Month: October 2021

Замын-Үүд боомт дахь Хилийн мэргэжлийн хяналтын албаны хяналт шалгалтаар Монгол Улсын Эрүүл ахуйн тухай хуулийн 8 дугаар зүйлийн 8.3 дахь заалт, 8.5 дахь заалтуудыг тус тус зөрчин гоо сайхан, ахуйн хэрэглээний бараа, сав баглаа боодол болон хүүхдийн тоглоомыг зориулалтын бус тээврийн хэрэгслээр тээвэрлэсэн, эрүүл ахуйн шаардлага хангасан болохыг нотлох эрх бүхий байгууллагаас олгосон гэрчилээгүй, нуун дарагдуулж хууль бусаар хилээр нэвтрүүлэхийг завдсан зөрчил илэрчээ.

• 4 хайрцаг үсний маск,
• 2 хайрцаг үсний ангижруулагч
• 110 хайрцаг ариун цэврийн цаас
• үсний ангижруулагтай шампунь болон тэжээлийн тос 40 хайрцаг
• Хүүхдийн тоглоом 1.2 тн
• Сав баглаа боодол 0.1 тн
• Сүүний хайрцаг 100000 ширхэг, бөглөө 200000 ширхэг бүтээгдэхүүнийг илрүүлэн “Зөрчлийн тухай” хуулийн дагуу арга хэмжээ авч, стандартын шаардлага хангасан эсэхийг лабораторийн шинжилгээнд хамруулж ажилласан байна.

Түүнчлэн, Монгол Улын Засгийн газрын нэг удаагийн хальсан уутыг хориглох тухай 189 дүгээр тогтоолын 1 дүгээр зүйлийг зөрчсөн, лабораторийн шинжилгээгээр 0,035 мм-ээс нимгэн дүнтэй гарсан 13 шуудай нийлэг хальсан уутыг “Барааг хураах устгах” тухай актаар хураан авч Засаг даргын даргэдэх Захиргааны зөвлөлд шийдэрлүүлэхээр шилжүүлж ажилласан байна.

Хуримтлалын өдрийг угтаж Монголбанк, Хадгаламжийн Даатгалын Корпораци, ХБНГУ-ын Шпаркассэ банкны сан, Монголын Банкны Холбоо хамтран “Дэлхийн хуримтлалын өдөр 2021” аяныг “Бүгдээрээ хуримтлуулъя” уриатайгаар Төв аймгийн Зуун мод хотод эхлүүллээ. Дэлхийн хуримтлалын өдрийг 1924 оны аравдугаар сарын 31-ний өдрөөс эхлэн жил бүр дэлхий даяар тэмдэглэж ирсэн ба Монгол Улсын хувьд 2012 оноос хойш тэмдэглэж байна.

Аяны нээлтийн үеэр Монголбанкны Дэд Ерөнхийлөгч Г.Энхтайван, ХБНГУ-аас Монгол улсад суугаа Элчин сайд Ёорн Розенбэрг, Төв аймгийн засаг дарга Д.Мөнхбаатар, Монголын Банкны Холбооны Ерөнхийлөгч Б.Мэдрээ, Шпаркассэ банкны Монгол дахь сангийн суурин төлөөлөгч Маркус Лох, Хадгаламжийн даатгалын корпорацийн Гүйцэтгэх захирлын үүрэг гүйцэтгэгч С.Баатарсүрэн нар үг хэлж, Дэлхийн хуримтлалын өдөр, хуримтлалын ач холбогдол, Монгол-Германы хамтарсан төслийн үр дүн, харилцагчийн санхүүгийн боловсролыг дээшлүүлэхэд банкны үүрэг зэрэг сэдвээр мэдээлэл өглөө.

Уг аян нь аравдугаар сарын турш үргэлжилж, иргэдийн санхүүгийн боловсролыг дэмжих, хуримтлалыг хэвшил болгоход чиглэсэн олон үйл ажиллагаануудыг зохион байгуулна. Тухайлбал, хүүхэд залуучуудын дунд гар зургийн уралдаан, цахим орчин дахь тэмцээнүүдийг зохион байгуулахаас гадна сургалт, уулзалтуудыг хийж, хуримтлалын ач холбогдлыг таниулж, сурталчлах юм.

“Дэлхийн хуримтлалын өдөр 2021” нэгдсэн арга хэмжээг энэ жил аравдугаар сарын 12-нд Мандалговь хотод, аравдугаар сарын 19-нд Дархан хотод, аравдугаар сарын 21-нд Эрдэнэт хотод, аравдугаар сарын 26-нд Баруун-Урт хотод, аравдугаар сарын 30-нд Улаанбаатар хотод тус тус зохион байгуулах юм гэж Монголбанкнаас мэдээллээ.

Сайн дурын, авлагагүй, цусны донорын эгнээг өргөжүүлэх, цусны донорын үйлсийг сурталчлах, тэднийг алдаршуулж урамшуулах зорилго бүхий сар бүрийн 3-ны өдөр “Цусаа бэлэглэх өдөр”-ийг тэмдэглэдэг.

Тэгвэл энэ жил 79 дэх удаагийн арга хэмжээ маргааш буюу аравдугаар сарын 4-ний даваа гаригийн 11 цагт болно. “Цусаа бэлэглэж, цохилох зүрх бүхнийг аваръя” уриатай энэхүү арга хэмжээг зургаа дахь жилдээ зохион байгуулна. Цусны донорын эгнээнд нэгдэхийг уриалж байна гэж Цус сэлбэлт судлалын үндэсний төвөөс мэдээллээ.

Монгол Улсын хэмжээнд коронавируст халдвар (Ковид-19)-ын тохиолдлын тоо буурахгүй, эмнэлгийн тусламж, үйлчилгээ шаардлагатай өвчтөний тоо нэмэгдэж, өвчтөний биеийн байдал хүндэрсний дараа эмнэлгийн тусламж үйлчилгээ авах тохиолдол гарч байна.

Тиймээс өвчтөнийг эрт илрүүлж, зөв эрэмбэлэн ангилж, тохирсон тусламж, үйлчилгээг цаг алдалгүй үзүүлэх, эрэмбэлэн ангилалтыг хяналттай болгож, мэдээллийг цахимжуулах, коронавируст халдвартай өвчтөнийг эмнэлзүйн эрэмбийн дагуу эмнэлэгт хэвтүүлэх, эмнэлэг хооронд шилжүүлэх, орны ачааллыг зохистой хуваарилах, орны зохион байгуулалтыг нэгдсэн удирдлагаар хангах зорилгоор Эрүүл мэндийн сайдын 2021 оны есдүгээр сарын 24-ний А/595 дугаар тушаалаар “КОВИД-19” цар тахлын үеийн эмнэлгийн орны зохицуулалт хийх ажлын хэсгийг байгуулан УОК-ын Шуурхай штабын дэргэд ажиллуулж байна.

Тус ажлын хэсэгт өчигдөр буюу аравдугаар сарын 1-ний өдөр нийслэлийн хэмжээнд дүүргүүдийн тандалтын багт 324 иргэн хэвтэх хүсэлт гаргасан байна. Түүнээс тандалтын багийн үзлэг, оношлогоон дээр үндэслэн 22 эмнэлгийн 189 сул оронд хэвтэх нэн шаардлагатай маш хүнд, хүнд, хүндэвтэр иргэнийг хуваарилан тусламж үйлчилгээ үзүүлсэн байна. Түүнчлэн яаралтай тусламж шаардлагатай иргэдийг хүлээн авах сул орны нөөцийг бүрдүүлэн ажиллаж байна.

Тус ажлын хэсгийг нийслэлийн Эрүүл мэндийн газрын дарга Б.Бямбадорж ахлан ажиллаж байгаа юм гэж УОК-ын Шуурхай штабаас мэдээллээ.