Month: July 2021

Нэгдсэн Үндэсний Байгууллагад бүртгэлтэй 193 улс байдаг ч Токиогийн олимпод 205 орны тамирчид оролцож байна. Учир нь 1894 онд байгуулагдаж байсан Олон Улсын Олимпийн хороо нь 1945 онд байгуулагдсан НҮБ-аас эртний холбоо бөгөөд нутаг дэвсгэрийн маргаантай болон дагавар орнууд оролцож болдог их наадам юм.

Жишээ нь энэ олимпод оролцож буй

1. Америкийн Самоа (АНУ),
2. Аруба (Нидерланд),
3. Бермуда (Их Британи),
4. Кайман арлууд (Их Британи),
5. Тайвань (БНХАУ),
6. Гуам (АНУ),
7. Күүк арлууд (Шинэ Зеланд),
8. Хонконг (БНХАУ),
9. Пуэрто Рико (АНУ),
10. АНУ-ын Виржин арлууд (АНУ),
11. Британийн Виржин арлууд (Их Британи) гэсэн 10 орон нь ямар нэг улсын харьяанд буюу тухайн улсаасаа бүрэн болоод хагас хараат байдаг тусгаар муж улсууд юм.

Мөн НҮБ-д албан ёсоор бүртгэлгүй ч НҮБ-ын хараанд байдаг Израилтай хилийн маргаантай Палестин улс олимпод оролцож байна.

Допингийн хэргээс болж ОХУ-ын шигшээ баг энэ удаа олимпийн логотой далбааны дор оролцож 205 дахь орон болж байгаа бол Олимпийн дүрвэгсдийн баг нь 206 дахь далбаан дор оролцож байгаа юм.

Нийтийн тээврийн үйлчилгээний газраас энэ сарын 24, 25-ны өдрүүдэд Баруун дөрвөн замын уулзварын авто замын хучилтын ажил хийх болсонтой холбогдуулан нийтийн тээврийн гурван чиглэл түр зогсож, 20 чиглэлд маршрутын өөрчлөлт орох талаар мэдээлсэн юм. Тиймээс өөрчлөлт орж буй чиглэлүүдийн эргэлтийн урт сунгагдаж байгаа тул зорчигчдыг цагаа төлөвлөж үйлчлүүлэхийг санууллаа.

Түр зогсох гурван чиглэлд “5 шар – Ботаник”, “Ботаник – Вокзал”, “3. 4 хороолол – Офицеруудын ордон” чиглэлүүд байгаа юм.

Өөрчлөлт орж буй 20 чиглэл:

• Ч:1 “5 шар – Офицеруудын ордон” /цахилгаан/
• Ч:2 “Шархад – МУБИС – 3,4 -р хороолол”
• Ч:3 “Зүүн салаа – Халдвартын эмнэлэг”
• Ч:9 “Нисэх – Нарны гүүр – Тэнгис кинотеатр – Хүнсний 4 дэлгүүр”
• Ч:17А “Баруун 4 зам – Их тойруу – Зүүн 4 зам – Нарны зам” /их тойрог/
• Ч:17Б “Баруун 4 зам – Нарны зам – Зүүн 4 зам – Их тойруу” /их тойрог/
• Ч:21А “Булгын 19-р гудамж – Вокзал – 3,4 хороолол”
• Ч:21Б “Булгын 19-р гудамж – 3.4 хороолол – Вокзал”
• Ч:22 “Шадивлан -Бөмбөгөр – Чингис Соосэ ДС-Далангийн зам”
• Ч:27 “Вокзал – Бөмбөгөр – Өвөр согоот”
• Ч:37 “Улаанхуаран – 4 хороолол”
• Ч:40 “Мах импекс – Тэнгискинотеатр – Улаанхуаран”
• Ч:43 “Баянхошуу – Ард кинотеатр – Бөмбөгөр худалдааны төв”
• Ч:47 “Орбит – Ардкинотеатр”
• Ч:49 “1-р хороолол – Модны 2 – МУИС – Дүнжингарав худалдааны төв”
• Ч:57 “Улаанчулуут -Их наран – МУИС”
• Ч:58 “3.4 хороолол – Мишээл экспо”
• Ч:59 “ХМК-Офицеруудын ордон” /цахилгаан , их багтаамж/
• Ч:70 ТЭЦ3-Нарны гүүр-Бөмбөгөр худалдааны төв-Ард кино театр
• Ч:74 “Цагаан даваа – Гандан – Вокзал зэрэг байна.

Хот тохижилтын газар нь Улаанбаатар хотын төвийн зургаан дүүргийн нийтийн эзэмшлийн 48 гудамж байршлын 50.5 га талбайн ногоон байгууламжийн арчилгаа, нөхөн сэргээлтийн ажлыг хариуцан ажилладаг. Энэ хүрээнд Сүхбаатарын талбай болон авто замын уулзвар, аюулгүйн тойрог, хайс, хашлага, хөшөө дурсгалын орчимд гэх мэт 28 байршилд 195 мянган цэцэг, 32 байршилд 230 мянган ам метр зүлэг тариад байна.

Мөн гоёлын 20 мянган бут, 100 мянган хайлаас, 100 шинэс, 500 улиас тарилаа. Түүнчлэн Ардын хувьсгалын 100 жилийн ойг тохиолдуулан хотын өнгө үзэмжийг сайжруулах, 100 жилийн түүхийг иргэдэд сурталчлах зорилгоор өөрсдийн нөөц боломжоо ашиглан нэг наст ургамлаар шинэлэг дизайн бүхий зохиомжийг хийж байгаа юм.

Өнөөдрийн байдлаар манай улсад долоон хүн “дельта” вирусийн халдвар авчээ.

Хэрэв нийт хүн амын дунл дельта вирусийн давлагаа тархсан тохиолдолд халдварын тоо огцом нэмэгдэх эрсдэлтэй гэдгийг ХӨСҮТ-ийн дэд захирал Ж.Байгалмаа хэллээ.

“Дельта хувилбарын нууц үеийн хугацаа нь мутацид ороогүй вирусээс богиносоод ирсэн. Мутацид ороогүй вирусийн нууц үе нь 5-6 хоног бол дельта вирусийнх түүнээс бага. Түүнчлэн халдварлуулагч болон халдвар авч байгаа хүмүүст шинж тэмдэг илрэх хугацаа багасна.

Үүнээс харвал хэрвээ манай улсад дельта вирусийн давлагаа тархсан тохиолдолд халдварын тоо огцом нэмэгдэх эрсдэлтэй. Батлагдсан тохиолдол нэмэгдэх тусам эмнэлгийн үйлчилгээний асуудалд хүндрэл үүснэ. Эмнэлэгт хэвтэх шаардлагатай хүний тоо, биеийн байдал нь хүндэрсэн хүний тоо нэмэгдэнэ гэсэн үг. Үүнтэй уялдуулан эмч мэргэжилтнүүдийн хүний нөөцийн асуудал гарна” гэж хэллээ.