Month: February 2022

XVII Жарны “Буян үйлдэгч” хэмээх усан бар жилийн Сар шинийн баярын өдрийг тохиолдуулан соёл урлагийн салбарт олон жил үр бүтээлтэй ажиллаж, хөдөлмөрлөсөн эрхмүүдэд Монгол Улсын Ерөнхийлөгчийн зарлигаар Төрийн дээд цол, одон медаль болон Засгийн газрын шагнал гардууллаа.

Монгол улсын УРЛАГИЙН ГАВЬЯАТ ЗҮТГЭЛТЭН ЦОЛООР:

Гомбын Эрдэнэбаатар– Улсын Дуурь бүжгийн эрдмийн театрт 38 жил ажиллаж буй, Улсын дуурь бүжгийн эрдмийн театрын ерөнхий найруулагч

Монгол улсын ГАВЬЯАТ жүжигчин ЦОЛООР:

Баасанхүүгийн Батмэнд- Үндэсний урлагийн их театрт 24 жил ажиллаж байгаа Үндэсний урлагийн их театрын гоцлол дуучин, уртын дуучин

ХӨДӨЛМӨРИЙН ГАВЬЯАНЫ УЛААН ТУГИЙН ОДОНГООР:

Загаржавын Баянзул –Соёл урлагийн салбарт 30 жил, Соёлын яамд 21 дэх жилдээ ажиллаж, соёлын салбарын эрх зүйг хөгжүүлэх, хүний нөөцийг чадавхжуулах, салбарын стратеги бодлого төлөвлөлтийг сайжруулах үйлсэд өндөр хувь нэмэр оруулан ажиллаж буй Соёлын яамны Стратеги, бодлого төлөвлөлтийн газрын Салбарын нэгдсэн бодлого, төлөвлөлт хариуцсан ахлах шинжээч

АЛТАН ГАДАС ОДОНГООР:

• Гүндсамбуугийн Энх-Амгалан -Циркийн акробатын тэнцвэрийн жүжигчин
• Равдангийн Батболд -Говьсүмбэр аймгийн Боржигон чуулгын гоцлол дуучин,
• Чантуугийн Алтантүлхүүр -Чөлөөт уран бүтээлч, дуучин

ХӨДӨЛМӨРИЙН ХҮНДЭТ МЕДАЛИАР:

• Дашноров Эрдэнэ-Очир Дуурь бүжгийн эрдмийн театрын дуурийн дуулаач
• Баянжаргал Хилчинбаатар Дуурь бүжгийн эрдмийн театрын хөгжимчин
• Эрдэнэбат Эрдэнэжаргал Дуурь бүжгийн эрдмийн театрын балетын жүжигчин
• Даваасүрэн Энхбаатар Дуурь бүжгийн эрдмийн театрын гэрлийн найруулагч
• Цэвээндорж Эгиймаа Чингис хааны өв, соёлын хүрээлэнгийн түүхч
• Сүх Даариймаа Чингис хааны өв, соёлын хүрээлэнгийн эдийн засагч
• Чойжилсүрэн Бямбажав Монгол Улсын Үндэсний номын сангийн номын санч
• Чигсэм Туулцэцэг Монголын Үндэсний Музейн Эрдэм шинжилгээний ажилтан
• Батжаргал Ууганбаяр Монголын Үндэсний Музейн Сан хөмрөгч
• Дамдинпүрэв Шинэбаатар Монголын Үндэсний Музейн үзмэр харгалзагч
• Бямба Отгонбаяр Монголын Үндэсний Музейн үзмэр харгалзагч
• Жанчив Од Монголын Үндэсний Музейн дохиолол хамгаалалтын ахлах ажилтан

“СОЁЛЫН ТЭРГҮҮНИЙ АЖИЛТАН” ХҮНДЭТ ТЭМДГЭЭР:

• Лхамсүрэнгийн Болор-Эрдэнэ Хилийн цэргийн дуу бүжгийн чуулгын дуучин
• Жанчивын Эрдэнэцэцэг Чөлөөт уран бүтээлч

БҮРТГЭЛ, СТАТИСТИКИЙН ТЭРГҮҮНИЙ АЖИЛТАН ТЭМДГЭЭР:

• Цадмидын Мягмарсүрэн Соёлын яамны Мэдээллийн технологи, статистикийн хэлтийн салбарын статистик мэдээлэл, дүн шинжилгээ хариуцсан мэргэжилтэн

СОЁЛЫН ЯАМНЫ “ЖУУХ БИЧИГ”-ЭЭР

• Шижирбаатар Дэлгэрмаа Соёлын яамны Санхүү, хөрөнгө оруулалтын газрын ахлах мэргэжилтэн

Коронавируст халдварын цар тахлын нөхцөл байдал, хийж хэрэгжүүлж байгаа хариу арга хэмжээний талаар Монгол Улсын Шадар сайд С.Амарсайхан Засгийн газрын хуралдаанд танилцууллаа.

Сүүлийн өдрүүдэд хүүхдийн өвчлөл нэмэгдэж байна. Нийт тохиолдлын 20 орчим хувийг хүүхдийн өвчлөл эзэлж байсан бол 22 хувь болсон байна. 2022 оны нэгдүгээр сарын 30-ны байдлаар 2153 хүүхэд эмнэлэт хэвтэн эмчлүүлж байна.

Нийт хүн амын 31, зорилтод бүлгийн иргэдийн 52,3 хувь нь гуравдугаар тунд хамрагдаад байна. Дорнод, Хөвсгөл, Говьсүмбэр аймагт дархлаажуулалт 43-49 хувьтай байна. Бусад аймгуудад зорилтод бүлгийн иргэдийн вакцинд хамрагдалт 55-аас дээш хувьтай байна. Дөрөвдүгээр тунд 80 мянган иргэн хамрагджээ.

Коронавируст халдварыг илрүүлэх шинжилгээний эерэг эзлэх хувь 29,5 хувь болж, халдварын тархалт өндөр байгаа тул буй тул ард иргэд халдвар хамгааллын дэглэмээ үргэлжлүүлэн баримталж, гэр гэртээ шинэлэхийг Монгол Улсын Засгийн газар, Улсын онцгой комиссоос уриалж байгаа юм.

Монголын цагаан сар, Хятадын хаврын баярыг тохиолдуулан 2022 оны хоёрдугаар сарын 1-4-нд Эрээн, Замын-Үүдийн хилийн боомтыг дөрвөн өдөр хааж, хоёрдугаар сарын 5-нд нээнэ.

Энэ хугацаанд Замын-Үүд боомтод цар тахлаас урьдчилан сэргийлэх, халдвар хамгаалал, тусгаарлалтын дэглэмийг сахиулах, чингэлэг тээврийн хэрэгсэл, техник тоног төхөөрөмжүүдийн бэлэн байдлыг хангуулах, тусгаарлалтын дэглэм, нийтийн хэв журмыг сахиулан ажиллана.

Замын-Үүд-Эрээн боомтоор 2022 оны нэгдүгээр сарын сүүлийн долоо хоногт 325 чингэлгээр 4387 тн ачаа татан авчээ. Чингэлэг тээвэрлэлт эхэлснээс хойшхи хугацаанд буюу 2022 оны нэгдүгээр сарын 11-31-ний байдлаар 814 тээврийн хэрэгслээр 1036 чингэлгээр 16 280 тн ачаа татаж аваад байна.

Өвөрхангай аймаг дахь цагдаагийн газраас энэ оны эхний нэг сарын байдлаар замын хяналт шалгалтаар согтуугаар тээврийн хэрэгсэл жолоодсон 142 жолоочийн зөрчлийг илрүүлж, учирч болзошгүй эрсдэлээс урьдчилан сэргийлэн ажиллав.

Зөрчил гаргасан 87 жолоочийн тээврийн хэрэгсэл жолоодох эрхийг хасаж, 55 жолоочид Эрүүгийн хэргийн анхан шатны шүүхээр 7-30 хоногийн хугацаагаар баривчлах шийтгэл оноожээ.

Харин он гарсаар зам тээврийн осол, хэргийн 6 гэмт хэрэг бүртгэгдэж, урьд оны мөн үеэс 50.0 хувиар өссөн байна. Зам тээврийн осол гарах гол шалтгаан согтууруулан ундааны зүйл хэрэглэсэн үедээ тээврийн хэрэгсэл жолоодсон, хурд хэтрүүлснээс буюу хувь хүнээс шууд хамааралтай байна.

Тухайлбал, нэгдүгээр сарын 30-ний өдрийн 19:00 цагийн үед иргэн Д согтууруулах ундааны зүйл хэрэглэсэн үедээ тээврийн хэрэгсэл жолоодож явахдаа урд явсан тээврийн хэрэгслийг мөргөж, өөрийн болон бусдын эрүүл мэнд, эд хөрөнгөнд хохирол учруулсан.

Иймд жолооч та согтууруулах ундааны зүйл хэрэглэсэн бол жолооны ард суухгүй байж, өөрийн болон бусдын амь нас, эрүүл мэндийг хамгаалж аюулгүй байдлыг ханган, замын хөдөлгөөнд оролцохыг уриалж байна.