Month: July 2021

2021 оны долдугаар сарын 19-нөөс долдугаар сары 26-ныг хүртэлх цаг агаарын урьдчилсан мэдээ:

Энэ 7 хоногт ихэнх нутгаар ялангуяа нутгийн өмнөд хэсгээр аагим халуун байна. Нутгийн хойд хэсгээр бороо, өмнөд хэсгээр дуу цахилгаантай аадар бороо, мөндөр орж болзошгүй тул үер усны аюулаас сэрэмжтэй байхыг анхааруулж байна.

Хур тунадас: 19-нд төвийн аймгуудын нутгийн хойд хэсгээр, 20, 23-нд нутгийн зарим газраар, 21-нд төв болон говийн аймгуудын ихэнх нутаг, зүүн аймгуудын нутгийн баруун хэсгээр, 22-нд төвийн аймгуудын нутгийн зүүн хэсэг, зүүн аймгуудын ихэнх нутаг, говийн аймгуудын нутгийн зарим газраар, 24-нд баруун болон зүүн аймгуудын нутгийн зарим газар, төв болон говийн аймгуудын ихэнх нутгаар, 25-нд ихэнх нутгаар, 26-нд төв, говь, зүүн аймгуудын ихэнх нутгаар бороо, дуу цахилгаантай аадар бороо, мөндөр орно.

Салхи: Салхи ихэнх хугацаанд секундэд 6-11 метр, борооны өмнө түр зуур ширүүснэ.

Агаарын температур: Алтай, Хангай, Хөвсгөл, Хэнтийн уулархаг нутаг, Хүрэнбэлчир орчим, Туул, Тэрэлж голын хөндийгөөр шөнөдөө 6-11 хэм, өдөртөө 19-24 хэм, говийн бүс нутгаар шөнөдөө 19-24 хэм, өдөртөө 32-37 хэм, бусад нутгаар шөнөдөө 13-18 хэм, өдөртөө 24-29 хэм дулаан байна. Хугацааны эхээр нутгийн өмнөд хэсгээр аагим халуун байна.

Монгол Улсын Засгийн газрын 2021 оны 176 дугаар тогтоолоор 2021 оны наймдугаар сарын 31-ний өдрийг дуустал Гамшгаас хамгаалах өндөржүүлсэн бэлэн байдлын зэрэгт шилжүүлсэн хугацааг сунгасан билээ.

Энэ шийдвэртэй холбоотойгоор солонгос хэлний түвшин тогтоох шалгалтад бүртгүүлсэн иргэдийн шалгалтын тов тодорхойгүй хугацаагаар хойшлогдсоныг Хөдөлмөр, халамжийн үйлчилгээний ерөнхий газраас мэдэгдлээ.

Шалгалтын тодорхой болмогц Хөдөлмөр, халамжийн үйлчилгээний ерөнхий газрын http://hudulmur-halamj.gov.mn/ вэб сайтад албан ёсоор мэдээлэх болно гэв.

Нийслэлийн ногоон бүсийн ойн сангийн ойн хөнөөлт шавж, өвчний тархалтын судалгааг 80 мянган га талбайд хийхээр болсон. Судалгааны эхний тайлангийн үр дүнд нийт 2688 га талбайн шавжийг устгаад байна.

Тодруулбал, агаарын хөлөг ашиглан микробиологийн аргаар 1938 га, механик аргаар 500 га, гэрлэн урхи тавих аргаар 250 га талбайн шавжийг устгажээ.

Ойн санд тархсан ойн хөнөөлт шавж устгах ажлын гүйцэтгэгчийг сонгон шалгаруулах нээлттэй тендерт “Сайхан ойн төлөө” ХХК шалгарсан бөгөөд ойн хөнөөлт шавжийг устгаж байна.

НӨАТ-ын 2021 оны хоёрдугаар улирлын буцаан олголтын урамшууллыг энэ сарын 20-ны дотор олгохоор баталгаажуулж байгааг ТЕГ-ын Татвар хураалтын удирдлага арга зүйн газрын Орлогын хяналт, буцаан олголтын хэлтсийн дарга Д.Тунгалаг хэллээ.

Түүнээс хэчнээн иргэн, хэдэн төгрөгийн буцаан олголт авахаар байгааг тодруулахад “Улсын хэмжээнд 1.166.80 иргэнд 45.4 тэрбум төгрөгийн буцаан олголт өгөхөөр баталгаажсан.

НӨАТ-ын буцаан олголтыг долдугаар сарын 20-ны дотор өгөхөөр хуульд заасан бөгөөд бид Төрийн сан руу шилжүүлэг хийхээр ажиллаж байна” гэлээ.

Энэ оны нэгдүгээр улиралд нийт 1.023.235 иргэнд 40.6 тэрбум төгрөгийг буцаан олгож байв.

Нэмэгдсэн өртгийн албан татвар(НӨАТ)-ын буцаан олголтыг өнгөрсөн оноос эхлэн улирал бүрд олгодог болсон. Тодруулбал, Тухайн улирлын баримтаа дараа сарынх нь 8-ны өдрийн дотор /I улирлын буцаан олголтыг дөрөвдүгээр сарын 8, II улирлын буцаан олголтыг долдугаар сарын 8, III улирлын буцаан олголтыг аравдугаар сарын 8, IV улирлын буцаан олголтыг нэгдүгээр сарын 8/ ebarimt системд бүртгүүлэн буцаан олголтоо авдаг билээ.

2021 оны долдугаар сарын 18-ны өдөр нийслэлийн хэмжээнд коронавирусийн эсрэг вакцины нэгдүгээр тунд 66 мянга, хоёрдугаар тунд 1.831 иргэн хамрагджээ.

Ингэснээр нэгдүгээр тунд хамрагдсан иргэд 1.047.746 /69.%/, хоёрдугаар тунд 925.303 /61.7%/ тус тус болж байна.

18-аас дээш насны 953.058 иргэдээс нэгдүгээр тунд 59, /үүнээс 7 жирэмсэн/, хоёрдугаар тунд 1,517 /үүнээс 41 жирэмсэн/ иргэн хамрагдсан ба өссөн дүнгээр нэгдүгээр тунд 991,966 /104.1%/ үүнээс 3,146 жирэмсэн, хоёрдугаар тунд 918,504 /96.4%/ үүнээс 745 жирэмсэн тус тус хамрагдсан байна.

12-17 насны 135,225 хүүхдээс нэгдүгээр тунд 55,780 нь хамрагдсан ба үүнээс 12-15 насны 36,443 /36.0%/, 16-17 насны 19,337 /57.1%/ хүүхэд тус тус вакцинаа хийлгэжээ.