Засгийн газрын өнөөдрийн ээлжит бус хуралдааны дараа ГХЯ-ны Консулын захирлын үүрэг гүйцэтгэгч Б.Болд цаг үеийн асуудлаар мэдээлэл өгсөн юм.

Тэрбээр “Укриан улсад байгаа оюутнуудаас ГХЯ-нд гомдол гаргасан тохиолдол байхгүй. Украинд байгаа дөрвөн оюутны ар гэрээс ирж уулзаж, хүүхдүүдийг хэрхэн татах талаар мэдээлэл авсан.

Бид асуудлыг сарын өмнөөс ярьж эхэлсэн. Тухайн үед оюутнууд “тусгай үүргийн онгоц явуулахгүй юм уу” гэсэн асуудлыг тавьж байсан бөгөөд бид тэр үед нөхцөл байдал хэвийн байсан тул тусгай үүргийн нислэг хийх нөхцөл бүрдээгүй байгааг хэлсэн. Боломжтой бол өөрсдөө эцэг, эхтэйгээ зөвлөөд эх орондоо ирэх зөвлөгөөг өгсөн.

Бидний өгсөн зөвлөгөөг дагаад одоогоор 41 оюутан эх орондоо ирсэн байна. Нөхцөл байдал маш хурдтай өөрчлөгдөж байгаа бөгөөд таамаглахад хэцүү байна.

Тухайлбал, өчигдөр Гадаад харилцааны дэд сайд болон миний бие тус улсад байгаа оюутнуудтай холбогдоход “Гол нь сургуулийн асуудлыг шийдвэл нутаг буцахад бэлэн байна” гэсэн хариултыг өгч байсан юм. Иймд бид өнөөдрөөс сургуулиудад оюутнуудыг чөлөөлж өгөөч гэсэн бичиг явуулах тохиролцоонд хүрээд ажиллаж байтал Украины цагаар үүрээс эхлээд асуудал хүндэрлээ.

Оюутнууд гомдол гаргасан гэсэн баримттай зүйл байгаа бол ГХЯ-ны Консулын газарт хандаж болно. Энэ асуудлыг бид шийдэх чиглэлээр ажиллахад бэлэн байна.

Тодруулбал, ГХЯ-ны Консулын газрын шуурхай 83042222, 70082222 дугаараар холбогдох боломжтой.

Гол нь хэлний бэлтгэлийн болон дөрөвдүгээр курсийн оюутнуудад буцах зөвшөөрөл өгөхгүй байсан тул өнөөдрөөс эхлэн бичиг явуулахаар төлөвлөсөн байсан. Яг одоо тус улсад 27 оюутан байгаа. Үүнээс

• Киевд 9,
• Харьковд-15,
• Кривой Рогт-2,
• Львовд -1 оюутан байгаа.

Бид энэ сарын 26, 27-нд 21 оюутны тийзийг захиалж, Истанбулаар дамжуулан авчрахаар төлөвлөж байсан ч өнөөдөр ийм асуудал үүсэж, Украины бүх нислэгүүд зогссон. Хэрэв асуудал нааштайгаар шийдэгдэж, 26, 27-нд агаарын хил нь нээгдвэл оюутнуудаа авчрах боломж бүрдэнэ.

Хэрэв агаарын хил нээгдэхгүй бол Польш, Чех эсвэл Унгар улс хүртэл авто замаар дамжин тэндээс нислэг хийх төлөвлөгөөтэй ажиллаж байна.

Украины бүх хот гарах замыг хаасан гэсэн мэдээлэл байна. Харьков хотод байгаа оюутнууд сургуулийнхаа хонгилын хэсэгт буюу хорогдох байранд байгаа харин Кеивд байгаа оюутнууд дотуур байрандаа байрлаж буй гэх мэдээлэл байна” хэмээн ярив.

Уулзалтын эхэнд Хотын дарга Д.Сумъяабазар Элчин сайдаар томилогдсон сайд Дмитрий Николаевич Гореликт баяр хүргэв. Мөн “Энэ жил Монгол Улс, Беларусь улсын хооронд дипломат харилцаа тогтоосны 30 жилийн ой тохиож буй. Цаашид хоёр улсын хотууд хоорондын харилцаа, хамтын ажиллагааг бэхжүүлэхийг зорьж байна” хэмээв.

Мөн Беларусь Улсын “Могилёвлифтмаш” компанитай цахилгаан шат нийлүүлэх гэрээний төсөл болон түүний тусгайлсан зээлийн хэлэлцээрийн төслийг яаралтай боловсруулан баталгаажуулж, цахилгаан шатыг шинэчлэх ажлыг шуурхай эхлүүлэх саналтай байгаагаа илэрхийлсэн юм.

Түүнчлэн Беларусь Улсад үйлдвэрлэсэн цахилгаан автобус болон замын цэвэрлэгээ, арчилгааны машин, техник нийлүүлэхэд хамтран ажиллах хүсэлтэй байгаагаа илэрхийллээ. Тэрбээр мөн “Худалдаа, эдийн засаг, шинжлэх ухаан, техникийн хамтын ажиллагааны Монгол, Беларусийн Засгийн газар хоорондын хамтарсан комиссын зургадугаар хуралдаанаар энэ талаар амжилттай хэлэлцэнэ гэдэгт итгэлтэй байна” хэмээв.

Шадар сайд С.Амарсайханаар ахлуулсан Боомтын үйл ажиллагааг сайжруулах ажлын хэсгийнхэн өнөөдөр цахимаар хуралдлаа.

Замын-Үүдийн хилээр өдөрт 60-70 чингэлэг тээвэр, 10-20 тээврийн хэрэгсэл орж ирж байгаа талаар ЗТХЯ-ны дэд сайд Ж.Бат-Эрдэнэ мэдээллээ.

Бүтээн байгуулалтын улирал эхэлж буйтай холбоотой барилгын материал багагүй хэмжээгээр орж ирж байгаа ч чингэлэг тээвэрт багтахгүй, овор хэмжээтэй барилгын материал, тоног төхөөрөмж, төмөр хийц бүтээц хилээр нэвтэрч чадахгүй байгааг Барилга хот байгуулалтын яамны Барилгын материал үйлдвэрлэлийн хэлтсийн дарга Д.Батзориг уламжлав.

Харин барилгын материалын чингэлэгт багтахгүй, овор ихтэй ачааг хуучнаараа буюу задгай вагоноор ачих саналыг БНХАУ-ын талд хүргүүлээд байгаа талаар Эрээн хотын Консулын газраас мэдээлсэн байна.

Шадар сайд ачаа тээврийн нийлүүлэлтийг тасалдалгүй зохион байгуулахад анхаарч, үнийн тогтвортой байдлыг хангах, ялангуяа барилгын материалын үнийн өсөлтийг барих тал дээр анхаарч ажиллахыг холбогдох гишүүдэд үүрэг болгов.

Монгол Улсын Ерөнхийлөгч У.Хүрэлсүх захирамж гаргаж Байгаль орчин, ногоон хөгжлийн бодлогын зөвлөхөөр Н.Батхүүг томиллоо.

Ням-Осорын Батхүү нь

• 1979-1989 онд Хэнтий аймгийн Өндөрхаан хотын 1 дүгээр сургууль,
• 1989-1995 онд МУИС-ийг Ой зүйч мэргэжлээр төгссөн.
• 1995-1997 онд МУИС-д Ой судлалын ухааны магистрын зэрэг,
• 2009 онд БHСУ-ын Сөүлийн үндэсний их сургуульд Ой, хүрээлэн буй орчин судлалын ухааны докторын зэрэг хамгаалсан. МУИС-ийн профессор

Ажилласан байдал:

• 1997-2008 онд МУИС-ийн Биологийн факультетийн Ой судлалын тэнхимийн багш, ахлах багш,
• 2001-2002 онд Япон Улсын Ибараки мужийн Ой судлалын хүрээлэнд зочин судлаач,
• 2003-2004 онд Оросын Шинжлэх ухааны академийн Алс Дорнодын салбарт зочин судлаач,
• 2008-2010 онд МУИС-ийн Биологийн факультетийн Ой судлалын тэнхимийн дэд профессор,
• 2010-2013 онд МУИС-ийн Биологи, биотехнологийн сургуулийн захирал,
• 2013-2021 онд МУИС-ийн Хэрэглээний шинжлэх ухаан, инженерчлэлийн сургуулийн Хүрээлэн буй орчин, ойн инженерчлэлийн тэнхимийн профессор,
• 2017-2018 онд БНСУ-ын Сөүлийн үндэсний их сургуульд зочин судлаач,
• 2021-2022 онд МУИС-ийн Эрдэм шинжилгээ, хамтын ажиллагаа хариуцсан дэд захирал

Бүтээлийн жагсаалт:

• Олон улсын импакт фактор бүхий эрдэм шинжилгээний сэтгүүлд хэвлүүлсэн өгүүлэл 25,
• Дотоодын эрдэм шинжилгээний сэтгүүлд хэвлүүлсэн өгүүлэл 19,
• Олон улсын эрдэм шинжилгээний хурлын илтгэл 60,
• Удирдаж хэрэгжүүлсэн төсөл, хөтөлбөр 23,
• Ном, нэг сэдэвт бүтээл 11