Month: February 2022

Гадаад харилцааны сайд Б.Батцэцэг хоёрдугаар сарын 18-20-ны өдрүүдэд ХБНГУ-д зохион байгуулагдаж буй Аюулгүй байдлын асуудлаарх Мюнхений 58 дахь бага хуралд оролцож байна.

“Аюулгүй байдлын бодлогын Давос” гэгддэг уг бага хурлыг ХБНГУ-ын Засгийн газар Баваар мужийн захиргаатай хамтран жил бүрийн 2 дугаар сард Мюнхен хотноо зохион байгуулдаг уламжлалтай.

Дэлхий нийтийг хамарсан коронавирусийн цар тахлаас шалтгаалан сүүлийн хоёр жилд тасалдаж, 2021 онд цахимаар зохион байгуулсан тус бага хурлыг энэ онд биечлэн оролцох хэлбэрээр, чингэхдээ оролцогчдын хувьд цөөн бөгөөд өндөр түвшинд зохион байгуулж байгаа юм.

ГХЯ

ГХЯ

Volkswagen группийн үйлдвэрлэсэн олон мянган шинэ автомашиныг Германаас АНУ руу тээвэрлэж явсан аварга том ачааны хөлөг онгоц дээр Лхагва гарагт гал гарчээ.

198 метр урт Felicity Ace хөлгийн багийн 22 гишүүнийг Пүрэв гарагт Португалийн тэнгисийн цэргийнхэн аварч, ойролцоох аралд хүргэсэн байна.

Харин эзэнгүй, жолоодлогогүй болсон ачааны хөлөг одоо Португалийн Азорын арлуудын ойролцоо Атлантын далайн усанд шатаж байгаа ажээ.

Volkswagen группийн мэдээлснээр хөлөг дээр нийт 3,965 автомашин байгаа юм байна.

Тус группийн үйлдвэрлэсэн Porsche, Audi, Lamborghini брэндийн автомашинууд шатаж буй хөлөг дээр байгаа ажээ.

Зөвхөн Porsche брэндийн 1,100 автомашин гал гарах үед хөлөг дээр байсныг мэдээлсэн байна.

Автомашин үйлдвэрлэлийн салбарт үе үе ийм осол гарч, ихээхэн хохирол амсдаг.

Хамгийн сүүлд 2019 онд Grande America ачааны хөлөг дээр гал гарч, живэхэд Audi, Porsche брэндийн 2,000 гаруй тансаг ангиллын автомашин хамт шатаж, живсэн юм.

Цар тахлын улмаас автомашин үйлдвэрлэлийн салбар ачаа тээвэрлэлтийн саатал, чип, хагас дамжуулагч эд ангийн хомсдолд нэрвэгдээд байгаа. Ийм хүнд хэцүү цаг үед Volkswagen групп томоохон хохирол амсаж байна.

Felicity Ace хөлгийг чирэх боломжийг эзэмшигч компани нь судалж байгаа гэнэ. Одоогоор далайн усыг бохирдуулсан ямар нэг шинж тэмдэг илрээгүй байгааг тус компани мэдээлжээ.

Эх сурвалж: AFP

Монголын Үндэсний спортын VII наадмын өвлийн мөсний шагай харваа болон мөсний сурын харвааны тэмцээний дүн эхнээсээ гарч байна. Мөсний шагайн харвааны багийн төрөлд Архангай аймгийн баг түрүүлэв. Тус багийг Үлэмж гарамгай дархан мэргэн Л.Жамсранжав ахалж байна. Удаах байрт дархан мэргэн Д.Ууганбаяр ахлагчтай нийслэлийн Чингэлтэй дүүрэг, улсын хошой мэргэн Д.Батсайхан ахлагчтай Баянзүрх дүүргийн баг тус тус оров.

Харин мөсний сурын харвааны цуваа харваанд Завхан аймгийн Тосонцэнгэл сумын харьяат, залуу харваач Н.Доржготов 20 сумнаас 20 онож, алтан медаль хүртлээ. Удаах байрт нийслэлийн Багахангай дүүргийн тамирчин Н.Алтансүх, Дархан-Уул аймгийн харваач Т.Ихтамир нар оров. Маргааш тус тэмцээн өндөрлөх бөгөөд мөсний шагай харвааны цуваа харваа, мөсний сурын харвааны багийн шигшээ тоглолт болж, дүнг эцэслэнэ.

Улсын хэмжээнд энэ сарын 17-ны өдрийн байдлаар нийт 152,588 тн шатахууны нөөцтэй байгаагаас А-80 автобензин 10,678 тн, АИ-92 автобензин 39,036 тн, ДТ 99,137 тн байгаа ба АИ-92 /95,98/ автобензиний 32, А-80 автобензиний 64, ДТ-ний 36 хоногийн, Улаанбаатар хотын хэмжээнд нийт 75,103 тн буюу АИ-92 автобензиний 24, ДТ-ний 44 хоногийн буюу хэвийн нөөцтэй байна.

Манай улс он гарсаар нийт 234.9 мян.тн газрын тосны бүтээгдэхүүн импортолсон байна. Үүнд автобензин 88.8 мян.тн, ДТ 127.1 мян.тн, онгоцны 2.1 мян.тн түлш, 16.9 мян.тн бусад бүтээгдэхүүн эзэлж байна. Энэ сарын 17-ны өдрийн байдлаар 83.1 мян.тн АИ-92 автобензин импортолсон нь өмнөх оны мөн үеэс 21.3 мян.тн-оор буюу 34.5 хувиар өссөн үзүүлэлттэй байна. Харин мөн хугацаанд 127.1 мян.тн дизель түлшний импорт хийгдсэн нь өнгөрсөн оны мөн үеэс 19.6 хувиар буурчээ.

Дэлхийн эрүүл мэндийн байгууллагын тэргүүн Тедрос Адханом Гебрейесус “COVID-19” цар тахлыг зогсооход уялдаа холбоотойгоор хамтран ажиллахыг улс орнуудад уриалжээ.

Германы зүүн нутгийн Мюнхен хотноо болж буй Мюнхений аюулгүй байдлын бага хурлын “Цар тахлыг даван туулах арга замыг олох нь” хэлэлцүүлгийн үеэр тэрбээр ийнхүү хэлсэн байна.

Т.Гебрейесус вакцинжуулалтын түвшин өндөр байгаа зарим оронд цар тахал дууссан гэх яриаг “аюултай” хэмээн тодорхойлоод, “омикрон” хувилбарын эрүүл мэндэд учруулах эрсдэл бага гэх мэдээллийг үгүйсгэжээ.

Түүний хэлснээр, урьдчилан сэргийлэх боломжтой, эмчлэгддэг өвчний улмаас долоо хоног тутам 70 мянган хүн нас барж, Африкийн хүн амын 83 хувь нь “COVID-19”-ийн вакцины эхний тунд хамрагдаагүй байгаагаас гадна дэлхий даяарх эмнэлгүүдийн ачаалал их хэвээр байна.

“Бид “COVID-19” цар тахлыг энэ онд дуусгавар болгож чадна. Бидэнд шаардлагатай хэрэгслүүд, мэдлэг туршлага байна” гэдгийг ДЭМБ-ын тэргүүн тодотгоод, “COVID-19”-ийн вакцин, оношлуур, эмчилгээ, хувийн хамгааллын хэрэгслийн хүртээмжийг нэмэгдүүлэх “ACT” хөтөлбөрийг яаралтай 16 тэрбум ам.доллароор санхүүжүүлэхийг бүх улс оронд уриалжээ. Үүнийг эдийн засгийн хямрал дахин нэг жил үргэлжлэх өртөгтэй харьцуулахад маш бага болохыг тэрбээр онцолсон байна.

“COVID-19”-ийн оношлуур, эмчилгээ, вакцины хөгжүүлэлтийг түргэтгэж, хүртээмжийг нэмэгдүүлэх зорилго бүхий “ACT” хөтөлбөрийг 2020 оны дөрөвдүгээр сараас буюу “COVID-19” халд

НӨАТ-ын урамшууллын энэ оны хоёрдугаар сарын сугалааны тохирол маргааш ням гарагт болно. Тохирлын нэвтрүүлэг “Боловсрол” телевизээр орон даяар шууд явагдана. Энэ сарын сугалаанд энэ оны нэгдүгээр сарын 1-31-ныг хүртэлх хугацаанд худалдан авалт хийж И-баримт системд бүртгүүлсэн НӨАТ-ын төлбөрийн баримтууд хамрагдана.

Иймд иргэдийг дээрх хугацаанд худалдан авалт хийсэн цахим төлбөрийн баримтаа өнөөдөр, хоёрдугаар сарын 19-ний өдрийн 23 цаг 59 минутаас өмнө Цахим төлбөрийн баримтын системд бүртгүүлэхийг Татварын байгууллагаас мэдээлж байна. Ингэснээр НӨАТ-ын урамшууллын сугалаанд хамрагдан азтан болох боломжтой юм. Энэ удаагийн сугалааны тохирлын супер азын шагнал нь 10 сая төгрөг юм.

Чингэлтэй дүүргийн Засаг дарга 2022 оны хоёрдугаар сарын 15 өдөр дүүргийн нутаг дэвсгэрт орон сууцны цахилгаан шатуудад үзлэг, шалгалт хийх захирамж гаргасан.

Уг захирамжийн хүрээнд 5 дугаар хорооны 6 СӨХ-ны 13 байрны 21 цахилгаан шат, СӨХ-гүй 2 байрны 2 цахилгаан шатанд үзлэг шалгалт хийл

Дээрх үзлэг, шалгалтын хүрээнд ачааны хоёр цахилгаан шат ажиллагаагүй, хүн тээврийн нэг цахилгаан шатны сальник гоожсон тул ажиллагааг зогсоосон байна.

Мөн дөрвөн цахилгаан шат магадлал хийгдээгүй байсныг “Улаанбаатар лифт” ОНӨТҮГ-т мэдэгдэж магадлал хийлгэхээр болжээ.

Мөн нийслэлийн Мэргэжлийн хяналтын газраас гаргасан урьдчилан сэргийлэх зөвлөмжийг СӨХ-үүдэд тараан, аюулгүйн санамжийг цахилгаан шат бүрд наан байршуулж, иргэдэд зөвлөгөө, мэдээллийг хүргэж байна.

НҮБ-ын Боловсрол, шинжлэх ухаан, соёлын байгууллага ЮНЕСКО энэ сарын 28-ны өдөр Байгаль нуурын экологийн байдалд үнэлгээ хийхээр бэлтгэж байна. Ингэхдээ Олон улсын байгаль хамгаалах холбоотой хамтарна гэж “Тасс” агентлаг мэдээлж байна.