Бүгд Найрамдах Турк Улсаас Монгол Улсад суугаа Онц бөгөөд бүрэн эрхт элчин сайд Зафер Атешийг Боловсрол, шинжлэх ухааны сайд Л.Энх-Амгалан хүлээн авч уулзлаа.

“Дээд боловсролын салбарт хамтран ажиллах тухай” Монгол Улсын Боловсрол, шинжлэх ухааны яам, Бүгд Найрамдах Турк Улсын Дээд боловсролын зөвлөл хоорондын харилцан ойлголцлын санамж бичиг байгуулсан. Энэхүү санамж бичгийн дүнд дээд боловсролын салбарт ахицтай үр дүн гарна гэдэгт итгэлтэй байгаагаа Боловсрол, шинжлэх ухааны сайд илэрхийллээ.

Турк Улсын Засгийн газрын тэтгэлгээр жил бүр Монгол Улсаас оюутан суралцдаг. Энэ тоог цаашид нэмэгдүүлэх хүсэлтэй байгаагаа уулзалтын эхэнд Боловсрол, шинжлэх ухааны сайд илэрхийллээ.

Мөн энэ хичээлийн жилээс эхлэн ЕБС-уудад ажиллуулж байгаа сэтгэл зүйчийн өрөөг сургууль бүрд байгуулахад дэмжлэг үзүүлэхийг хүслээ.

Монгол болон БНТУ хооронд сүүлийн жилүүдэд боловсрол, шинжлэх ухааны салбарт хамтын ажиллагаа өргөжин тэлж байна.

Тодруулбал:

• Налайх дүүргийн МСҮТ-ийн гагнуурын анги байгуулах
• Мал аж ахуй, Биотехнологийн сургуульд хэрэгжүүлсэн “Малын уурагт тэжээл тариалах, тэжээл үйлдвэрлэх” төсөл
• Төв аймгийн Эрдэнэ сумын бага сургуулийн анги танхимыг тохижуулж, Техник, технологийн политехникийн коллежийн хоол, нарийн боов үйлдвэрлэлийн дадлагын газар, сургалтын орчны үйл ажиллагааг сайжруулах төсөл,
• ШУТИС-ийн БуХС-ийн дэргэд “3 хэмжээст мэдээлэлзүй дизайн”-ы лаборатори байгуулах төсөл,
• МУИС-ийн Хэрэглээний шинжлэх ухаан, инженерчлэлийн сургуульд Цахилгаан соронзонгийн лабораторид шаардлагатай тоног төхөөрөмж нийлүүлэх төсөл зэрэг хөтөлбөрүүдийг тус тус хэрэгжүүлжээ.

Тэд цагдаагийн албан хаагчдын цалинг нэмэх, илүү цагийн хөлс тооцох, нийгмийн асуудлыг шийдэх, тэр дундаа орон сууцны хөнгөлөлттэй хөтөлбөрт хамруулах, ажлын байрны ачааллыг тэнцвэржүүлэх хэрэгцээ, шаардлага байгааг уламжилсан байна.

Уулзалтын үеэр Хууль зүй дотоод хэргийн сайд “Эдгээр асуудал бодит амьдрал, ялангуяа хуулийн байгууллагын алба хаагчдын гэр бүл бүрд тулгардаг бэрхшээл, нэмэлт хачиргүй үнэн. Цагдаа ачаалалтай, хүнд нөхцөлд ажиллаж байгаа нь үнэн. Цагдаа нарын үүрэг оролцоо аливаа ажилд ямар түвшинд байдгийг бид бүгдээрээ цар тахлын дэглэмийн үед харсан.

Тиймээс ХЗДХЯ өнгөрсөн жил гаруйн хугацаанд хангамж, ажлын орчныг сайжруулахад багагүй анхаарч ажиллалаа. Цаашдаа төлөвлөсөн ажлуудаа үргэлжлүүлнэ.

Тухайлбал, ирэх жилүүдэд цагдаагийн алба хаагчийн ажлын орчин нөхцөл, өмсөж буй хувцас, хэрэгслийн чанарыг сайжруулах, орон сууцны төсөл хөтөлбөрт хамруулах гээд цөөнгүй арга хэмжээ төлөвлөснөө танилцуулж, ярилцлаа. Группийн төлөөлөл гишүүдийнхээ санал хүсэлтийг бичгээр өгөхөөр болсон, бид судална, бодит ажил болгоно” гэдгээ мэдэгджээ.

Монгол Улсын Ерөнхийлөгч У.Хүрэлсүхийн санаачилгын дагуу 2022 оны хоёрдугаар сарын 23-24-ний өдөр Хөвсгөл нуурыг хамгаалах үндэсний чуулган Төрийн ордонд болох гэж байна.

Эхний өдрийн салбар хуралдаануудаар “Хөвсгөл нуурын экосистемийн хамгаалал”, “Хөвсгөл нуурыг тогтвортой аялал жуулчлалын бүс болгон хөгжүүлэх”, “Хөвсгөл нуурын усны бохирдол, чанарын асуудал”, “Хөвсгөл нуурт живсэн машин, техникийг татан гаргах ажиллагаа” сэдвээр илтгэл сонсох юм. Чуулганы хоёрдахь өдөр дээрх сэдвүүдээр нэгдсэн хуралдаан болж, хэлэлцүүлэг өрнүүлэн зөвлөмж гаргана.

Хөвсгөл нуурыг хамгаалах үүднээс 2022-2024 онд эрэг орчимд нь аялал жуулчлалын зориулалтаар шинээр газар олгохгүй байх, хур хогийг цэвэрлэх, хөрсний бохирдлын эх үүсвэр болсон нүхэн жорлонг устгах, хориглох, живсэн машин, техникийг бүрэн татаж гаргах, Усны чанарын лабораторийг шинэчлэх, Судалгаа-шинжилгээний төв байгуулах, аялал жуулчлалын бүс нутаг болгон хөгжүүлэх хөтөлбөр хэрэгжүүлэх зэрэг цогц ажил хийхээр төлөвлөж байна.

Үндэсний чуулганыг Монгол Улсын Ерөнхийлөгчийн Тамгын газар, Байгаль орчин, аялал жуулчлалын яам хамтран зохион байгуулна.

“Усны төлөө иргэдийн нэгдэл” ТББ-аас “Дэлхийн усны өдрийг тэмдэглэн өнгөрүүлэх тухай болон Монгол усны нөөцийн хомсдолд орсон тухай” сэдвээр мэдээлж байна.

“Усны төлөө иргэдийн нэгдэл” ТББ-ыг үүсгэн байгуулагч Батбаяр:

-УСУГ 12 мянган худгаас ус татдаг. Хоёр литр ус хэрэглэх боломж байхад бид гурван литрийг хэрэглэж байна. Бид усны нөөцийн хомстолд орсноо дэлхий дахинд зарлах цаг ирлээ. Үүнээс гарах арга замыг ярилцах хэрэгтэй боллоо.

Би УСУГ-т ажиллаж байсан. Нэг үеэ бодвол би усаа хэмнэж байна. Гэвч ус дахин ашиглалт их бага байна. Мянганы сорилтын сангийн төслөөр ус дахин ашиглах үйлдвэр барьж байна. Гэвч энэ төсөл усны хомстлыг шийдэхгүй. Туул голд 2008 оноос хойш жил бүр шахуу ширгэдэг, тасалддаг боллоо. Учир нь өвөл бид газар доорх усыг нь ховх сордгоос Туул гол тасалддаг. Туул гол газар доорх усаа нөхөж чадахгүй байгаа тул энэ голд далан барьж, усны нөөцөө бүрдүүлэх цаг болсон. Ямар нэг бизнес хийхэд мөнгө хэрэгтэй болдог. Тэд банкнаас мөнгө авдаг шиг ямар ч улсад ус хамгийн чухал нөөц юм. Усны талаар нэгдсэн ойлголтод хүрье.

“Усны төлөөх иргэдийн нэгдэл” хүн бүрд нээлттэй. Бид олон үйл ажиллагаа явуулна.

Лас Вегас хотыг хүн бүр мэднэ. Энэ хотыг бий болгохын тулд 1931-36 оны хооронд, их хямралын үеэр тухайн үеийн АНУ-ын Ерөнхийлөгч байсан Хуверийн нэрээр нэрлэсэн маш том далан барьсан юм. дараа нь олон хотыг барьсан. Хувер Ерөнхийлөгч нэрээ дэлхийн түүхэд нэрээ үлдээжээ.

Одоо бид эх орондоо манлайлах хэрэгтэй байна.

Миний хэлсэн тоо баримтууд санаа зовох хэмжээний биш шөнө унтаж чадахааргүй хэмжээний чухал юм шүү.

Дэлхийн усны өдрийг энэ жил газар доорх ус буюу харагдахгүй зүйлийг харагддаг болтол нь ажиллая гэсэн уриатай тэмдэглэнэ. Усыг ашиглагч л хамгаалж чадна.

Би энэ салбарт арваад жил ажиллаж байна. Манай улсын арваад голд далан барих боломжтойг судлаачид хэлдэг. Алтай хот хамгийн муу устай байсан бол одоо хамгийн цэнгэг ус уудаг болсон. Яг ийм шийдлээр Орхон, Эг, Сэлэнгэ мөрөн, Туул, хэрлэн, Булган, Ховд, Шишгэт, Байдраг голуудад далан барьж болно. Манлайлал дутуу байгаа тул одоо энэ ажлыг зоригтой хийх цаг ирлээ. УСУГ манлайлж чадахгүй байна. Далан барихад их хэмжээний хөрөнгө хэрэгтэй.

Усны үнэ нэмэгдээгүй. Харин усны үйлчилгээний үнийг л нэмсэн. Бид усаа үнэгүй ашигласаар байна. Орон сууцанд амьдардаг иргэдийн усны үйлчилгээний төлбөрийг нэмэх нь зөв. Харин гэр хорооллын иргэд орон сууцанд амьдардаг иргэдээс хамаагүй бага ус ашигладаг. Уул уурхайн компаниудын усны төлбөрийг нэмэх ёстой. Хэн хамгийн их ус ашиглаж байна, тэд илүү өндөр үнэ төлөх ёстой.