Ардчилсан намын дэд дарга Б.Гарамгайбаатар Хөгжлийн банкны зээлийн асуудлаар мэдээлэл хийлээ.

Тэрбээр “Хөгжлийн банк тойрсон асуудал сүүлийн хоногуудад ихээр яригдаж байна. АН ажлын хэсэг байгуулснаа хэлсэн. Үндсэн хуулиар бол хуулийн өмнө хүн бүр тэгш эрхтэй байх ёстой. Мөн иргэн эрх, эрх чөлөөгөө эдлэх эрхтэй.

Засгийн газар тэтгэвэр, тэтгэмж нэмэх хуулийг өргөн бариагүй УИХ ээлжит бус чуулганыг зарласан нь хууль зөрчсөн үйлдэл. Засгийн газар тэтгэвэр, тэтгэмжийг нэмэхдээ эх үүсвэрийг хаанаас олох вэ гэдэг асуудлыг хөндөж эхэлсэн. Ерөнхийдөө Хөгжлийн банкны асуудлыг улс төр рүү оруулж ирж байна гэж ойлгосон.

Ингэх нь хэнд хэрэгтэй вэ гэдгийг бодоосой. Хөгжлийн банктай холбоотой асуудлыг гүйцэтгэх захирал нь анх олон нийтэд цацсан. Гэтэл тухайн банк төлөөлөн удирдах зөвлөлтэй. Энэ зөвлөлийг Засгийн газраас томилдог бөгөөд хараат бус дөрвөн гишүүнтэй. Нийтээрээ хэлэлцсэн эсэх нь эргэлзээтэй байдлаар 26 аж ахуйн нэгжийн нэрийг зарлалаа. Нэгээс бусад нь 2017 оноос хойш зээл авсан хүмүүс байна.

Сүүлийн үед зээл, төсөл, Засгийн газрын захиалгат ажлыг хийсэн санхүүжилтийг бүгдийг нь холиод зээл гэдэг утгаар мэдээлэл цацаад эхэлсэн. Энэ нь Монгол Улсыг саарал жагсаалтад орох нөхцөл дахин бүрдүүллээ гэж үзэж байна. Эрх баригчдын бодлогогүй үйлдлээс болж эдийн засагт дахин хар толбо бий болох гэж байна.

Олон түмэнд нэр хүнд олох гэж буруу мэдээлэл цацах нь хортой. Мэдээллийн үнэн эх сурвалжийг нарийвчилж тогтоох нь чухал. Бондын зөвлөл гэж байхад ажиллаж байсан хүний хувьд дээрх асуудлыг анхааруулмаар байна.

АН-ын нэр бүхий хүмүүсийн нэр төрийг энэ үйл явдалдаа татан оролцуулж, улс төрийн зорилгоор ашиглаж байгаа бол манай нам тэдний эрх ашгийг хамгаалахын төлөө ажиллана” гэлээ.

Сар шинийн баярын өдрүүдэд ажиллах томоохон худалдаа, үйлчилгээний газруудын ажиллах цагийн хуваарийг Улаанбаатар хотын Захирагчийн ажлын албанаас хүргэж байна.

ТОМООХОН ЗАХ, ХУДАЛДААНЫ ТӨВ

ИХ ДЭЛГҮҮР, СҮЛЖЭЭ ДЭЛГҮҮРҮҮД

Улсын Их Хурлын Төсвийн байнгын хорооны хуралдаан өнөөдөр (2022.01.31) 12 цаг 08 минутад эхэлж, гурван асуудал хэлэлцэн шийдвэрлэв.

Байнгын хорооны дарга Ч.Хүрэлбаатар хэлэлцэх асуудлын дарааллыг танилцуулсны дараа Засгийн газраас 2022 оны 01 дүгээр сарын 28-ны өдөр өргөн мэдүүлсэн Монгол Улсын нэгдсэн төсвийн 2022 оны төсвийн хүрээний мэдэгдэл, 2023-2024 оны төсвийн төсөөллийн тухай хуульд өөрчлөлт оруулах тухай хуулийн төслийн анхны хэлэлцүүлгийг хийв.

Хуралдаанд Хөдөлмөр, нийгмийн хамгааллын сайд А.Ариунзаяа, Сангийн сайд Б.Жавхлан болон холбогдох яам, агентлагийн удирдах албан тушаалтнууд оролцлоо.

Хуулийн төслийн хэлэлцэх эсэхийг Улсын Их Хурлын 2022 оны 01 дүгээр сарын 31-ний өдрийн чуулганы хуралдаанаар хэлэлцээд, төслийг үзэл баримтлалын хүрээнд хэлэлцэхийг дэмжиж, анхны хэлэлцүүлэгт бэлтгүүлэхээр Төсвийн байнгын хороонд шилжүүлсэн юм.

Монгол Улсын Их Хурлын чуулганы хуралдааны дэгийн тухай хуулийн 39.10-т заасны дагуу Байнгын хороо хуулийн төслийг зүйл бүрээр нь хэлэлцлээ.

Хуулийн төсөлтэй холбогдуулан Улсын Их Хурлын гишүүн Ч.Хүрэлбаатар 2022 онд инфляцын түвшин 6.7 хувьтай байх зорилтыг хангах эсэхийг лавлахад Сангийн яамны Төрийн нарийн бичгийн дарга Ж.Ганбат хариултдаа, Улсын Их Хурлаар баталсан Төсвийн хүрээний мэдэгдэлд инфляцын түвшин 6.7 хувьтай байхаар батлагдсан зорилтыг хангаж ажиллана гэдгээ онцолсон.

Ингээд Улсын Их Хурлын гишүүн Ч.Хүрэлбаатар, Г.Амартүвшин, Д.Тогтохсүрэн, Г.Тэмүүлэн, Б.Чойжилсүрэн нарын зүгээс “хуулийн төслийн 1 дүгээр зүйлийн Эдийн засгийн үндсэн үзүүлэлтийн 7-д тусгагдсан “Нэгдсэн төсвийн хөрөнгийн зардлын хэмжээ тэрбум төгрөгөөр 2022 онд “4,906.7” гэснийг “4,809.6” гэж, Дотоодын нийт бүтээгдэхүүнд эзлэх хувь 2022 онд “10.5” гэснийг “10.3” гэж тус тус өөрчлөх зарчмын зөрүүтэй нэг санал гаргасныг хуралдаанд оролцсон гишүүдийн 75 хувь нь дэмжив.

Иймд хуулийн төслийн анхны хэлэлцүүлэг хийсэн талаарх Төсвийн байнгын хорооны санал, дүгнэлтийг Улсын Их Хурлын гишүүн Ч.Хүрэлбаатар чуулганы нэгдсэн хуралдаанд танилцуулахаар болов.

Дараа нь Засгийн газраас 2022 оны 01 дүгээр сарын 28-ны өдөр өргөн мэдүүлсэн Монгол Улсын 2022 оны төсвийн тухай хуульд өөрчлөлт оруулах тухай хуулийн төсөлтэй хамт өргөн мэдүүлсэн Коронавируст халдвар(КОВИД-19)-ын цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах тухай хуульд өөрчлөлт оруулах тухай хуулийн төслийн анхны хэлэлцүүлгийг хийлээ.

Хуралдаанаар хуулийн төслийг зүйл бүрээр нь хэлэлцсэн бөгөөд гишүүдийн зүгээс асуулт асууж, зарчмын зөрүүтэй санал гаргаагүй тул Монгол Улсын Их Хурлын чуулганы хуралдааны дэгийн тухай хуулийн 39.22-т хуулийн төслийн талаар зарчмын зөрүүтэй саналын томьёолол гараагүй бол хуулийн төслийн анхны хэлэлцүүлгийг эцэслэн батлах үе шаттай нэгтгэн явуулах горимын саналыг нэгдсэн хуралдаанд гаргаж болно гэсний дагуу Улсын Их Хурлын гишүүн Ч.Хүрэлбаатар, Г.Амартүвшин, Д.Тогтохсүрэн, Г.Тэмүүлэн, Б.Чойжилсүрэн нараас горимын санал гаргасныг хуралдаанд оролцсон гишүүдийн 71.4 хувь нь дэмжсэн.

Иймд энэ талаарх Төсвийн байнгын хорооны санал, дүгнэлтийг Улсын Их Хурлын гишүүн Ч.Хүрэлбаатар чуулганы нэгдсэн хуралдаанд танилцуулахаар тогтлоо.

Үргэлжлүүлэн Засгийн газраас 2022 оны 01 дүгээр сарын 28-ны өдөр өргөн мэдүүлсэн Монгол Улсын 2022 оны төсвийн тухай хуульд өөрчлөлт оруулах тухай, Нийгмийн даатгалын сангийн 2022 оны төсвийн тухай хуульд өөрчлөлт оруулах тухай хуулийн төслийн гурав дахь хэлэлцүүлгийг хийлээ.

Хуулийн төслийн эцсийн хувилбар болон танилцуулгатай холбогдуулан асуулт асуух гишүүн байгаагүй тул Монгол Улсын Их Хурлын чуулганы хуралдааны дэгийн тухай хуулийн 71.1.-т зааснаар хөрөнгө оруулалтын төсөл, арга хэмжээний төсөвт өртөг, санхүүжих дүн өөрчлөгдөхгүйгээр, үндсэн агуулга, зарчмыг алдагдуулахгүйгээр арга хэмжээний нэр, хүчин чадал, байршилтай холбоотой залруулга хийхтэй холбоотой Улсын Их Хурлын гишүүн Х.Баделхан, Т.Аубакир нараас гаргасан нэг саналын томьёоллоор санал хураалт явуулсан. Төслийн 1 дүгээр хавсралтын 13.1.1.238-д тусгагдсан бага сургуулийн барилга 160 суудал Баян-Өлгий, Ногооннуур сум, 2 дугаар баг төсөл арга хэмжээний “2 дугаар баг” гэснийг “6 дугаар баг” гэж өөрчлөхийг хуралдаанд оролцсон гишүүдийн 64.3 хувь нь дэмжив. Хуулийн төслүүдийн гурав дахь хэлэлцүүлэг хийсэн талаарх Байнгын хорооны санал, дүгнэлтийг Улсын Их Хурлын гишүүн Ч.Хүрэлбаатар чуулганы нэгдсэн хуралдаанд танилцуулахаар тогтлоо.

Нийслэлийн хэмжээнд нэгдүгээр сарын 24-30-ны өдрүүдэд гал түймрийн 28, аврах ажиллагааны дөрөв буюу нийт 32 дуудлага бүртгэгдсэн байна.

Алба хаагчид гал түймрийн утаажилтын бүсээс 141 иргэнийг гаргаж, гал түймрийн аюулаас 10.6 тэрбум төгрөгийн өмч хөрөнгийг авран хамгааллаа.

Он гарсаар нийслэлийн хэмжээнд 261 объектын гал түймэр, 19 аврах ажиллагааны нийт 280 удаагийн дуудлагатай байгаа нь өнгөрсөн оны мөн үетэй харьцуулахад 16.6%-аар өсжээ.

Сар шинийн баяртай холбогдуулан нийслэлийн замын хөдөлгөөнд зохицуулалт хийгдэж байгаа билээ.

Энэ долоо хоногийн Лхагва, Пүрэв, Баасан гараг нь Шинийн 1, 2, 4-ний өдөр буюу бүх нийтийн амралтын өдөр тул автомашины дугаарын хязгаарлалт үйлчлэхгүй гэдгийг Тээврийн цагдаагийн албанаас мэдээллээ.

Мөн баярын өдрүүдэд иргэд коронавирусийн халдвараас сэргийлж, гэр гэртээ тэмдэглэхийг уриалж байна.

Энэ үеэр УИХ-ын гишүүн Б.Баттөмөр: Хөгжлийн банктай холбоотой асуудлыг УИХ дээр ярьцгаая. Ийм зүйл байж болохгүй хэмээн байр сууриа илэрхийлэв.

Харин УИХ-ын дарга Г.Занданшатар УИХ дахь МАН-ын бүлгийн дарга Д.Тогтохсүрэнд парламентаас Хөгжлийн банкны асуудлыг шалгах Ажлын хэсэг гаргаж, даргаар нь УИХ-ын гишүүн Б.Баттөмөрийг томилох үүрэг чиглэл өглөө.