Month: February 2022

“Бээжин-2022” өвлийн олимпын наадам багагүй маргаан, шүүмжлэлтэй үргэлжилж байна.

Шорт-трекийн эрэгтэйчүүдийн 1000 метрийн зайн уралдаанд Унгарын тамирчин Шандор Лю Шаолин түрүүлсэн. Уралдааны дараа шүүгчид хянаж үзээд түүнийг дүрэм зөрчсөн гэж үзжээ. Түүгээр л үл барам хятад эцэгтэй, унгар эхтэй түүнийг тэмцээнээс хассан байна.

Улмаар хоёрдугаар байрт орсон, БНХАУ-ын тамирчин Жэньд алт, мөн урд хөршийн тамирчин Вэньлунд мөнгө, Шаоан Лю хүрэл медаль хүртлээ. Хүрэл медаль авсан Шаоан Лю түрүүлсэн ч тэмцээнээс хасагдсан Шандор Люгийн төрсөн дүү нь.

Шүүгчид эзэн орны тамирчдад ээлтэй хандаж, нэг талд шийдвэр гаргаж байна гэх шүүмжлэл тэмцээний улам нэмэгджээ.

“ЛэндМН ББСБ” ХК (“Компани” гэх) нь 2021 онд (Ковид-19) цар тахлаас үүдэлтэй нийгэм эдийн засгийн тодорхойгүй нөхцөл байдалд оновчтой шийдвэрийг тухай бүр гаргаж, хөрөнгө оруулагч, хувьцаа эзэмшигчийн эрсдэлийг хамгийн бага түвшинд байлгах, харилцагч нартаа уян хатан, боломжит нөхцөлийг санал болгох, системийн шинэчлэлтийг хийж, шинэ бүтээгдэхүүн гаргах дэд бүтцийг бий болгох, бизнесийг өсөлтийг хангах зэрэг шаардлагатай арга хэмжээг авч хэрэгжүүлж ажиллалаа.

Ингэснээр 2021 онд цэвэр зээлийн багц 28%-иар өсөж, компанийн цэвэр ашиг 4 тэрбум төгрөгт хүрсэн байна. Энэ нь цэвэр ашиг (Ковид-19)-ийн өмнөх үеийн түвшинд хүрч бизнес сэргэж байгааг харуулсан үзүүлэлт болжээ. 2021 оны цэвэр ашиг зорилтот түвшинд хүрсэн тул Компанийн Төлөөлөн удирдах зөвлөл (“ТУЗ” гэх) нь 2022 оны 02 сарын 07-ны өдрийн ээлжит хурлаар хувьцаа эзэмшигчдэдээ ногдол ашиг хуваарилах шийдвэр гаргалаа.

Компанийн ТУЗ-ийн шийдвэрийн дагуу “ЛэндМН ББСБ” ХК-ийн 2021 оны цэвэр ашгаас нэгж хувьцаанд 1.5 төгрөг буюу нийт 1,108,952,525.50 төгрөгийн ногдол ашгийг хувьцаа эзэмшигчдэдээ мөнгөн хэлбэрээр хуваарилахаар болсон байна. Ногдол ашиг авах эрхтэй хувьцаа эзэмшигчдийн нэрсийн жагсаалтыг 2022 оны 02 сарын 25-ны өдрөөр тасалбар болгон гаргаж, 2022 оны 04 сарын 30-ны өдрийн дотор “Үнэт цаасны төвлөрсөн хадгаламжийн төв” ТӨХХК-аар дамжуулан хувьцаа эзэмшигчдийн дансанд байршуулан олгохоор шийдвэрлэв.

Цаашид бизнесийн урт хугацааны тогтвортой өсөлтийг хангах, дэлхийд өрсөлдөх бүтээгдэхүүн үйлчилгээг бий болгох, байгууллагын хөгжлийг шинэ шатанд гаргах тал дээр хүчин чармайлт гарган ажиллаж байна.

Япон улсын Осака хотод “Монгол Улс 100 жилийн өмнөх ба одоо” нэртэй гэрэл зургийн үзэсгэлэн гарахаар болжээ. Уг үзэсгэлэнгийн талаар Гадаад харилцааны яамны хэвлэлийн төлөөлөгчөөс тодрууллаа.

Тэрбээр “Монгол-Япон улсын хооронд дипломат харилцаа тогтоосны 50 жилийн ой тохиож байна. Үүнтэй холбогдуулан “Монгол Улс 100 жилийн өмнө ба одоо” гэрэл зургийн үзэсгэлэнг дэлгэнэ. Тухайлбал, гуравдугаар сарын 17-ны өдрөөс тавдугаар сарын 31-ний өдрийг хүртэл Осака хотноо болох юм. Үзэсгэлэнд түүхэн он цагийг харуулсан гэрэл зургууд байрлана” гэлээ.

АНУ-ын Ерөнхийлөгч Жо Байден Монгол Улсын Ерөнхийлөгч У.Хүрэлсүхэд хандан хоёр улс дипломат харилцаа тогтоосны 35 жилийн ойг тохиолдуулан захидал илгээжээ.

Сар шинийн баярын өмнө ирсэн уг захидлын эхэнд АНУ нь Монгол Улсын стратегийн түнш бөгөөд гуравдагч хөрш гэдгээрээ бахархдаг хэмээн тэмдэглэжээ.

Захидалд “…Бид ирээдүйгээ төсөөлөхдөө Монгол Улсыг уур амьсгалын өөрчлөлттэй тэмцэх, дэлхий дахинаа эрүүл мэндийн аюулгүй байдлыг бэхжүүлэх, сэргээгдэх эрчим хүчийг өргөнөөр ашиглах, эдийн засгийн тогтвортой бөгөөд тэгш өсөлтийг хангахад нэн чухал түнш орон гэж үзэж байгаагаа илэрхийлье” хэмээн онцолсон байна.

Түүнчлэн Монгол Улс нь 20 гаруй жилийн олон улсын энхийг сахиулах үйл ажиллагаанд хувь нэмэр оруулж ирсэнд талархаж, “…Монгол цэргийн албан хаагчид олон улсад мэргэжлийн энхийг сахиулагчид, дайчид гэдгээрээ нэр хүндтэй болсон бөгөөд энэхүү хамтын ажиллагаагаа хамтарсан цэргийн сургууль хийх зэргээр цаашид өргөжүүлэн хөгжүүлэхийн төлөө Та бүхэнтэй хамтарч ажиллахад бэлэн байна” хэмээжээ.

Монгол цэргийн албан хаагчид мэргэжлийн энхийг сахиулагчид, дайчид гэдгээрээ олон улсад нэр хүндтэй болсон бөгөөд энэхүү хамтын ажиллагаагаа өргөжүүлэн хөгжүүлэхийн төлөө Та бүхэнтэй хамтарч ажиллахад бэлэн байна.

Мөн “АНУ-ын зүгээс Монгол Улсад 1 сая гаруй тун Файзер вакцин тусламжаар олгож, цар тахалтай тэмцэх Монгол Улсын чадавхийг дэмжих ажлын хүрээнд амьсгалын аппарат, нэг удаагийн хувийн хамгаалалтын өмсгөл хандивлах, сэхээн амьдруулах болон коронавируст халдвараас урьдчилан сэргийлэхэд зориулж олон нийттэй харилцах сургалт явуулах зэргээр нийт 8 сая гаруй ам.долларын өртөг бүхий тусламжийг үзүүлсэндээ баяртай байдаг” гэжээ.

Харин Монгол Улсын зүгээс АНУ-ын ард иргэдэд цар тахлын үед хамгаалалтын хэрэгсэл тусламжаар өгсөнд Америкийн ард түмэн талархаж байгааг илэрхийлж, эдгээр нь КОВИД-19 цар тахлын улмаас ихээхэн хэмжээний хохирол үзсэн Аризона муж дахь Навахо омгийн иргэдэд ач тустай зүйл болсон гэдгийг дурджээ.

АНУ-ын Энхтайвны корпусын 1500 орчим сайн дурын ажилтан Монгол Улсад ажилласан юм. Тэгвэл АНУ-ын Ерөнхийлөгчийн захидалд энэхүү хөтөлбөрийг ойрын хугацаанд сэргээх болно гэдгийг илэрхийлжээ.

Захидлын төгсгөлд, “Манай хоёр улсын дипломат харилцааны чухал мөчийг тэмдэглэж буй энэ үед бидний хамтын ололт, амжилтыг эргэн харахад сэтгэл хангалуун байна. Ирэх он жилүүдэд бидний харилцааг улам бүр бэхжүүлэх болно гэдэгт итгэл төгс байна” гэжээ.

Тэнгэр заяат Чингис хаан Монгол туургатныг нэгтгэж, төр улсаа төвхнүүлэн сүр хүчээ бадруулахаар мөнх тэнгэрээс илгээсэн Цэргийн хар сүлдээ бүх Монголын ард олон, цэрэг эрсийн оюун санааг нэгтгэн, зориг хүчийг бадруулагч, хандсан зүгтээ харгалдах дайсангүй болгогч шүтээн болгон тахиж, түг түмэн цэрэг, баатар эрсийнхээ манлайд залж явсны учир түүнийг өдгөө бид уламжлан авч, Монгол Улсын тусгаар тогтнолыг батлан хамгаалагч цэрэг эрсийн оройн дээд шүтээн Бүх цэргийн Их хар сүлд болгон залж, жил бүр цагаалах тайлгыг зохион байгуулдаг уламжлалтай.

Эрт цагаас нааш үеийн үед дамжин ирсэн энэхүү ёслолыг үйлдсэнээр өдгөө Батлан хамгаалах, Зэвсэгт хүчний нийт бие бүрэлдэхүүн болон тив, дэлхийд энхийг сахиулах эрхэм хүндтэй үүргийг гүйцэтгэж буй энхийг сахиулагчдынхаа үйл хэрэг, буян заяаг даатгадаг байна.

Энэхүү тайлгын ёслолд Батлан хамгаалах яам, Зэвсэгт хүчний Жанжин штабын удирдлагууд оролцжээ.