ын сайд Б.Бат-Эрдэнэ яамны газар, хэлтсийн дарга нарт шалгалтын Ажлын хэсэгт бүх бичиг баримтыг саадгүй үзүүлэх чиглэл өгөөд аливаа байдлаар бичиг баримт нуух, ажлын хэсгийн гишүүдийг төөрөгдүүлсэн үйл явдал болбол хуулийн дагуу зохих арга хэмжээ авахыг Төрийн нарийн бичгийн дарга Э.Баттулгад үүрэг болгосон юм. Мөн Ажлын хэсэгт чин шударгаар хэн нэгний нөлөөнд орохгүй ажиллаж, хууль дагаж мөрдөөгүй албан тушаалтнууд байвал зохих шийдвэрийг гаргаж бидний ажилд туслалцаа үзүүлнэ үү гэсэн хүсэлт тавилаа.

Төрийн албаны зөвлөлийн гишүүн Б.Идэрчулуун “Бид 2019 оноос хойш өмнөх хоёр ч сайдад албан бичгээр хандаж байсан, удирдамжаа ч явуулж байлаа. Миний мэдэж байгаагаар танай яаманд хууль бусаар ажил үүргээсээ буусан гурван хүний асуудал байсан. В.Жавзан, Б.Оюунсанаагийн асуудал шийдэгдсэн юм байна. Говийн сав газрын захиргааны дарга байсан Б.Ялалтбаяр үлдчихээд байгаа юм билээ.

Шинэчилсэн Төрийн албаны тухай хуулиар бидний тавьж байгаа зорилго бол ёс зүйтэй, сахилга хариуцлагатай, ур чадвар нь шаардлага хангасан хүнийг л ажиллуулах. Төрийн албаны зөвлөл эрхэм төрийн албаны дарга, албан хаагчдаас хүсэх ганцхан зүйл бол хууль мөрдөж ажиллах юм. Танай ТНБД бол төрийн албаны мэргэшсэн албан хаагч. Б.Бат-Эрдэнэ сайдын хувьд хууль хэрэгжүүлэх гэж өөрөө жинхэнэ гар бие зүтгэж байсан хүний хувьд энэ зовлонг ойлгох байх гэж бодож байна.

Төрийн албан хаагчийн хориглосон зүйлийг Төрийн албаны тухай хуулийн 39, 37 дүгээр зүйлд заасан байдаг. Үүний хэрэгжилтийг харна. Хэрэв энэ дунд зөрүү буруу юм явах юм бол томилох эрх бүхий албан тушаалтныг ажлаас чөлөөлөх, улс төрийн албан хаагчийг огцруулах мэдэгдлийг томилох эрх бүхий албан тушаалтанд нь явуулах эрхийг хуульчилсан байдаг” гэв.

БОАЖ-ын сайд Б.Бат-Эрдэнэ “2019 онд батлагдсан шинэчилсэн Төрийн албаны тухай хуулиар маш олон харилцааг ойлгомжтой болгож өгсөн. Би хуулийн хэрэгжилт дээр хяналт тавьж ажиллаж ирсэн хүний хувьд өнөөдрийн байгаа мэдрэмжээр шалгалтыг зайлшгүй оруулах шаардлагатай. Хурдан хугацаанд орж ирж байгаад туйлын баяртай байна. Ажлаа хүлээж авснаас хойш нэг албан хаагч төрийн албаны шалгалтаа өгч тэнцээд орон тоон дээрээ жинхэлсэн. Бусад нь түр болон үүрэг гүйцэтгэгч байна. Төрийн албан хаагчийн шалгалтаа өгсөн ч ажлын байран дээрээ тавигдаагүй албан хаагчид бас байна.

Томилох асуудлыг яаралтай хийх үүргийг Төрийн нарийн бичгийн даргад өгсөн. Б.Оюунсанаагийн асуудал бол шүүх дээр явж байсан. Шүүхийн шатанд БОАЖЯ-наас давж заалдсаныг эвлэрлийн шугамаар шийдвэрлэж Б.Оюунсанааг шууд ажлын байран дээр нь тавьсан байгаа. Б.Ялалтбаярын хувьд яаралтай ажлын байран дээр нь тавих хэрэгтэй. В.Жавзан даргын хувьд Хяналт-шинжилгээ, үнэлгээ, дотоод аудитын газрын даргаар ажиллаж байсныг бид Төрийн захиргаа удирдлагын газрын дарга руу шилжүүлж ажиллуулж байгаа. Учир нь Хяналт-шинжилгээ, үнэлгээ, дотоод аудитын газрын даргаар Авлигатай тэмцэх газраас албан тушаалтныг сэлгэн ажиллуулахаар ярьж байна.

Ер нь төрийн албанд байгаа бугшсан системийг бид сайн цэгцлэх хэрэгтэй гэж харж байгаа. АТГ-аас гардаг Шударга байдлын үнэлгээгээр БОАЖЯ доороосоо гуравдугаарт орсон. Дотоодод ужгирсан авлигын системийг шинэ сайд, дэд сайд, ТНБД ирснээр тасалж чадахгүй. Харин АТГ-аас сэлгэн ажиллуулж байгаа албан тушаалтан авлигатай холбоотой асуудлыг таслан зогсоож, энэ чиглэлд тодорхой шийдлүүд гаргаасай гэж хүсэж байгаа. Үүнийгээ ч бид АТГ-т шууд илэрхийлсэн. АТГ-аас гаргадаг дараагийн Шударга байдлын үнэлгээгээр доороосоо гуравт биш ядаж эхний арван байрт орох шаардлагатай гэж үзэж байгаа” гэсэн юм.

Уулзалтын төгсгөлд Ажлын хэсгийн ахлагч, Төрийн албаны зөвлөлийн гишүүн Б.Идэрчулуун “100 хувь санал нэг байна. Та нарын мэдэж байгаа сайн, муу бүх мэдээлэл Төрийн албаны зөвлөлд бий. БОАЖ-ын сайд тус яамны ТНБД гэх мэт бүрэлдэхүүнээр нь ингэж сольсон нь бол энэ Засгийн газар гаргаж байгаа алдаан дээрээ том дүгнэлт хийжээ гэж иргэд олон нийт ч тэр, Төрийн албаны зөвлөл ч харж байгаа. Төрийн албанд хуульд тавьж байгаа шаардлагыг хангасан хүн ажиллана. Ажлаа зохих ёсоор гүйцэтгэж чадахгүй бол ажлаа өгнө.

Өнгөрсөн ганцхан жилд бид цар тахлын дундуур яваад 5,277 хүний хувийн хэрэг, бүх материал, томилсон, чөлөөлсөн тушаалыг эмэрч үзсэн. Тэднээс 1,100 гаруй нь хууль бус томилгоо байгаа юм. Үндсэндээ тавны нэг нь гэсэн үг. Одоо энэ шалгалтаар ямар ч байсан хаана нь алдаа догол байгаа юм гэдэг нь ширээн дээр гарч ирж таарна. Энэ бол шийдэл хийх гэж явж байгаа болохоос бид хэн нэгний улыг шагайж яваа юм биш. Яг энэ шаардлагыг би танай өмнөх хоёр сайдад хоёуланд нь явуулж байсан. 2019 оны нэгдүгээр сарын 1-ээс хойш миний нэртэй болон Төрийн албаны зөвлөлөөс ирүүлсэн албан бичгүүдтэй танилцаарай гэж хүсье” гэлээ.

21.30 цагийн орчимд ТЕГ-ын ажилтнууд иргэн Ч.Мөнхбаярын гэрт нэгжлэг хийж эхэлсэн байна. Өчигдөр түүнийг саатуулах ажиллагаа явуулж, баривчилсан билээ.

Тодруулбал, Сүхбаатар дүүрэгт байршилтай “Наран” плазагийн ойролцоох газраас Ч.Мөнхбаярыг баривчилж буйг баримтжуулсан иргэний мэдээлэлд үндэслэн, саатуулах ажиллагаа явуулсныг бид мэдээлсэн. Одоогоор ТЕГ-ын зүгээс энэ талаар ямар нэг мэдээлэл өгөөгүй байгаа юм.