Month: June 2021

Монгол Улсын орчин цагийн харилцаа холбооны салбарын 100 жилийн түүхэн ойн жилд СКАЙтел группийн Гүйцэтгэх захирал Д.Нарантуяа Монгол Улсын Гавьяат Холбоочин цол тэмдгээр энгэрээ мялаалаа.

Ажил хөдөлмөрийн гараагаа жирийн инженерээр эхэлж байсан тэрбээр Монголын Цахилгаан Холбоо ХК, Дэд бүтцийн яам, Мобиком корпораци, Скайтел групп гээд Мэдээлэл, Харилцаа холбооны салбартаа 34 жил тасралтгүй тууштай ажиллаж ирсэн туршлагатай нэгэн юм.

Монгол Улс зах зээлийн тогтолцоонд шилжсэнээс хойш нийгэм эдийн засгийн хямрал, өөрчлөлтөөс үл хамааран үйлчилгээний цар хүрээг тэлж, шинэ боломж, дэвшилтэт технологиудыг нэвтрүүлж хэрэглээг либералчилсан анхны салбар бол мэдээлэл, харилцаа холбооны салбар билээ. Монгол Улсын хөгжлийн хурдасгуур дэд бүтэц болсон харилцаа холбооны салбарын хөгжил дэвшилд өөрийн мэдлэг оюун, сэтгэл зүтгэлээ шингээн, үнэтэй хувь нэмрээ оруулж байгаа СКАЙтел Группийн Гүйцэтгэх захирал Д.Нарантуяа танд цаашдын ажил, хөдөлмөрийн өндөр амжилтыг хүсэн ерөөе.

Монголын төр Харилцаа холбооны салбарын шилдэг удирдагчдийн нэг Дашийн Нарантуяад ийнхүү Монгол Улсын Гавьяат холбоочин гэдэг эрхэм дээд шагнал хүртээсэн нь инженерийн мэргэжлийг сонгон ажиллаж байгаа, цаашид ч мэдлэг оюун, хүч эрчимээ сорих, дэлхийн хөгжилтэй мөр зэрэгцэн алхах олон мянган эмэгтэйчүүдэд энэхүү шагнал урам зориг өгнө гэдэгт итгэлтэй байна.

Монгол Улсын Ерөнхийлөгчийн ээлжит сонгуулийн санал хураалт 2021 оны зургадугаар 9-ний өдөр орон даяар явагдана.

• Согтууруулах ундаагаар үйлчлэх, худалдахгүй байх
• Соёл урлаг, үзвэр, спортын зэрэг олныг хамарсан аливаа арга хэмжээг зохион байгуулахгүй байх
• Гадаа болон битүү талбайд үйл ажиллагаа явуулдаг худалдаа, үйлчилгээний төв ажиллахгүй байх зэргийг хориглосон.

Монгол Улсад орох виз нь гадаадын иргэн тус улсын хилээр нэвтрэх хүртэл 90 хоногийн хугацаанд хүчинтэй байсныг 150 хоног болгон өөрчиллөө.

Монгол Улсын визийн хүчинтэй хугацаа нь бусад улс оронтой харьцуулахад харьцангуй богино байсан бөгөөд энэ нь олон улс орноор дамжин аялал хийж байгаа болон аяллаа эртнээс төлөвлөдөг гадаад иргэдийн хувьд хүндрэл үүсгэдэг байна.

Тиймээс Гадаадын иргэний эрх зүйн байдлын тухай хуулийн нэмэлт өөрчлөлтөөр визийн хүчинтэй хугацааг уртасган 150 хоног болгон өөрчилж, олон улсын жишигт нийцүүллээ. Ийнхүү визийн хүчинтэй байх хугацааг одоо байгаагаас уртасгах нь гадаадын иргэдэд учрах хүндрэлийг бууруулах давуу талтай юм гэж Гадаадын иргэн, харьяатын газраас мэдээллээ.

Коронавируст халдварын нөхцөл байдлын талаар Эрүүл мэндийн яам ээлжит мэдээллээ хүргэж байна.

ЭМЯ-ны Хэвлэлийн төлөөлөгч Б.Ууганбаяр “Сүүлийн 24 цагт 6248 хүнд шинжилгээ хийхэд 1177 хүнээс халдвар илэрлээ.

Эдгээрийн 867 нь Улаанбаатар хотод, орон нутагт 310 байна. Ингэснээр Улсын хэмжээнд нийт батлагдсан тохиолдол 66443 боллоо.

ОРОН НУТАГТ: Орхон 50, Дархан-уул 19, Хөвсгөл 23, Булган 13, Сэлэнгэ 12, Хэнтий 20, Төв 59, Дорнод 2, Сүхбаатар 2, Говьсүмбэр 9, Дундговь 6,Өвөрхангай 9,Говь-Алтай 12, Баянхонгор 22, Архангай 29, Булган 13, Баян-Өлгий 4, Увс 11, Ховдод 8 тохиолдол бүртгэгдлээ.

Мөн хоёр иргэн нас барж, ковид шалтгаант нас баралт болж 313 байна.

• 64 настай эмэгтэй тавдугаар сарын 30-нд онош нь батлагдсан
• 34 настай эрэгтэй зургадугаар сарын 4-нд онош нь батлагдаж ковидын нэн хүнд хэлбэрээр нас барлаа.

Сүүлийн 24 цагт 300 хүн эдгэрч, эмнэлгээс гарлаа. Ийнхүү нийт эдгэрсэн хүний тоо 54081 болов.

Одоогоор 6253 хүн эмнэлэгт хэвтэн эмчлүүлж байгаагаас:

• Хөнгөн-3740
• Хүндэвтэр-1868
• Хүнд-515
• Маш хүнд – 130 хүн байгаа юм.