Month: February 2022

Нийтлэлийн зохиогчид эдийн засгийн арга хэмжээний талаар санал бодлоо илэрхийлж, урьд өмнө эдийн засгийн эсрэг чиглэсэн ийм өргөн хүрээтэй хязгаарлалт хийхийг аль ч улс орон оролдож байгаагүй гэдгийг онцолжээ.

АНУ-ын авч хэрэгжүүлж буй эл арга хэмжээ нь өндөр хөгжилтэй улс орнуудын, ялангуяа Европын Холбооны орнуудын эдийн засагт эмх замбараагүй байдлыг бий болгож, цаашлаад дэлхийн санхүүгийн системийг тогтворгүй болгон ганхуулахад хүргэнэ хэмээн бичжээ.

Улс төрийн болон эдийн засгийн шинжээчид АНУ хориг арга хэмжээ авахад Москва зүгээр хараад суухгүй нь мэдээж тул тохирох хариу арга хэмжээ авах нь гарцаагүй учир дэлхийн санхүү, зах зээлд том савлалт үүснэ хэмээн дүгнэж эхэллээ.

Тээврийн цагдаагийн албаны Жижүүрийн шуурхай удирдлагын хэлтэст сар шинийн нэгний өдөр буюу өчигдөр/2021.02.02/ нийт ослын шинжтэй 230 дуудлага мэдээлэл ирсэн бөгөөд гудамж замын хяналт шалгалтаар нийслэд хотод согтуугаар тээврийн хэрэгсэл жолоодсон 24, орон нутгийн замд 34, улсын хэмжээнд нийт 58 зөрчлийг илрүүлсэн байна. Мөн өчигдөр шалган нэвтрүүлэх цэгийн долоон цэгээр Улаанбаатар хот руу нийт 6,575 тээврийн хэрэгсэлтэй 17,390 иргэн орж, 11,792 тээврийн хэрэгсэлтэй 31,093 хүн гарчээ.

Хоногийн хугацаанд зам тээврийн ослын улмаас хүний амь нас хохирсон дуудлага мэдээлэл бүртгэгдээгүй байна.

Сар шинийн баярын өдрүүдэд иргэд орон нутаг руу зорьж байгаа хөдөлгөөн нэмэгдсэнтэй холбоотойгоор тээврийн хэрэгслийн хурдыг зам орчныхоо нөхцөлд тохируулж явах, гүйцэж түрүүлэх үйлдэл хориглосон нөхцөл байдалд хийхгүй байх, архи согтууруулах ундааны зүйл хэрэглэсэн бол автомашины жолооны ард суухгүй байхыг Тээврийн цагдаагийн албанаас анхаарууллаа.

XVII жарны “Сайжруулагч” хэмээх усан бар жилийн шинийн 1-нд иргэд баяраа хэрхэн тэмдэглэснийг судалгаа явуулж, тодруулжээ.

Энэ хүрээнд судалгаанд оролцогчдоос “Хөөрөглөх саналд татгалзсан хариу өгсөн үү?” гэсэн асуулт асуусан байна.. Хөөрөглөх нь вирусийн халдвар дамжих үндсэн нөхцөл болно гэдгийг мэргэжлийн хүмүүс анхааруулаад буй.

Тэгвэл судалгаанд оролцогчдын 25 хувь нь тийм, 75 хувь нь үгүй гэж хариулжээ.

Бээжингийн Өвлийн Олимпын наадмыг зохион байгуулахад нийт 19 мянган сайн дурын ажилтан элсүүлсэн байна.

Энэ талаар олимпын наадмыг зохион байгуулах хорооны дэд ерөнхийлөгч Ян Шуань Олон улсын олимпын хорооны хуралдааны үеэр мэдээлжээ.

“Одоогоор бид өвлийн олимпын наадамд ажиллах 19 мянган сайн дурын ажилтантай байна. Тиймээс ирэх өдрүүдэд Хятадын ард түмний найрсаг занг таалан соёрхоно уу ” гэж тэрбээр хэлсэн байна.

Олимпын наадмын албан ёсны нээлт хоёрдугаар сарын 4-нд болно. Хамгийн сүүлийн мэдээллээр, нэгдүгээр сарын 23-наас хойш наадамд хүрэлцэн ирсэн тамирчид, төлөөлөгчид болон “сонирхогч бусад хүмүүсийн” дундаас 287 хүний коронавирусний шинжилгээний хариу “эерэг” гарчээ.